ஏழைகளின் பிஸ்தா வேர்கடலை

**சிவா** · **சிவா** Sat Sep 09, 2023 12:48 pm

நிலக்கடலையில் ஏராளமான சத்துகள் உள்ளன. இதை தொடர்ந்து சாப்பிட்டு வந்தால் உடலுக்கு தேவையான அனைத்து சத்துக்களும் கிடைக்கும். மருத்துவர்களும் வேர்கடலையை சாப்பிட பரிந்துரை செய்கின்றனர். ஆனால் அளவுக்கு மீறினால் அனைத்தும் நஞ்சு என்பது போல, இதையும் பரிந்துரைக்கும் அளவை தாண்டி சாப்பிட்டால் சில தொந்தரவுகளை கொடுக்கத்தான் செய்யும்.

நம்மில் சிலர் இன்றைக்கு வேர்கடலை சட்னி சாப்பிட்டேன், வயிறு கொஞ்சம் உப்புசமாகிவிட்டது, வேர்கடலை சாப்பிட்டேன், பித்தம் அதிகம் ஆகிடுச்சு என்று சொல்ல கேட்டிருப்போம். இப்படி கூறுவது உண்மையா? மருத்துவர்கள் கூறும் காரணத்தை தெரிந்து கொள்வோம்.

100கிராம் வேர்கடலையில், 13-15% கார்போஹைட்ரேட், 22-25% புரோட்டின், 45-55% கொழுப்பு சத்துகள் உள்ளது. இதில் உள்ள கொழுப்புகளில் 70 சதவீதம் நன்மை விளைவிக்கக்கூடிய கொழுப்பு சத்துகள் தான் உள்ளது. இதனால் உடலில் கொழுப்பு சத்தை அதிகரிக்காது. இது தவிர மெக்னிசீயம், இரும்பு, ஜிங்க், பாஸ்பரஸ் உள்ளிட்ட ஊட்டச்சத்துகளும் உள்ளது.

நன்மைகள்

கருவுற்ற தாய்மார்கள் தினமும் ஒரு கப் வேக வைத்த வேர்கடலையை எடுத்துக்கொள்வதனால், குழந்தையின் மூளை வளர்ச்சிக்கு தேவையான போலிக் அமிலம் கிடைக்கும்.

ஜிம் செல்லும் இளைஞர்கள் வேர்கடலையை சாப்பிட்டு வந்தால் எலும்புகள் வலுப்பெறும்.

வேர்கடலையில் குறைந்த அளவு கார்போஹைட்ரேட் உள்ளதால், பிசிஒடி பிரச்னை உள்ளவர்கள், நீரிழிவு நோயாளிகள், இதய நோய், கொலஸ்ட்ரால் பாதிப்பு உள்ளவர்கள் சாப்பிடலாம்.

வேர்கடலையில் பாதாம் பருப்பை விட இரண்டு மடங்கு அதிகம் சத்துகள் உள்ளது.

யாரெல்லாம் தவிர்க்கலாம்

செரிமான பிரச்னை, சொரியாசிஸ், வாத நோய் உள்ளவர்கள் வேர்கடலை சாப்பிடுவதை தவிர்க்க வேண்டும்.

எப்படி சாப்பிடலாம்

மேல் குறிப்பிட்ட பிரச்னை உள்ளவர்கள் வேர்கடலை சாப்பிட நினைத்தால், சிறிது நேரம் ஊற வைத்து, வேகவைத்து அதனுடன் உப்பு, பெருங்காயம், உள்ளிட்டவற்றை சேர்த்து சாப்பிடலாம்.

வறுத்த வேர்கடலையாக இருந்தால், சர்க்கரை சேர்த்து சாப்பிட்டால் பித்தம் அதிகரிக்காது.

கிராமப்புறங்களில் பச்சை வேர்கடலையை வேக வைக்கும் போது, தும்பை இலையை சேர்த்து வேக வைப்பார்கள். இப்படி செய்வதன் மூலம், வாத,பித்தம் அதிகரிப்பை கட்டுப்படுத்தும். இந்த முறையையும் பயன்படுத்தி வேகவைத்து சாப்பிடலாம்.

இவர்களை தவிர அனைவரும் வேர்கடலையை தொடர்ந்து சாப்பிட்டால், பித்தம்,கொழுப்பு உள்ளிட்ட பிரச்னைகளை அதிகரிக்காது.

Anthony raj · Anthony raj Mon Sep 11, 2023 7:00 pm

அளவு ஓடு சாப்பிட வேண்டும்

**T.N.Balasubramanian** · **T.N.Balasubramanian** Tue Sep 12, 2023 8:29 am

அளவு ஓடு சாப்பிட வேண்டும் : தவறு

அளவோடு சாப்பிட வேண்டும் சரியான பிரயோகம்.

உங்கள் பதிவு திருத்தப்பட்டது

@Anthony raj

**T.N.Balasubramanian** · **T.N.Balasubramanian** Tue Sep 12, 2023 8:38 am

[quote="Anthony raj"]அளவு ஓடு சாப்பிட வேண்டும்

ஓடு ---ஆங்கிலத்தில் RUN
மற்றும் சில அர்த்தங்கள்

ஓடு --ROOF CLADDING
ஓடு --அந்த காலங்களில் சாமியார்களும் மற்றவர்களும் உணவு
பெறுவதற்கு உபயோகித்த ஒரு பொருள்.

@Anthony raj

Anthony raj · Anthony raj Tue Sep 12, 2023 11:03 am

[quote="T.N.Balasubramanian"]

Anthony raj wrote:அளவு ஓடு சாப்பிட வேண்டும்

ஓடு ---ஆங்கிலத்தில் RUN
மற்றும் சில அர்த்தங்கள்

ஓடு --ROOF CLADDING
ஓடு --அந்த காலங்களில் சாமியார்களும் மற்றவர்களும் உணவு
பெறுவதற்கு உபயோகித்த ஒரு பொருள்.

@Anthony raj

மேற்கோள் செய்த பதிவு: undefinedஅய்யா தாங்கள் தமிழ் ஆசிரியரா அய்யோ, நான் இல்லை

தமிழ் உரு மாற்றி உபயம்

**T.N.Balasubramanian** · **T.N.Balasubramanian** Tue Sep 12, 2023 11:49 am

@Anthony Raj
தமிழ் ஆசிரியர் அல்ல
தமிழில் சிறியன்.

தங்கள் எழுத்துப்பிழைக்கு நன்றி.

"திருவோடு " பற்றி ஒரு தொகுப்பு பதிவிடமுடிந்தது.

பார்க்க :
"திகைக்க வைக்கும் திருவோடு மரம்!"

**ayyasamy ram** · **ayyasamy ram** Wed Sep 13, 2023 8:03 am

Sponsored content · Sponsored content

ஏழைகளின் பிஸ்தா வேர்கடலை