சினிமா செய்திகள் - தொடர் பதிவு

**ayyasamy ram** · **ayyasamy ram** Yesterday at 5:33 am

பா ரஞ்சித்தின் ‘பாட்டல் ராதா’ ரிலீஸ் தேதி அறிவிப்பு..
--
சினிமா செய்திகள் - தொடர் பதிவு Main-qimg-6079657a90a5cede4cc1ca4a37550c9e

-

இயக்குனர் பா. ரஞ்சித் இயக்கிய "தங்கலான்" திரைப்படம் கடந்த ஆகஸ்ட் மாதத்தில் வெளியானது. தற்போது, அவர் தனது அடுத்த படத்திற்கான பணிகளில் மும்முரமாக நின்றிருக்கிறார். "வேட்டுவம்" எனும் தலைப்பில் உருவாகும் புதிய படத்தினை அவர் சமீபத்தில் ஒரு பேட்டியில் பகிர்ந்துள்ளார்.

இந்த நிலையில், பா. ரஞ்சித் தனது அடுத்த படத்தின் பணிகளை முன்னெடுத்து வந்தாலும், சில படங்களை தயாரிப்பதிலும் ஈடுபட்டுள்ளார். அதில், ஒரு படத்தின் வெளியீட்டு அறிவிப்பை அவர் தனது சமூக ஊடகங்களில் சமீபத்தில் அதிகாரபூர்வமாக அறிவித்துள்ளார்.

குரு சோமசுந்தரம், சஞ்சனா நடராஜன், மாறன் மற்றும் ஆண்டனி பாரி இளவழகன் ஆகியோர் நடித்துவரும் "பாட்டல் ராதா" என்ற திரைப்படத்தை பா. ரஞ்சித் தயாரித்து வருகிறார். இந்தப் படத்தை தினகரன் சிவலிங்கம் இயக்குகிறார்.

சாம் சிஎஸ் இசையமைக்கும் இந்தப் படத்தின் படப்பிடிப்பு கடந்த சில மாதங்களாக நடைபெற்று வருகிறது. தற்போது இந்த படம் டிசம்பர் 20ஆம் தேதி கிறிஸ்துமஸ் விருந்தாக வெளியிடப்படும் என அறிவிக்கப்பட்டுள்ளது.

இதே டிசம்பர் 20ஆம் தேதி தான் வெற்றிமாறனின் ‘விடுதலை 2’ படம் ரிலீஸாகவுள்ளது என்பது குறிப்பிடத்தக்கது

--வெப்துனியா

**ayyasamy ram** · **ayyasamy ram** Yesterday at 5:34 am

நவம்பர் 1 முதல் புதிய தமிழ் திரைப்பட தயாரிப்பு பணிகள் இல்லை:
-
நவம்பர் 1 முதல் மறு அறிவிப்பு செய்யும் வரை புதிய தமிழ் படங்களின் வேலைகளை தொடங்க வேண்டாம் என தமிழ் திரைப்பட தயாரிப்பாளர்கள் சங்கம் வேண்டுகோள் விடுத்து அறிக்கை வெளியிட்டுள்ளது. அந்த அறிக்கையில் கூறியிருப்பதாவது:

தயாரிப்பாளர்கள் சங்கம் சார்பில் ஏற்கனவே வெளியிட்ட அறிக்கையில் தயாரிப்பு செலவு அதிகரித்து தயாரிப்பாளர்களுக்கு கூடுதல் பணச் சுமை ஏற்படுவதால் திரைத்துறை சார்ந்த அனைத்து சங்கங்களுடன் பேச்சுவார்த்தை நடத்தி மறுசீரமைப்பு ஏற்படுத்துவதற்கு ஏதுவாக தயாரிப்பில் இருக்கும் படங்களின் படப்பிடிப்பு மட்டும் நடத்தப்பட வேண்டும்.

நவம்பர் மாதம் 1-ஆம் தேதி முதல் புதிய படங்களை துவகக வேண்டாம் என்று சொல்லி இருந்தோம். தென்னிந்திய நடிகர சங்கம் மற்றும் 24 சங்கங்களை உள்ளடக்கிய பெப்சியில் பல யூனியன்களிடம் நடத்திய பேச்சுவார்த்தை சுமூகமாக வந்துள்ளது. இன்னும் சில யூனியன்களிடம் பேச்சுவார்த்தை இறுதிக்கட்டத்தை எட்டியுள்ளது. அதை முழுமையாக பேச்சுவார்த்தை நடத்திட வேண்டியுள்ளது.

இவை அனைத்தும் முழுமையாக பேசி நடைமுறைக்கு கொண்டு வர உள்ளதால் தயாரிப்பாளர்கள் சங்கத்தின் மறு அறிவிப்பு வரும் வரை புதிய படங்களின் வேலைகளை துவக்க வேண்டாம் என்ற நிலைப்பாடு தொடர்கிறது என்பதை தயாரிப்பாளர்களர்களுக்கு தெரிய படுத்தி கொள்கிறோம். நமது ஒற்றுமையே தயாரிப்பு தொழிலை சிறப்புற செய்யும். ஒற்றுமையை வலிமையோடு நிலைநாட்டுவோம்" என்று அதில் தெரிவிக்கப்பட்டுள்ளது

-வெப்துனியா

**ayyasamy ram** · **ayyasamy ram** Yesterday at 5:34 am

முருகதாஸ் இயக்கத்தில் கார்த்தி நடிக்கும் படம்… தயாரிப்பாளராக சூர்யா?
-
சினிமா செய்திகள் - தொடர் பதிவு Main-qimg-930e4541343cab3fc017f1a751721aa5

--
தமிழ் சினிமாவின் மோஸ்ட் வாண்டட் இயக்குனர்களில் ஒருவராக இருந்த முருகதாஸ் தர்பார் தோல்விக்குப் பிறகு மூன்று ஆண்டுகள் எந்த படமும் இயக்காமல் இருந்தார்.

இப்போது சிவகார்த்திகேயனை வைத்து தனது அடுத்த படத்தைத் தொடங்கியுள்ளார். இந்த படத்தின் ஷூட்டிங் கடந்த மாதம் சென்னையில் தொடங்கியது. படத்தில் கதாநாயகியாக ருக்மினி வசந்த் நடிக்க அனிருத் இசையமைக்கிறார்.

இந்த படத்துக்கு இடையிலேயே முருகதாஸ் அடுத்து பாலிவுட் சூப்பர் ஸ்டார் நடிகர்களில் ஒருவரான சல்மான் கானோடு இணைந்து சிக்கந்தர் என்ற படத்தையும் இயக்கி வருகிறார். இரண்டு படங்களின் ஷூட்டிங்கையும் ஒரே நேரத்தில் இயக்கி வருகிறார்.

இதற்கிடையில் அவர் கஜினி2 படத்தை இயக்கவுள்ளதாகவும் சொல்லப்படுகிறது. இதற்கிடையில் அவர் சூர்யா தயாரிப்பில் கார்த்தி நடிக்கும் ஒரு படத்தையும் இயக்க பேச்சுவார்த்தை நடத்தியுள்ளதாக சொல்லப்படுகிறது. விரைவில் அவரின் அடுத்த படம் என்ன என்பது குறித்த அதிகாரப்பூர்வ அறிவிப்பு வெளியாகலாம் என சொல்லப்படுகிறது.

-வெப்துனியா

Sponsored content · Sponsored content

சினிமா செய்திகள் - தொடர் பதிவு

சினிமா செய்திகள் - தொடர் பதிவு

Re: சினிமா செய்திகள் - தொடர் பதிவு

Re: சினிமா செய்திகள் - தொடர் பதிவு

Re: சினிமா செய்திகள் - தொடர் பதிவு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக