புதுக்கவிதை

Rathinavelu · Rathinavelu Wed Nov 29, 2023 8:09 pm

சாவு
கத்தியும் கடிகாரமும் கையில் கொண்டு
காத்திருக்கும் அவரைக் கண்டு கொள்ளீர்!
ஆனாலும் அதனால் என்ன!
போனாலே வாராத பொன்னுலகு உண்டே

சாவுத் தேவியே சலியேன் நாளும்
தாவியும் நடந்தும் தத்தியும் உருண்டும்
நொண்டி அடித்தும் ஓடி விழுந்தும்
வண்டியில் விரைந்தும் வானில் பறந்தும்
வாளா விருந்தும் மயங்கிக் கிடந்தும்
வந்து கொண்டு தானே இருக்கிறேன்
இந்த நொடியும் ஒவ்வொரு நொடியும்1

உன்னை பார்க்கத் தழுவி அணைக்க
உன்னால் என்னை விட்டுத் தப்பி
ஓடித் தவிர்க்க ஒருநாள் முடியாது
கூடித்தான் ஆகவேண்டும் முயங்கி என்னோடு
அழகியோ இளைஞனோ கிழவனோ குழந்தையோ
பொருளனோ வறிஞனோ மருளனோஅறிஞனோ
அரசனோ துறவியோ யாரையோ மறுப்பை?
விலகா தணைக்கும் விலை(யிலா) மகளே

**T.N.Balasubramanian** · **T.N.Balasubramanian** Wed Nov 29, 2023 8:51 pm

விலகா தணைக்கும் விலை (மிகு) மகள்.
இளகாத மனமும் இளகிடும் இவள் நிலை கண்டு.

@Rathinavelu

இந்த பதிவைத் துவங்கியவர் நன்றி கூறியுள்ளார் T.N.Balasubramanian

புதுக்கவிதை

புதுக்கவிதை

Re: புதுக்கவிதை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக