தேடல்கள் - கவிதை

**ayyasamy ram** · **ayyasamy ram** Sun 17 Sep 2023 - 14:46

செலவு செய்த பின்
சேமிப்பைத் தேடினேன்
முதுமை வந்தபின்
இளமையைத் தேடினேன்
மகள் மறுவீடு போனபின்
பாசத்தை தேடினேன்
-
இருளின் கருமை சூழ்ந்தபோது
வெளிச்சம் தேடினேன்!
காலன் கதவு தட்டியபோது
வாழ்வைத் தேடினேன்
சர்க்கரை நோய் வந்தபின்
இனிப்பைத் தேடினேன்
-
வசந்தம் போனபிறகு
மலர்களைத் தேடினேன்
வறுமை வந்தபின்பு
செல்வம் தேடினேன்
போதிமரம் கடந்தபிறகு
ஞானம் தேடினேன்
-
விருப்ப ஓய்வு பெற்ற பிறகு
சுறுசுறுப்பைத் தேடினேன்
விடிந்த பிறகு நானும்
நிலவைத் தேடினேன்
முடிந்த கதையின்
ஆரம்பம் தேடினேன்
-
இருக்கும் பொழுதே நீயாவது
நிலைக்க் கற்றுக்கொள்!
--------------------------
-கவிஞர் சுகுணா மோகன்
மருதாணித் தீற்றல்கள்-கவிதை தொகுப்பிலிருந்து