"ஜோஸ்வா" படத்தின் விமர்சனம்.

**ayyasamy ram** · **ayyasamy ram** Mon 4 Mar 2024 - 10:11

கெளதம் மேனன் இயக்கத்தில் வருண், ராஹே ஆகியோர்
நடிப்பில் இன்று வெளியாகியுள்ள "ஜோஸ்வா" படத்தின்
விமர்சனம் .
"ஜோஸ்வா" படத்தின் விமர்சனம். OgSpi9pdU6EIx2G6u4Kj

கதைக்களம்:

நாயகன் ஜோஸ்வா மற்றும் வழக்கறிஞரான நாயகி குந்தவை
ஆகிய இருவரும் காதலிக்கிறார்கள். ஜோஸ்வா தான் ஒரு
கூலிப்படையை சேர்ந்தவன் என்கிற உண்மையை குந்தவையிடம்
சொல்ல, இருவருக்கும் கருத்து வேறுபாடு ஏற்படுகிறது.
இதனால் இவர்களின் காதலும் முடிவுக்கு வருகிறது

இந்நிலையில் போதைப் பொருள் மாஃபியா கும்பல் தலைவனின்
வழக்கை வாதாட களமிறங்குகிறார் குந்தவை. இதனால்
குந்தவையின் உயிருக்கு ஆபத்து ஏற்பட, எப்படி நாயகன் இந்த
கொலைகார கும்பல்களிடம் இருந்து நாயகியை காப்பாற்றி அந்த
வழக்கை வாதாட வைக்கிறார் என்பதே மீதி கதை

நடிகர்களின் நடிப்பு :

ஆக்‌ஷன் காட்சிகளில் சிறப்பாக நடித்துள்ள நாயகன் வருண்,
ரொமான்ஸ் மற்றும் செண்டிமெண்ட் காட்சிகளில் கூடுதல் கவனம்
செலுத்தி நடித்திருக்கலாம்.

பல க்ளோஸ்-அப் காட்சிகளில் மிகவும் சுமாரான
முகபாவனையையே கொடுத்துள்ளார். குந்தவையாக நடித்திருக்கும்
ராஹேவின் நடிப்பு சிறப்பாக இருந்தாலும் சில இடங்களில்
செயற்கையான நடிப்பு தென்படுகிறது.

கேமியோ ரோலில் நடித்திருக்கும் கிருஷ்ணாவும் பெரிய தாக்கத்தை
ஏற்படுத்தவில்லை.

இயக்கம் மற்றும் இசை :

அழகான காதலையும் ஆக்ரோஷமான ஆக்‌ஷனையும் கலந்து
திரைக்கதை அமைக்கும் தன் பழைய பாணியையே மீண்டும்
ஜோஸ்வாவில் கையிலெடுத்திக்கிறாரார் இயக்குனர் கவுதம் மேனன்.

மிகவும் எதிர்பார்க்கப்பட்ட கார்த்திக்கின் பின்னணி இசை மற்றும்
பாடல்கள் நேரத்தை கடத்த உதவியதே தவிர ஈர்ப்பை ஏற்படுத்தவில்லை

படத்தின் ப்ளஸ் :

• பரபரப்பான ஆக்‌ஷன் காட்சிகள்

• சூப்பரான ஒளிப்பதிவு

• சுமாரான பின்னணி இசை

• காதல் காட்சிகள்

படத்தின் மைனஸ் :

• சுவாரஸ்யமில்லாத காட்சிகள்

• அழுத்தமில்லாத திரைக்கதை

• செயற்கையான நடிப்பு

• கணிக்க கூடிய கதைக்களம்

மொத்தத்தில் , ஆக்‌ஷனுக்கு மட்டுமே முக்கியத்துவம் கொடுத்து
திரைக்கதையில் கோட்டை விட்டுள்ளனர் "ஜோஸ்வா : இமை போல் காக்க"
படக்குழுவினர்.

-விமர்சனம்: நவீன்

“தமிழ் இந்தியன் எக்ஸ்பிரஸ்

"ஜோஸ்வா" படத்தின் விமர்சனம்.

"ஜோஸ்வா" படத்தின் விமர்சனம்.

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக