தற்காப்பு....

நான் ஏன் அப்படி நடந்து கொண்டேன் என்று ஆராய்வதற்கு இது நேரமில்லை. உடனே ஏதாவது செய்து ஆக வேண்டும். என்ன செய்யலாம்? எதைச் செய்தால் இந்த சூழல் மாறும் என்று யோசித்துக் கொண்டு இருந்தான் மோகன்.

ஒரு வாரத்திற்கு முன்புதான் தன்
மச்சானிடம் ஏற்பட்ட மனக் கசப்பால் சற்று அடித்தான் போய் இருந்தான்.

அதற்கு முழு காரணமும் தன்னைச் சார்ந்தது என்று இப்போது உணர்ந்து ஒரு முடிவுக்கு வந்தான்.

ஏன் நாம் அத்தான் சொல்வது போல் அவர் கம்பெனியில் மேலாளராக பணி செய்யக்கூடாது?

இதில் என்ன கெளரவம் குறைந்து விடப்போகிறது ! மேலும் நமக்கு கட்டிட கலையும் தெரியும், அதில் உள்ள சிரமங்களும் அதை எப்படி கையாள்வது குறித்த 10 வருட அனுபவமும் இருக்கிறது.


இதை வைத்துத் தான் " கந்தன் கன்ஸ்டிரக்ஸன் " முதலாளியான முருகன் நமக்கு ஒரு வாய்ப்பை வழங்கி இருக்கிறார்.


முருகன் எங்களுக்கு ஒரு நல்ல குடும்ப மாப்பிள்ளை என்பதைத் தாண்டி தன் ஷார்டுவேர்ஸ் பிசினஸ்க்கு தன் வாழ்க்கையாளர்கள் மூலம் வியாபாரத்தை அபிவிருத்தி செய்யவும் உதவி இருக்கிறார்.


என்ன என் பேராசை , அவரைக் கேட்காமல் ஏற்றுமதி , இறக்குமதி தொழிலில் ஈடுபட்டு ஒரு பெரிய பில் தங்கி வங்கிக்கு கட்ட வேண்டிய வட்டி அசல் பாக்கி என தன் தொழிலையே முடித்துக் கொள்ள வேண்டி இருந்தது.

இப்போது எந்த கடனும் இல்லை; மனைவியும் எல்லாவற்றையும் உணர்ந்து இருக்கிறாள்.

இப்போது தன் தங்கைக்கு வளைகாப்பு ; அப்பா இல்லாததால் குறைந்தது 4 பவுனுக்கு ஏதாவது சீர் செய்ய வேண்டும்.


"செய்வோம் என்றாள் " என்றாள் ஆண்டாள் - மோகன் மனைவி.


'ஒரு யோசனை ; யாருக்கும் தெரிய வேண்டாம். நேற்று உங்கள் வீட்டு மாப்பிள்ளையுடன் பேசினேன். உங்களுக்கு மாதம் ரூபாய் 50,000 சம்பளம் என்றார்.

அதில் இருந்து 10 மாதத்திற்கு ரூபாய் 25000 வீதம் பிடித்துக் கொள்ள நானே உறுதி அளித்தேன்'.

இப்படி செய்தால் நாமும் சீரும் செய்யலாம்; சிரமம் இல்லாமல் நம் வாழ்விலும் ஒரு வழி உருவாகும் என்றாள்.

உண்மை தான் . வேலைக்கு செல்ல ஆயுத்தமானான்.