வெண்டை, மொச்சை புளி மண்டி

உதயசுதா · உதயசுதா Wed Jan 27, 2010 3:30 pm

செட்டிநாட்டுல ரொம்ப பேமசான கூட்டு இது

தேவையான பொருட்கள்
வெண்டைக்காய் - கால் கிலோ
மொச்சை பயறு - நூறு கிராம் சி.
வெங்காயம் - நூறு கிராம்
தக்காளி - இரண்டு
ப. மிளகாய் - ஏழு
மஞ்சள் பொடி - ஒரு டீ ஸ்பூன்
புளி - ஒரு எலுமிச்சையளவு
கடுகு - ஒரு டீ ஸ்பூன்
சோம்பு - அரை டீ ஸ்பூன்
சீரகம் - அரை டீ ஸ்பூன்
வெந்தயம் - அரை டீ ஸ்பூன்
மல்லி விதை - ஒரு டீ ஸ்பூன்
எண்ணய் - மூன்று டேபிள் ஸ்பூன்
கறிவேப்பிலை - இரண்டு கொத்து
உப்பு - ஒன்றரை டீ ஸ்பூன்

செய்முறை

மொச்சை பயரை வாசனை வர வறுத்து ஒரு டம்ளர் தண்ணிர் ஊற்றி,அரை டீ ஸ்பூன் உப்பு சேர்த்து குக்கரில் வேக வைக்கவும். தண்ணீரை வடிக்க வேண்டாம்.

வெண்டைக்காயை அரை அங்குலத் துண்டுகளாக நறுக்கவும்.
சி. வெங்காயத்தை தோலுரித்து இரண்டிரண்டாகவும், தக்காளிகளை நான்காகவும் நறுக்கவும். மிளகாயை வாய் பிளந்து வைக்கவும்.

மல்லி விதை, வெந்தயம், சீரகம், சோம்பை எண்ணை விடாமல் வறுத்து பொடிக்கவும். புளியை ஒரு டம்ளர் தண்ணீரில் கரைத்து வடிகட்டி வைக்கவும்.

அடுப்பில் கடாயை வைத்து எண்ணை ஊற்றாமல் வெண்டைக்காய் துண்டுகளைப் போட்டு வதக்கவும். சிறிது நேரத்தில் அதிலுள்ள ஈரமெல்லாம் போய் நன்றாக வறண்ட உடன் இறக்கவும்.

வேறு வாணலியில் எண்ணை ஊற்றி கடுகு போட்டு வெடித்ததும் சி. வெங்காயம் போட்டு வதக்கவும். பாதி வதங்கியதும் மிளகாய், வெண்டைக்காய் சேர்க்கவும். மூன்று நிமிடம் கழித்து தக்காளி, மஞ்சள் பொடி சேர்த்து வதக்கவும்.

நான்கு நிமிடம் கழித்து புளிக் கரைசல், மொச்சை,ஒரு டேபிள் ஸ்பூன் உப்பு, பொடித்த பொடி சேர்த்து பத்து நிமிடம் கொதிக்க வைத்து இறக்கவும்.