காயத் திரியில் விளக்கேற்றி

சண்முகம்.ப · சண்முகம்.ப Sun 19 May 2024 - 8:48

மழைத்துளி மண்ணில் சிந்திடுமோர்
மாலைப் பொழுதில் அவள்வந்தாள்;
குழைகள் சூடிய கலைமகளாய்க்
கண்ணுக் குள்ளே அவள்விழுந்தாள்;
அழையா விருந்தெனக் காதலினை
அகத்திற் குள்ளே அவள்நுழைத்தாள்;
பிழையோ சரியோ என்னுமொரு
பெருங்குழப் பத்தை அவள்கொடுத்தாள்.

தாணிக் குடமெனும் சிற்றூரில்
தூரல் வீச நடந்துவந்தாள்;
வாணியின் உருவாய் வந்ததினால்
விழிகளில் கண்ணீர் பெருகவைத்தாள்;
தூணிலும் துரும்பிலும் இருப்பவனைத்
தூயமெல் லிசையால் வெளிக்கொணர்ந்தாள்;
ஏணியைப் போலே இசைசாத்தி
எங்களை வானில் ஏற்றிவிட்டாள்!

புரமேரி எனும் சிற்றூரில்
பிறந்தவள் அவளெனத் தெரிந்துகொண்டேன்;
மரத்தோட் டத்தில் அவள்வாழும்
மாளிகை இருப்பதை
அறிந்துகோண்டேன்;
சிரமம் தானெனத் தெரிந்தாலும்
சீக்கிர மேயொரு முடிவெடுத்தேன்;
வரமாய் வந்தாள் என்பதனால்
வாழ்க்கைக் கொடுக்கத் துணிந்துவிட்டேன்;

காயத் திரியில் விளக்கேற்றிக்
காதல் ஒளியைப் பரப்பி விட்டேன்;
சாயங் காலச் சூரியன்போல்
சிவந்த மலரால் பூசையிட்டேன்;
தாயும் தந்தையும் என்குருவும்
தெய்வமும் அவளெனத் தெளிந்து விட்டேன்;
மாயம் செய்த மணிக்குயிலை
மணப்பெண் ணாக ஏற்றுவிட்டேன்.

**T.N.Balasubramanian** · **T.N.Balasubramanian** Sun 19 May 2024 - 19:10

நன்றாகத்தான் உள்ளது

ஆனாலும் நெருடல்களும் உண்டு .

காயத் திரியில் விளக்கேற்றி --------

காயத்திரி மந்திரத்தை பிரித்துள்ளீரா ?

பெண் பெயர் காயத்ரி என்றால்

"காயத்ரி விளக்கேற்ற" என்று இருந்திருக்கலாமே?

பிரிக்கக்கூடாததை, மனதிற்கு உகந்தபடி, பிரிக்கவேண்டாமே !

@சண்முகம்.ப

சண்முகம்.ப · சண்முகம்.ப Mon 20 May 2024 - 0:32

T.N.Balasubramanian wrote:நன்றாகத்தான் உள்ளது

ஆனாலும் நெருடல்களும் உண்டு .

காயத் திரியில் விளக்கேற்றி --------

காயத்திரி மந்திரத்தை பிரித்துள்ளீரா ?

பெண் பெயர் காயத்ரி என்றால்

"காயத்ரி விளக்கேற்ற" என்று இருந்திருக்கலாமே?

பிரிக்கக்கூடாததை, மனதிற்கு உகந்தபடி, பிரிக்கவேண்டாமே !

@சண்முகம்.ப

மேற்கோள் செய்த பதிவு: undefined

காயம் என்றால் உடல் என்று பொருள். உடல் என்ற திரியில் விளக்கேற்றி என்ற பொருளில் வருகிறது. ஆனால், நீங்கள் நினைத்தது சரிதான். பெண்ணின் பெயர் சூர்யகாயத்ரி .

Sponsored content · Sponsored content

காயத் திரியில் விளக்கேற்றி

காயத் திரியில் விளக்கேற்றி

Re: காயத் திரியில் விளக்கேற்றி

Re: காயத் திரியில் விளக்கேற்றி

Re: காயத் திரியில் விளக்கேற்றி

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக