சாதிக்கப் பிறந்தவன்

**சிவா** · **சிவா** Tue Feb 02, 2010 1:51 am

என் வாழ்வின் அடையாளங்களென்று
இவ்வுலகில் எதுவுமில்லை இதுவரை -
என்னைத் தவிர...

இலட்சியங்களை நோக்கிய
என் பயணப் பாதையெங்கும் -
தோல்வியெனும் முட்கள்.

கடந்து வந்த வழிகளில் எல்லாம்
இரத்தம் தோய்ந்த -
என் பாதச் சுவடுகள்.

அகல் விளக்கில் எரியும்
தீச்சுடரென என் மன உறுதி
பெரும் புயலாய் சீறும்
அவநம்பிக்கையில் அவ்வப்போது
அணைந்து போகும்.

கண்களில் நிரம்பிய கனவுகளோடு
சிறகை விரித்து வானம் அளக்கும்
சிறு பறவையென என் மனம் -
காற்றாடிகளைக் கண்டும்
ஏனோ அச்சம் கொள்ளும்..!

தொடரும் தோல்விகள்
எனைச் சுட்டாலும் - அதிலும்
பாடங்கள் பயிலும் என் உள்ளம்..!

எதிர் வரும் தடைகளும்
வெற்றிக்கான விதையாய் -
என்னில் வேரூன்றும்..!

ஆனாலும் -

தோல்விகளோடு போராடி
சமயங்களில் நான்
சோர்ந்தமரும் தருணங்களில் -

மேற்கில் விழுந்து - பின்
கிழக்கில் புதிதாய் எழும் -
சூரியன்...

தேய்ந்து - பின் வளர்ந்து -
பிரகாசமாய் ஒளிரும் நிலா...

பூமியைப் பிளந்தெழும் சிறு புல் -

இவை எனை நோக்கி
மெளனமாய் சொல்லும் -
“இளைஞனே... எழுந்திரு
நீ சாதிக்கப் பிறந்தவன்..!”

சரோ

**சிவா** · **சிவா** Tue Feb 02, 2010 1:53 am

மனம் சோர்வடையும் பொழுது இந்தக் கவிதையை படித்துப் பாருங்கள் அப்புக்குட்டி!!! நம்பிக்கை என்னும் நட்சத்திரம் உங்கள் இரு விழிகளிலும் தெரியும்!!!

அப்புகுட்டி · அப்புகுட்டி Tue Feb 02, 2010 2:02 am

சிவா wrote:மனம் சோர்வடையும் பொழுது இந்தக் கவிதையை படித்துப் பாருங்கள் அப்புக்குட்டி!!! நம்பிக்கை என்னும் நட்சத்திரம் உங்கள் இரு விழிகளிலும் தெரியும்!!!

நிச்சியமாக அருமையான அர்த்கங்கள் நிறம்பிய வரிகள் நன்றி அண்ணா.

வைரமுத்து அவர்கள் கட்டார் வந்த போது எனக்கு ஒரு வார்த்தை கூறினார்
தடைக்கல்லையும் படிக்கல்லாக்கு என்று. அருமை அண்ணா.

Sponsored content · Sponsored content

சாதிக்கப் பிறந்தவன்

சாதிக்கப் பிறந்தவன்

Re: சாதிக்கப் பிறந்தவன்

Re: சாதிக்கப் பிறந்தவன்

Re: சாதிக்கப் பிறந்தவன்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக