எங்கிருந்தும் இயக்க - இலவச இணைய இயங்குதளம்

**சிவா** · **சிவா** Thu Apr 16, 2009 12:44 am

First topic message reminder :

எந்த ஒரு இயங்குதளத்தையும் நமது கணினியில் நிறுவிய பிறகே இயக்கிப் பார்க்க இயலும். உதாரணமாக விண்டோஸ், லினக்ஸ், ஆப்பிள் மேக் போன்றவை.

ஒரு புதிய இணைய இயங்குதளமான iCloud பற்றி இங்கே காண்போம்.

iCloud ஐ உங்கள் கணினியின் உலவியில் இருந்தபடியே இயக்கலாம். தனியாக வேறு எந்த மென்பொருளையும் நிறுவ வேண்டியதில்லை. நாளுக்கு நாள் வளர்ந்து வரும் புதிய தொழில்நுட்பமான RIA வின் சாதனை இது.

இது ஒரு இலவச இணைய இயங்குதளம். இதற்கு iCloud Web Operating System (இணைய இயங்குதளம்) என்று பெயர். விண்டோஸ் விஸ்டா, விண்டோஸ் 7 ஆகியவற்றைப் போன்ற பணிச்சூழல் கொண்டுள்ளது.

வீட்டுக்கணினியை அலுவலகத்தில் இயக்க வேண்டும் என்றால் அதற்காக டீம்வியூவர் முதலிய மென்பொருட்களைப் பயன்படுத்த வேண்டியிருக்கும். இரண்டு கணினிகளும் இணைப்பில் இருந்தால்தான் டீம்வியூவரைப் பயன்படுத்த இயலும்.

ஆனால் இந்த iCloud என்கிற இணைய இயங்குதளத்தை நீங்கள் உலகின் எந்த ஒரு இடத்தில் இருந்தும் உலவியின் மூலம் ஓட்டிப் பார்க்கலாம்.

வழமையான அலுவலகப் பயன்பாடுகளில் உள்ள பிரச்சினை என்னவெனில், குறிப்பிட்ட கோப்பு ஒன்றை அதற்காக உள்ள பிரத்தியேகப் பயன்பாட்டின் மூலமே திறக்க இயலும்.

லினக்ஸ் வழியாக உருவாக்கிய குறிப்பிட்ட கோப்பினை, விண்டோஸிலோ, ஆப்பிள் மேக்கிலோ திறந்து பார்க்க வேண்டும் என்றால் மிகுந்த சிரமத்திற்கு ஆளாக நேரிடும்.

ஒவ்வொரு இயங்குதளமும், ஒன்றுக்கொன்று முரண்பட்டதாக இருப்பதே காரணம். இவற்றிற்கான அலுவலகப் பயன்பாடுகளும் ஒன்றையொன்று எதிரியாகவே பாவிக்கின்றன.

ஆனால் இந்த iCloud என்பது ஒரே இணைய இயங்குதளமாக இருப்பதால் ஓரிடத்தில் உருவாக்கிய கோப்பினை, வேறிடத்தில் எந்தவிதமான சிக்கலுமின்றிப் பெற்றிடலாம்.

இப்போது பீட்டா வடிவில் உள்ளது. மாய இயங்குதளம் என்று இதைக் கூறலாம். இண்டெர்நெட் எக்ஸ்ப்ளோரர் உலவி வழியாக இயக்கலாம். நெருப்பு நரி என்று செல்லமாக அழைக்கப்படும் Firefox உலவி வழியாக இதை இயக்குவதில் உள்ள சிறுசிறு பிரச்சினைகளைத் தீர்த்துக் கொண்டிருக்கிறார்கள்.

இந்த iCloudல் நிறையப் பயன்பாடுகள் உள்ளன. படம் பார்க்க, பாட்டுக் கேட்க, யூட்யூப் காணொளிகளைக் காண்பதற்கு என தனித்தனி பயன்பாடுகள் ஒருங்கிணைக்கப்பட்டுள்ளன.

iCloudல் 50 GB இலவச இடவசதி அளிக்கப்படுகிறது. மின்னஞ்சல், அரட்டை, புகைப்பட எடிட்டர், நாட்காட்டி, விளையாட்டுகள் எனப் பல அம்சங்களையும் உள்ளடக்கியது.

மைக்ரோசாப்ட் வேர்ட் மென்பொருளைப் போன்ற ஒரு அலுவலகப் பயன்பாட்டைத் தன்னகத்தே கொண்டுள்ளது இந்த iCloud. கணினி நிரல்களை எழுதுவதற்கான IDE, மற்றும் XML எடிட்டர் ஆகியவற்றையும் உள்ளடக்கியுள்ளது.

இது பீட்டா வடிவிலேயே இருந்தாலும் தெளிவான அம்சங்களுடன் விளங்குவதால் எதிர்காலத்தில் கணினி உலகில் பெரும் புரட்சியை ஏற்படுத்த வாய்ப்புள்ளது. http://icloud.com/en/register இந்தத் தளத்தில் உங்களுக்கான பயனர்கணக்கைத் துவக்கி அதன் மூலமாக உள் நுழைந்து பாருங்கள். ஒரு வித்தியாசத்தை உணர்வீர்கள்.

iCloudக்குப் போட்டியாக eyeOS உள்ளது.

இணையத்திலேயே இயங்குதளம் என்பதில் உள்ள நடைமுறைச் சிக்கல் யாதெனில் ஒவ்வொரு உலவியிலும் சிக்கலில்லாமல் பயன்படுத்த வழிவகை செய்வதுதான்.

தள முகவரி : http://icloud.com/en/landing

தமிழ்நெஞ்சம்

Guest · Guest Thu Jul 02, 2009 8:20 am

மிகவும் அ௫மையான தகவல் மகிழ்ச்சி

gv.raj · gv.raj Sun Jul 19, 2009 9:52 am

Very Nice Sir இப்பவே புது account open பண்ணிடேன்...................

ramesh.vait · ramesh.vait Sun Jul 19, 2009 11:21 am

nice

Guest · Guest Sun Jul 19, 2009 11:33 am

ramesh.vait wrote:nice

நைஸ்

sujee1000 · sujee1000 Sun Jul 19, 2009 11:47 am

Another site http://g.ho.st/

Sponsored content · Sponsored content

எங்கிருந்தும் இயக்க - இலவச இணைய இயங்குதளம்

எங்கிருந்தும் இயக்க - இலவச இணைய இயங்குதளம்

Re: எங்கிருந்தும் இயக்க - இலவச இணைய இயங்குதளம்

Re: எங்கிருந்தும் இயக்க - இலவச இணைய இயங்குதளம்

Re: எங்கிருந்தும் இயக்க - இலவச இணைய இயங்குதளம்

Re: எங்கிருந்தும் இயக்க - இலவச இணைய இயங்குதளம்

Re: எங்கிருந்தும் இயக்க - இலவச இணைய இயங்குதளம்

Re: எங்கிருந்தும் இயக்க - இலவச இணைய இயங்குதளம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக