ஃபாஸ்ட் ஃபுட் தவிர்த்தால் !!!!!!!!!!!!!

வேகமான நகர வாழ்க்கையில் ஃபாஸ்ட் ஃபுட் என்பது மிகவும் பரவலாகிவிட்டது. பிட்சா, பாவ்பாஜி. பேல்பூரி என்று விதவிதமான அயிட்டங்களை வேகமாக உள்ளே தள்ளிக்கொண்டு வேலையை கவனிப்பது பலருக்கும் - முக்கியமாக இளைஞர்களுக்கு - தினசரி வாழ்க்கையாகவே ஆகிவிட்டது.

இது போன்ற உணவு வகைகளைத் தவிர்ப்பது நல்லது. சொல்லப்போனால் இவற்றை முழுக்கத் தவிர்த்துவிட்டால் அதுவே பல நோய்களைத் தடுப்பதற்குச் சமம்.

அதிக அளவு எண்ணெய், அதிக அளவு வறுப்பது, ஒரு முறை பயன்படுத்திய எண்ணெயை மீண்டும் பயன்படுத்துவது இவற்றைத் தவிர, மற்றொரு முக்கியமான ஆபத்தும் இதில் இருக்கிறது. அதுதான் இவற்றில் கலக்கக்கூடிய ஒருவகை உப்பு மற்றும் சாயம்.

அமெரிக்க நீரிழிவுக் குழு, ஃபாஸ்ட் ஃபுட் அயிட்டங்களை சர்க்கரை நோய்க்கு மிக முக்கியமானதொரு காரணமாகக் குறிப்பிடுகிறது.

சென்னா மசாலா, சிவப்பான வண்ணத்தில் இருப்பதை விரும்புகிறார்கள். ஜாங்கிரி என்றால் அது வெளிர் வண்ணத்தில் இருந்தால் ரசித்து வாங்குவதில்லை. ஐஸ்க்ரீமில் கூட பலவித கண்கவர் வண்ணங்கள்! இவற்றிற்கு முக்கிய காரணம் இவற்றில் சேர்க்கப்படும் ரசாயனப் பொருள்கள் தான். ஆரஞ்சு குளிர்பானம் அப்படி காட்சியளிக்கக் காரணம்கூட ரசாயனப் பொருள்தான்.

ஃபினாப்தலின் வகையைச் சேர்ந்த சாயங்கள் தான் பலவித உணவுப் பொருள்கள் கவர்ச்சிகரமான வண்ணத்தில் காட்சியளிப்பதற்காகச் சேர்க்கப்படுகின்றன. இவை சிறுநீரகப் புற்றுநோய்க்குக்கூட வழிவகுக்கும்.

ஒரு சின்ன ஆலோசனை... மிகவும் பளிச்சென்ற வண்ணத்தில் எந்த ரெடிமேட் உணவுப் பொருள் காட்சியளித்தாலும் அதை வாங்குவதைத் தவிர்த்துவிடுங்கள். அது உங்கள் உடலுக்குச் செய்யும் சேவை.