கலக்கும் அக்கா - தம்பி.. சாம்பியன்களாக வாங்க.. பிரக்ஞானந்தா, வைஷாலிக்கு உதயநிதி ஸ்டாலின் வாழ்த்து!

**ayyasamy ram** · **ayyasamy ram** Fri May 31, 2024 10:56 am

--
சென்னை:
நார்வே செஸ் போட்டியில் புள்ளிப் பட்டியலில் முதலிடம் பிடித்துள்ள
பிரக்ஞானந்தாவுக்கும், அவரது சகோதரி வைஷாலிக்கும் அமைச்சர்
உதயநிதி ஸ்டாலின் வாழ்த்து தெரிவித்துள்ளார்.

நார்வேயில் சர்வதேச செஸ் தொடர் நடந்து வருகிறது. ஐந்து முறை
உலக சாம்பியன் கார்ல்சன் (நார்வே), நடப்பு உலக சாம்பியன்
டிங் லிரென் (சீனா), இந்தியாவின் பிரக்ஞானந்தா உட்பட 6 பேர்
ஓபன் பிரிவில் பங்கேற்றுள்ளனர். ஒவ்வொரு சுற்றிலும் இரு முறை
மோத வேண்டும்.

இதன் முதல் சுற்றில் வெற்றி பெற்ற பிரக்ஞானந்தா, இரண்டாவது
சுற்றில், டிங் லிரெனிடம் தோல்வி கண்டார். இந்நிலையில், இன்று
நடந்த மூன்றாவது சுற்றில் கார்ல்சனை எதிர்கொண்டார்
பிரக்ஞானந்தா. இதில் வெள்ளை காய்களை கொண்டு விளையாடிய
பிரக்ஞானந்தா, அபாரமாக செயல்பட்டு கார்ல்சனை வீழ்த்தினார்.

இந்த வெற்றியின் மூலம், 5.5 புள்ளிகளுடன் முதலிடத்திற்கு
முன்னேறினார் பிரக்ஞானந்தா.

இதே நார்வே செஸ் தொடரில் பெண்கள் பிரிவில் இந்தியாவின்
வைஷாலி, கொனேரு ஹம்பி உள்ளிட்ட 6 பேர் பங்கேற்றனர்.
கிளாசிக்கல் ஆட்டத்தில் இந்தியாவின் முன்னணி நட்சத்திர செஸ்
வீராங்கனை ஹம்பியை வீழ்த்தினார் வைஷால்.

மகளிர் பிரிவில் பிரக்ஞானந்தாவின் சகோதரி வைஷாலி 5.5
புள்ளிகளுடன் தற்போது முதலிடத்தில் உள்ளார். அக்காவும் தம்பியும்
நார்வே செஸ்ஸில் ஆடவர் மற்றும் மகளிர் பிரிவில் புள்ளிப் பட்டியலில்
முன்னிலை வகித்து வருவது ரசிகர்களை மகிழ்ச்சியில் ஆழ்த்தியுள்ளது.

இந்நிலையில், நார்வே செஸ் போட்டியில் உலகின் நம்பர் ஒன் வீரர்
கார்ல்சனை வீழ்த்திய பிரக்ஞானந்தாவுக்கும், புள்ளிப் பட்டியலில்
முதலிடம் பெற்றுள்ள வைஷாலிக்கும் தமிழக இளைஞர் நலன மற்றும்
விளையாட்டுத்துறை அமைச்சர் உதயநிதி ஸ்டாலின் வாழ்த்து
தெரிவித்துள்ளார்.

"கிளாசிக்கல் செஸ் போட்டியில் கார்ல்சனை பிரக்ஞானந்தா
தோற்கடித்தது மறக்க முடியாத சாதனை. அதேபோல், மகளிர் நார்வே
செஸ் போட்டியில் முதன்முறையாக கிளாசிக்கல் சுற்றில் ஹம்பி
கோனேருவை வைஷாலி தோற்கடித்தது மற்றொரு அசாதாரண
சாதனை.

பிரக்ஞானந்தாவும் அவரது சகோதரி வைஷாலியும் தொடர்ந்து வெற்றி
பெற்று நார்வேயில் சாம்பியன் பட்டம் வெல்ல வாழ்த்துகிறேன்.
அக்கா - தம்பியின் வெற்றிப் பயணம் தொடரட்டும்" என அமைச்சர்
உதயநிதி ஸ்டாலின் வாழ்த்து தெரிவித்துள்ளார்.
-
விக்னேஷ் செல்வராஜ்- ஒன் இந்தியா.காம்

கலக்கும் அக்கா - தம்பி.. சாம்பியன்களாக வாங்க.. பிரக்ஞானந்தா, வைஷாலிக்கு உதயநிதி ஸ்டாலின் வாழ்த்து!

கலக்கும் அக்கா - தம்பி.. சாம்பியன்களாக வாங்க.. பிரக்ஞானந்தா, வைஷாலிக்கு உதயநிதி ஸ்டாலின் வாழ்த்து!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக