இதுவரை வெளியான தேர்தல் முடிவுகளின்படி ஜனாதிபதி மகிந்த ராஜபக்ச முன்னிலையில்…

நடந்து முடிந்த ஜனாதிபதித் தேர்தலில் இதுவரை வெளியான முடிவுகளின்படி ஜனாதிபதி மகிந்த ராஜபக்ச கூடுதல் வாக்குகளைப் பெற்றுள்ளார். இதன்படி இதுவரை 20மாவட்டங்களுக்கான தபால்மூல வாக்களிப்பின் முடிவுகளும், சில தொகுதி முடிவுகளும் வெளியாகியுள்ளன. தபால்மூல வாக்களிப்பில் யாழ்ப்பாணம் மற்றும் மட்டக்களப்பு ஆகிய மாவட்டங்களைத் தவிர்ந்த ஏனைய மாவட்டங்களில் மகிந்த ராஜபக்ச வெற்றிபெற்றுள்ளார். மேலும் தொகுதி ரீதியான வாக்கெடுப்பு முடிவுகளின்படி கண்டி மாவட்டத்தின் கலகெதர, செங்கடகல தொகுதிகளில் மகிந்த ராஜபக்சவும், கண்டி தொகுதியில் சரத் பொன்சேகாவும் வெற்றி பெற்றுள்ளனர். இதேவேளை காலி மாவட்டத்தின் பலப்பிட்டிய, அம்பலாங்கொட தொகுதிகளில் மகிந்த ராஜபக்சவும், காலி தொகுதியில் சரத் பொன்சேகாவும் வெற்றிபெற்றுள்ளனர். பதுளை மாவட்டத்தின் ஹாலிஎல மற்றும் பதுளை தொகுதிகளில் மகிந்த ராஜபக்ச வெற்றியீட்டியுள்ளார். மொனறாகலை மாவட்டத்;தின் மொனறாகலையில் மகிந்த ராஜபக்ச வெற்றியீட்டியுள்ளார். மாத்தளை இரத்தோட்டை தொகுதியின் முடிவுகளின்படி மகிந்த ராஜபக்ச 32818 வாக்குகளும், சரத்பொன்சேகா 25.991வாக்குகளையும் பெற்றுள்ளனர். இரத்தினபுரியின் கலவானை மற்றும் பெல்மதுளையில் மகிந்த ராஜபக்ச 31.514வாக்குகளும், சரத் 14009வாக்குகளையும் பெற்றுள்ளனர். கொழும்பு தெகிவளை தொகுதியில் சரத்பொன்சேகா 24441 வாக்குகளையும், மகிந்த ராஜபக்ச 19457வாக்குகளையும் பெற்றுள்ளனர். யாழ்ப்பாணத்தின் யாழ் தொகுதியில் சரத் பொன்சேகா 7914 வாக்குகளையும், மகிந்த 3296வாக்குகளையும் பெற்றுள்ளனர். களுத்துறை மாவட்டத்தின் புளத் சிங்கள மற்றும் களுத்துறை தொகுதிகளில் மகிந்த ராஜபக்ச வெற்றிபெற்றுள்ளார். அநுராதபுரம் மாவட்டம் கெக்கிராவை மற்றும் அனுராதபுரம் மேற்கு தொகுதிகளில் மகிந்த ராஜபக்ச வெற்றிபெற்றுள்ளார். வெளியாகியுள்ள தேர்தல் முடிவுகளின் அடிப்படையில் மகிந்த ராஜபக்ச 7லட்சத்து 85ஆயிரத்து 318வாக்குகளையும் சரத்பொன்சேகா 5லட்சத்து 9ஆயிரத்து 14வாக்குகளையும் பெற்றுள்ளனர். அம்பாறையின் சம்மாந்துறை தொகுதியில் சரத்பொன்சேகா வெற்றிபெற்றுள்ளார். இதனடிப்படையில் சரத்பொன்சேகாவைவிட மகிந்த ராஜபக்ச 2.76302வாக்குகளால் தற்போது முன்னிலை வகிக்கின்றார். இதுவரை வெளியிடப்பட்ட தேர்தல் முடிவுகளின்படி மகிந்த ராஜபக்ச 60.18சத வீதத்திலும், சரத்பொன்சேகா 38.33சதவீதத்திலும் வாக்குகளைப் பெற்றுள்ளனர்