வாக்கிங் செய்தால்தான் சர்க்கரைநோய் கட்டுப்பாட்டுக்குள் வரும் என்பது உண்மையா?

--

நீரிழிவு நோயாளிகள் எல்லோரும் அவசியம் தினமும் வாக்கிங்
சென்றால்தான் சர்க்கரை அளவு குறையும் என்பது உண்மையா...
எந்த வேளையில் வாக்கிங் செய்வது சரியானது.... எப்படி நடக்க
வேண்டும்?
-
பதில் சொல்கிறார் சென்னையைச் சேர்ந்த நீரிழிவுநோய் சிகிச்சை
மருத்துவர் சண்முகம்.
-
சர்க்கரை நோயாளிகள் தினமும் 30 முதல் 40 நிமிடங்கள் நடக்கலாம்.
காலையிலோ, மாலையிலோ அவரவர் வசதிக்கேற்ப எப்போது
வேண்டுமானாலும் நடக்கலாம். வெறும் வயிற்றிலும், வயிறு முட்ட
சாப்பிட்ட உடனேயும் வாக்கிங் பண்ணக்கூடாது.

வாரத்தில் ஐந்து நாள்கள் கண்டிப்பாக நடக்க வேண்டும்.
இரண்டு நாள்களுக்கு பிரேக் எடுத்துக்கொள்ளலாம். அந்த இரண்டு
நாள்களும் அடுத்தடுத்து இல்லாமல் பார்த்துக்கொள்ளுங்கள்.

உதாரணத்துக்கு திங்கள், செவ்வாய், புதன்கிழமை நடந்துவிட்டு,
வியாழக்கிழமை பிரேக் விடலாம். மீண்டும் வெள்ளி,
சனிக்கிழமைகளில் நடந்துவிட்டு ஞாயிற்றுக்கிழமை பிரேக் எடுத்துக்
கொள்ளலாம்.

திங்கள் முதல் வெள்ளிவரை நடந்துவிட்டு, சனி, ஞாயிறு பிரேக்
எடுப்பதைத் தவிர்க்கவும்.

வேகமாக நடக்க வேண்டுமா, கைகளை வீசி நடக்க வேண்டுமா
என்றெல்லாம் சர்க்கரை நோயாளிகளுக்கு நிறைய சந்தேகங்கள் உள்ளன.
நீங்கள் நடப்பதை உணர்ந்து நடக்க வேண்டும் என்பதுதான் முக்கியம்.

நண்பர்களுடன் அரட்டை அடித்துக்கொண்டு நிதானமாக நடப்பது போல
நடக்கக்கூடாது. தொடர்ந்து 30 நிமிடங்கள் நடக்க நேரமில்லை என்பவர்கள்,
காலை, மதியம், மாலை என பிரித்துக்கொண்டு நடக்கலாம், தவறில்லை.
கால்களில் புண்கள் இருப்பவர்கள், கால் நரம்புகளில் பாதிப்புள்ளவர்கள்,
கர்ப்பிணிகள், உயர் ரத்த அழுத்தம் உள்ளவர்கள், சர்க்கரை நோயால்
கண் பாதிப்பு அதிகமுள்ளவர்கள் போன்றோர் வாக்கிங்கை தவிர்க்கலாம்.

இப்படிப்பட்டவர்கள் வீட்டிலேயே யோகா, தியானம் போன்றவற்றைச்
செய்யலாம்.

உடற்பயிற்சியில் ஏரோபிக், அனரோபிக் என இரண்டு வகை உண்டு.
ஏரோபிக் என்பது ஜிம்களில் செய்யப்படுகிற கார்டியோ பயிற்சிகள்.
அனரோபிக் என்பவை பாடி பில்டிங் பயிற்சிகள்.ஆரம்ப காலத்தில்
80 சதவிகிதம் ஏரோபிக் பயிற்சிகளும் 20 சதவிகிதம் அனரோபிக்
பயிற்சிகளும் செய்யலாம் என்று சொல்லப்பட்டது. இப்போது அந்த விகிதம்
70:30 என்று மாறியிருக்கிறது.

இந்தப் பயிற்சிகளையும் வெறும் வயிற்றிலோ, வயிறு முட்ட சாப்பிட்டோ
செய்யக்கூடாது. வாக்கிங்கை தவிர்க்க வேண்டியவரகள் என
மேற்குறிப்பிட்டவர்களும் இதுபோன்ற பயிற்சிகளைத் தவிர்க்க வேண்டும்.
வாக்கிங் செய்யப் பிடிக்காதவர்கள் ஜாகிங், ஸ்விம்மிங், சைக்கிளிங்
பயிற்சிகளைச் செய்யலாம்.

வாக்கிங் செய்யும்போதும் உடற்பயிற்சிகள் செய்யும்போதும் ரத்தச் சர்க்கரை
கட்டுப்பாட்டுக்குள் வரும் என்பது உண்மைதான். உடற்பயிற்சி என்பது
இன்சுலின் சுரப்பதை மேம்படுத்தும். ரத்தத்திலிருந்து சர்க்கரையை எடுத்துக்
கொள்ள திசுக்களைத் தயார்படுத்தும்.

அதன் விளைவாக ரத்தத்தில் சர்க்கரை அளவு குறையும். அதனால்தான்
சர்க்கரை நோயாளிகள் மருந்து, மாத்திரைகள் எடுத்து வந்தாலுமே
உடற்பயிற்சிகள் செய்ய அறிவுறுத்தப்படுகிறார்கள்.
-
நன்றி- ஆர்.வைதேகி (விகடன்)

திங்கள் முதல் வெள்ளிவரை நடந்துவிட்டு, சனி, ஞாயிறு பிரேக்
எடுப்பதைத் தவிர்க்கவும் .

உடற்பயிற்சி என்பது
இன்சுலின் சுரப்பதை மேம்படுத்தும். ரத்தத்திலிருந்து சர்க்கரையை எடுத்துக்
கொள்ள திசுக்களைத் தயார்படுத்தும்.

அதன் விளைவாக ரத்தத்தில் சர்க்கரை அளவு குறையும். அதனால்தான்
சர்க்கரை நோயாளிகள் மருந்து, மாத்திரைகள் எடுத்து வந்தாலுமே
உடற்பயிற்சிகள் செய்ய அறிவுறுத்தப்படுகிறார்கள்.