நொறுக்கு தீனி- லக்கா

யமுனாஸ் · யமுனாஸ் Wed Jan 27, 2010 2:07 pm

தேவை பொருள்

மைதா- 250 கிராம்
கடலை மாவு - 125 கிராம்
தனியா தூள் - 1ஸ்பூன்
மிளகாய் தூள் - 1 ஸ்பூன்
ஓமம் - 1/2 ஸ்பூன்
பேக்கிங் பௌடர் - 1/2 ஸ்பூன்
உப்பு தேவைக்கு
எண்ணை தேவைக்கு

செய்முறை

ஒரு பாத்திரத்தில் மைதா மாவைப்போட்டு அதில் 2ஸ்பூன் காய்ச்சிய எண்ணை, உப்பு, ஓமம், பேக்கிங் பௌடர் போட்டு சிறிது தண்ணீர் விட்டு நன்றாக பிசைந்து சப்பாத்திக்கல்லில் வைத்து வட்டமாக தேய்த்து கொள்ளவும்.
மற்றொரு பாத்திரத்தில் கடலை மாவு, மிளகாய் தூள், தனியா தூள் , உப்புஆகியவற்றை போட்டு சிறிது தண்ணீர் விட்டு கெட்டியாக பிசைந்து கொண்டு
வட்டமாக தேய்த்த சப்பாத்திமாவின் நடுவில் வைத்து, மாவை நன்றாக மூடி மறுபடியும் வட்டமாக தேய்க்கவும்.
பிறகு அதை ஒரு கத்தியினால் சிறு சிறு துண்டுகளாக நறுக்கி எடுக்கவும்.
வாணலியில் எண்ணை விட்டு காய்ந்ததும், நறுக்கிய துண்டுகளை அதில் போட்டு பொன்னிறமானதும் எடுக்கவும்.