மேனி கமகமக்க

பருவ
வயது ஆண்களுக்கும், பெண்களுக்கும் முகப்பரு எவ்வளவு பிரச்சனையோ அதுபோல்
வியர்வை நாற்றமும் மிகப்பெரிய பிரச்சனையாகும். இந்த நாற்றம் பலவகையில்
இருக்கும். சிறிது வியர்த்தாலே இத்தகைய நாற்றம் இவர்களின மீது வந்துவிடும்.

வியர்வை வெளியேறும் துளைகளில் உள்ள பாக்டீரியாக்களால் வியர்வை
நாற்றம் அடைகிறது. இந்த பாக்டீரியாக்களை அழித்து உடல் மணக்க இரசாயனம் கலவாத இயற்கை
பொருட்களைக் கொண்டு நல்ல வாசம் பெறலாம்.

வெட்டிவேர் - 50
கிராம்

ரோஜா இதழ் காய்ந்தது - 50 கிராம்

எலுமிச்சம் பழத்தோல் - 50
கிராம்

சீயக்காய் தூள் - 50 கிராம்

ஆவாரம் பூ காய்ந்தது - 50
கிராம்

புதினா இலை காய்ந்தது - 50 கிராம்

இவற்றை எடுத்து நன்கு
இடித்து பொடித்து தினமும் குளிப்பதற்கு முன் சிறிது நீர்விட்டு குழப்பி உடலெங்கும்
பூசி 15 நிமிடங்கள் கழித்து வெதுவெதுப்பான நீரில் குளித்து வந்தால் வியர்வை நாற்றம்
போய் உங்கள் உடலிலிருந்து நல்ல மணம் வீசும்.

மேலும் உணவில் அதிகளவு பச்சைக்
காய்கறிகள் சேர்த்து சாப்பிட்டால் நல்லது. நன்கு நீர் அருந்த வேண்டும். தினமும்
இருமுறை குளிப்பது நல்லது. அக்குள் பகுதிகளில் உள்ள ரோமங்களை அடிக்கடி
நீக்கிவிடுவது நல்லது.

உதடுகள் அழகாக

முகம் அழகாகத் தோன்ற கண்,
காது, மூக்கு, கன்னம் போன்றவற்றை பேணிக் காத்தால் மட்டும் போதாது. உதடுகளும்
அழகானதாக இருக்க வேண்டும். என்னதான் பேரழகியாக இருந்தாலும் உதடுகள் உலர்ந்து, தோல்
உரிந்து வெளுத்து காணப்பட்டால் முக அழகு எடுபடாமல் போய்விடும்.

உதடுகளை
நன்கு பராமரித்தாலே போதுமானது. வறண்ட உதடுகளைக் கொண்டவர்கள் தினசரி உதடுகளின்மேல்
நெய் அல்லது வெண்ணெய் தடவி வந்தால் வறண்ட உதடுகள் மாறி
வழவழப்பாகும்.

கொத்துமல்லி இலைகளின் சாற்றை எடுத்து தினமும் இரவு
படுக்கைக்குச் செல்லும்முன் உதடுகளில் தடவி வந்தால் உதடு சிவப்பாகும்.


தேங்காய் எண்ணெயில் அரை டீஸ்பூன் ஜாதிக்காய் பொடியைச் சேர்த்து குழைத்து
உதடுகளின் மேல் தடவி வந்தால் உதடுகள் சிவந்து, பளபளப்பாக
காட்சியளிக்கும்.

பீட்ரூட் அல்லது மாதுளம் பழத்தின் சாற்றை உதடுகளின் மீது
பூசி வந்தால் உதடுகள் அழகாகும்.

உதடு வெடிப்பு மாற

முட்டையின்
வெள்ளைக்கரு, பாதாம் பருப்பு விழுது, பாலாடை ஆகிய மூன்றையும் கலந்து வாரம் ஒருமுறை
தடவி வந்தால் உதடுகள் கவர்ச்சியாகும்.

ஆலிவ் எண்ணெயில் சிறிது தேனும்,
பன்னீரும் கலந்து தடவி வந்தால், சொரசொரப்பான உதடுகள் நன்கு சிவப்பாக
மாறும்.

பாலாடையை உதடுகளில் தடவி மென்மையாக மசாஜ் செய்தால் உதடுகள் சிவந்து
பளபளப்பாக இருக்கும்.

ரோஜா இதழ் - 10 கிராம்

டீத்தூள் - 10
கிராம்

சேர்த்து 50 மி.லி. தண்ணீரில் போட்டு கொதிக்க வைத்து, ஆறியபின்
உதடுகளுக்கு ஒத்தடம் கொடுக்க கறுத்த உதடுகள் சிவப்பாக மாறும்.

சருமம்
பளபளக்க

வெள்ளரிச்சாறு, உருளைக் கிழங்கு சாறு, தர்பூசணிச்சாறு, ஆகிய
அனைத்தையும் சம அளவு கலந்து முகம், கைகளில் பூசி வர கருமை நீங்கி சருமம்
பளபளக்கும்.

அடிக்கடி உதடுகளை கடிப்பது, நாவினால் ஈரப்படுத்துவது கூடாது.


வேதிப்பொருள் கலந்த உதட்டுச் சாயங்களை தவிர்க்க வேண்டும்

கைவிரல்
கொண்டு உதட்டை அழுத்தக் கூடாது.

அருமையான தகவல்