3 மாநிலங்களில் பாஜக வெற்றி முகம்... காங். வசமாகும் தெலங்கானா -

**ayyasamy ram** · **ayyasamy ram** Sun Dec 03, 2023 3:20 pm

-
புதுடெல்லி:
மத்தியப் பிரதேசம், ராஜஸ்தான், சத்தீஸ்கர், தெலங்கானா ஆகிய
4 மாநில சட்டப்பேரவைகளுக்கு நடைபெற்ற தேர்தலில் பதிவான
வாக்குகள் எண்ணப்பட்டு வரும் நிலையில், தெலங்கானாவில்
ஆட்சி காங்கிரஸ் வசம் செல்கிறது.

அதே வேளையில் ராஜஸ்தான், மத்திய பிரதேசத்தில் பாஜக அதிக
இடங்களில் முன்னிலையுடன் ஆதிக்கம் செலுத்தி வருகிறது.
சத்தீஸ்கரிலும் பாஜக முன்னிலை வகிக்க தொடங்கியுள்ளது.

இந்த நிலையில், பாஜக மற்றும் காங்கிரஸ் தலைவர்கள் தங்களது
மகிழ்ச்சியையும், அதிருப்தியையும் தெரிவித்து வருகின்றனர்.

மத்திய அமைச்சர் அஸ்வினி வைஷ்ணவ், 'மத்தியப் பிரதேசத்தில்
பாஜகவுக்கு மாபெரும் வெற்றி கிடைத்துள்ளது. இரட்டை எஞ்சின்
ஆட்சி, பிரதமர் மோடியின் தலைமை மற்றும் முதல்வரின்
செயல்பாடு ஆகியவற்றின் மீது மக்கள் நம்பிக்கை வைத்துள்ளனர்.
சிவராஜ் சிங் சவுகான் மற்றும் அனைவரையும் வாழ்த்துகிறேன்'
எனத் தெரிவித்துள்ளார்.

ஜெய்ப்பூரில் உள்ள கட்சி அலுவலகத்தில் பாஜகவினர் நடனமாடி
கொண்டாட்டத்தில் ஈடுபட்டு வருகின்றனர். இந்த நிலையில், மத்திய
அமைச்சர் கஜேந்திர சிங் ஷெகாவத் "மேஜிக் முடிந்துவிட்டது...
மந்திரவாதியின் சூழ்ச்சியிலிருந்து ராஜஸ்தான் மாநிலம் வெளியே
வந்துவிட்டது. பெண்களின் கவுரவத்துக்காகவும், ஏழைகளின்
நலனுக்காகவும் மக்கள் வாக்களித்துள்ளனர்.
ஊழல் நிறைந்த காங்கிரஸை தூக்கி எறிய வேண்டும்
என்பதற்காகவே மக்கள் வாக்களித்துள்ளனர்' என்று ராஜஸ்தான்
முதல்வர் அசோக் கெலாட்டை தாக்கியுள்ளார்.
-
-இந்து தமிழ் திசை
& Dailyhunt

**ayyasamy ram** · **ayyasamy ram** Sun Dec 03, 2023 5:22 pm

4 மாநில தேர்தல் முடிவில் காங்கிரஸ் பின்னடைவு! அடுத்து என்ன? –
-
நடைபெற்று முடிந்த 5 மாநில தேர்தல்களில் காங்கிரஸ்
பெரும்பாலான இடங்களில் தோல்வியை சந்தித்துள்ள
நிலையில் டெல்லியில் I.N.D.I.A கூட்டணி கட்சிகளின் கூட்டம்
நடைபெற உள்ளது.

மத்திய பிரதேசம், ராஜஸ்தான், தெலுங்கானா உள்ளிட்ட
5 மாநிலங்களுக்கான தேர்தல்கள் நடைபெற்ற நிலையில் இன்று
மிசோரம் தவிர்த்து மீத 4 மாநிலங்களுக்கான தேர்தல் வாக்குகள்
எண்ணப்பட்டு வருகின்றன.

இதில் தெலுங்கானாவில் ஆளும் சந்திரசேகர் ராவின் கட்சியை
பின்னுக்கு தள்ளி காங்கிரஸ் பெரும்பான்மை ஆட்சி அமைக்க
உள்ளது.

ஆனால் ராஜஸ்தானில் இருந்த தனது ஆட்சியை இழக்கிறது காங்கிரஸ்.
அங்கே பாஜக பெரும்பான்மை பெற்று வருகிறது.

சத்தீஸ்கர், மத்திய பிரதேசத்திலும் காங்கிரஸ் பெரும் பின்னடைவை
சந்தித்துள்ளது. நாளை மிசோரம் மாநில தேர்தல் முடிவுகள் வெளியாக
உள்ளது. தற்போது வரை 4 மாநிலங்களில் ஒன்றில் மட்டுமே காங்கிரஸ்
வென்றுள்ளது.

இந்நிலையில் காங்கிரஸ் கட்சி தலைவர் மல்லிகார்ஜூனே கார்கே
தலைமையில் டிசம்பர் 6ம் தேதி அவரது வீட்டில் I.N.D.I.A கூட்டணி
கட்சி பிரதிநிதிகளுடன் ஆன சந்திப்பு நடைபெறும் என
அறிவிக்கப்பட்டுள்ளது. இதற்காக கூட்டணி கட்சிகளுக்கு
மல்லிகார்ஜுன கார்கே அழைப்பு விடுத்துள்ளார்.

இந்த கூட்டத்தில் மாநில தேர்தல்களில் தோல்விக்கான காரணம் குறித்தும்,
எதிர்வரும் நாடாளுமன்ற தேர்தலை எதிர்கொள்வது குறித்தும்
விவாதிக்கப்படும் என எதிர்பார்க்கப்படுகிறது.
-
-வெப்துனியா

3 மாநிலங்களில் பாஜக வெற்றி முகம்... காங். வசமாகும் தெலங்கானா -

3 மாநிலங்களில் பாஜக வெற்றி முகம்... காங். வசமாகும் தெலங்கானா -

Re: 3 மாநிலங்களில் பாஜக வெற்றி முகம்... காங். வசமாகும் தெலங்கானா -

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக