டெஸ்லாவில் ஒரு தமிழர்

**T.N.Balasubramanian** · **T.N.Balasubramanian** Wed Jun 12, 2024 5:44 pm

Tesla Ashok Elluswamy: `டெஸ்லா தமிழன்!' - ஆட்டோபைலட் தொழிநுட்பத்தின் வெற்றிக்குப் பின்னால்...

இன்றைய ஆட்டோ மொபைல் இண்டஸ்ரியில் டெஸ்லாதான் உலகின் மாபெரும் ஆட்டோ பைலட் மற்றும் எலெக்ட்ரிக் கார் உற்பத்தி நிறுவனமாக கொடி கட்டிப் பறந்து கொண்டிருக்கிறது.

டெஸ்லா கார்களின் ஸ்பெஷலே ஆட்டோ பைலட் வசதிதான். ஆட்டோ பைலட்டில் சில பிரச்னைகள் இருந்தாலும், எதிர்காலத்தில் ஆட்டோ பைலட் தொழில்நுட்பமும், எலெக்ட்ரிக்கும்தான் மிகப்பெரிய இண்டஸ்ட்ரியாக ஆட்டோ மொபைல் துறையில் கொடி கட்டிப் பறக்கவிருக்கிறது. இதை மனதில் வைத்துதான் டெஸ்லா, ஸ்பேஸ் எக்ஸ் மற்றும் எக்ஸ் நிறுவனர் எலான் மஸ்க் டெஸ்லா கார் தயாரிப்பில் தீவிரமாக இறங்கியிருக்கிறார். இந்த செல்ஃப் டிரைவிங் தொழில் நுட்பத்திற்காக டெஸ்லா நிறுவனம் பல மில்லியன்கள் முதலீடு செய்து கடந்த ஐந்து ஆண்டுகளாகத் தீவிர ஆராய்ச்சியில் இறங்கி தற்போது அதை முழுமையாக செயல்படுத்தும் பணிகளில் ஈடுபட்டு வருகிறது.

ஆட்டோ மொபைல் இண்டஸ்ட்ரியில் புரட்சியை ஏற்படுத்தி வரும் டெஸ்லாவின் இந்த ஆட்டோ பைலட்டில் தொழில்நுட்பத்திற்குப் பின்னால் இருப்பவர் அசோக் எல்லுச்சாமி என்ற தமிழர்தான்.

தமிழகத்தைப் பூர்வீகமாகக் கொண்ட இவர், சென்னையிலுள்ள கிண்டி அண்ணா பல்கலைக்கழகத்தில் தான் மின்னணு மற்றும் தொடர்புத் துறையில் பொறியியல் படித்தவர். பிறகு, அமெரிக்காவின் பிட்ஸ்பர்க்கில் உள்ள 'கார்னெகி மெல்லன்' பல்கலைக்கழகத்தில் 'ரோபாடிக்ஸ் சிஸ்டம் டெவலப்மண்ட்' துறையில் முதுகலை அறிவியல் படிப்பையும் முடித்திருக்கிறார். இதற்கிடையில் 'WABCO' மற்றும் 'ஃபோக்ஸ்வாகன்' ஆகிய நிறுவனங்களிலும் பணியாற்றியிருக்கிறார்.
டெஸ்லாவில் ஒரு தமிழர் 42e73f40a57e2cb8de0234b753c588b06b6fb20aa7202aaca0b58c543ec4baa3

டெஸ்லாவில் ஒரு தமிழர் 42e73f40a57e2cb8de0234b753c588b06b6fb20aa7202aaca0b58c543ec4baa3

அசோக் எல்லுச்சாமி
டெஸ்லா நிறுவனம் ஆட்டோபைலட் பற்றிய ஆராய்ச்சியில் இறங்கியபோது டெஸ்லாவின் ஆட்டோபைலட் குழுவுக்கு முதலில் தேர்ந்தெடுக்கப்பட்ட நபர் அசோக் தான். அமெரிக்காவின் சான் பிரான்சிஸ்கோவில் இருக்கும் அவர், 2014ம் ஆண்டு டெஸ்லாவில் ஆட்டோபைலட் பிரிவில் மென்பொருள் பொறியாளராக பணியில் இணைந்தார். 5 ஆண்டுகள் டெஸ்லாவின் பல்வேறு பொறுப்புகளில் பணியாற்றியப் பின்பு டெஸ்லா ஆட்டோபைலட்டின் தலைமைப் பொறியாளராக பணியாற்றி வந்தார். அதன்பிறகு, 2019-ல் ஆட்டைபைலட் மென்பொருள் பிரிவின் இயக்குநராக நியமிக்கப்பட்டு தற்போது வரை அப்பொறுப்பில் பணியாற்றி வருகிறார். ஆட்டோ மொபைல் துறையில் புரட்சியை ஏற்படுத்தி வரும் ஆட்டோ பைலட் தொழில்நுட்பத்தில் சிறந்து விளக்கும் தமிழராகியிருக்கிறார்.
உலகின் முன்னணி நிறுவனங்களில், உலகை மாற்றும் முக்கியப் பொறுப்புகளில் தமிழர்கள் பலர் கோலோச்சி வருகின்றனர். அவ்வவையில் எட்டுத் திக்கும் சென்று உலகை ஆளும் தமிழர் பட்டியலில் இணைந்துள்ளார் அசோக் எல்லுசாமி.

நன்றி விகடன் (டெய்லி ஹண்ட் )

டெஸ்லாவில் ஒரு தமிழர்

டெஸ்லாவில் ஒரு தமிழர்

Tesla Ashok Elluswamy: `டெஸ்லா தமிழன்!' - ஆட்டோபைலட் தொழிநுட்பத்தின் வெற்றிக்குப் பின்னால்...

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக