குடியரசு தினத்தில் நோயாளிகளுக்கு சேவை : இலவச முகச்சவரம் செய்த தர்மபுரி வாலிபர்

தர்மபுரி:
குடியரசு தினத்தன்று நோயாளிகளுக்கு இலவச முகச்சவரம் செய்து தர்மபுரி
வாலிபர் சேவை செய்தார். நேற்று நாடு முழுவதும் குடியரசு தின விழா
விமர்சையாக கொண்டாடப்பட்டது. மாவட்ட தலைநகரங்களில் கலெக்டர்கள் தேசிய
கொடியேற்றி வைத்து, போலீஸ் அணி வகுப்பு மரியாதை ஏற்று, தியாகிகள்
கவுரவிக்கப்பட்டும், நலத்திட்ட உதவிகள் சிறப்பாக பணிபுரிந்து அரசு துறை
அதிகாரிகளுக்கு பாராட்டி பரிசு வழங்கியும் கவுரவப்படுத்தப்பட்டனர்.


இந்தியா
1947 ஆகஸ்ட் 15ம் தேதி சுதந்திர பெற்ற போதும், 1950 ஜனவரி 26ம் தேதி
இந்திய அரசியல் சட்டம் ஏற்றப்பட்டபோதுதான் முழு குடியரசு நாடாக மாறியது.
மன்னராட்சி முடிவுக்கு வந்து மக்களாட்சி துவங்கியது. குடியரசு மூலம்
ஆட்சி, அதிகாரத்தில் மக்களின் பங்களிப்புக்கு முக்கியத்துவம் கிடைத்தது.
இந்தியாவின் 61வது குடியரசு தினம் நாடு முழுவதும் நேற்று கொண்டாடிய
நேரத்தில் ஏதாவது சேவை செய்ய வேண்டும் என்ற உணர்வோடு, தர்மபுரி வாலிபர்
நோயாளிகளுக்கும், காது கேளாத மாணவர்களுக்கும் முடி திருத்தம் செய்தும்,
முகச்சவரம் செய்தும் சேவை பணியாற்றியுள்ளார். தர்மபுரியை அடுத்த பழைய
பேட்டையை சேர்ந்தவர் கணேஷ் (34). இவர் தர்மபுரி நான்கு ரோடு சந்திப்பு
ரவுண்டானா பகுதியில் சலூன் கடை நடத்தி வருகிறார். இந்த வாலிபருக்குள்
இருந்த தேசபற்றும், தேசிய உணர்வும் குடியரசு தினத்தில் ஏதாவது செய்ய
வேண்டும் என மனதுக்குள் அலை பாய்ந்து வந்தது.


கடந்த
காலங்களில் நண்பர்களோடு சேர்ந்து குடியரசு தின வாழ்த்துக்களை தெரிவிக்கும்
பேனர்களை கட்டி அழகு பார்த்தும், குடியரசு தின வாழ்த்துக்களை பகிர்ந்து
வந்த கணேசன். 61வது குடியரசு தினத்தில் மக்களுக்கு சேவை செய்ய வேண்டும் என
முடிவு செய்தார். இவரது முடிவுக்கு அவரது நண்பர்கள் ஊக்க கொடுத்தனர்.
சிலரே இவரது சேவை முடிவை பார்த்து கேலியும் செய்தனர். எதையும்
பெரிதுபடுத்தாமல் தன் கடமையை கண்ணாய் தர்மபுரி அரசு மருத்துவமனையில்
சிகிச்சை பெற்று வரும் நோயாளிகளுக்கு இலவசமாக முகச்சவரம் செய்ய முடிவு
செய்தார். முதலில் தர்மபுரி விவேகானந்தா காது கேளாதோர் பள்ளிக்கு சென்று
அங்குள்ள 15 மாணவர்களுக்கு முடி வெட்டி அழகு பார்த்தார். அங்கிருந்து
தர்மபுரி அரசு மருத்துவமனைக்கு வந்த கணேஷ் டாக்டர்களின் முழு
ஒத்துழைப்புடன் நோயாளிகளுக்கு காலை 11.30 மணியில் இருந்து முகச்சவரம்
செய்ய துவங்கினார்.

இரவு 8 மணி
வரையில் 100 பேருக்கு முகச்சவரம் செய்ய வேண்டும் என்ற ஆர்வத்தில் நேற்று
மாலை 4 மணி வரையில் 50 பேருக்கு முகச்சவரங்கள் செய்து முடித்த போதும்,
தொடர்ந்து இடைவேளையில்லாமல் தனது பணியில் கண்ணும் கருத்துமாக இருந்த
கணேஷிடம் கேட்டபோது,""குடியரசு தினத்தில் அனைவரும் மகிழ்ச்சியாக இருக்க
வேண்டும். முகத்தில் சந்தோஷம் பொங்க வேண்டும். அதனால், நோயாளிகளுக்கு
முகச்சவரம் செய்து அவர்களையும் குடியரசு நாளில் குதுகாலத்துடன் இருக்க
செய்தேன். இது ஒரு சமூக சேவைபணியாக நினைத்து செய்கிறேன்,'' என்றார்.
கணேஷின் சே�வையை பார்த்த டாக்டர்கள் மற்றும் நோயாளிகள் மகிழ்ச்சி
அடைந்தனர். அவரின் சேவைப்பணி வரும் நாட்களிலும் தொடர வேண்டும் என பலரும்
வாழ்த்து தெரிவித்தனர்.