ஆண்களை விட மாரடைப்பால் அதிகம் பாதிக்கப்படும் பெண்கள்

**சிவா** · **சிவா** Fri Sep 01, 2023 6:16 pm

உலகம் முழுவதும் ஆண்களை விட மாரடைப்பால் பெண்கள் அதிகம் பாதிக்கப்படுவதாக சமீபத்திய ஆய்வில் கண்டறியப்பட்டுள்ளது.

அமெரிக்கா, பிரேசில், சீனா, எகிப்து, வளைகுடா நாடுகள், இந்தியா உள்பட 50 நாடுகளில் நடத்தப்பட்ட 15 ஆய்வு முடிவுகளை ஒப்பிட்டு, ஆர்டெரியோஸ்கிளிரோசிஸ் த்ரோம்போசிஸ் மற்றும் வாஸ்குலர் பயாலஜி இதழில் கட்டுரை வெளியாகி உள்ளது. அதில் மாரடைப்பால் பாதிக்கப்படும், சிகிச்சைக்கு வரும் பெண்களின் எண்ணிக்கை அதிகரித்துள்ளதாக கூறப்பட்டுள்ளது.

ஆய்வு கட்டுரையில் கூறப்பட்டுள்ளதாவது:-

பெண்களுக்கு வழக்கமான மார்பு வலியுடன், கூடுதலாக வாந்தி, தாடை வலி மற்றும் வயிற்று வலி உள்ளிட்ட அறிகுறிகள் காணப்படுகின்றன. அறிகுறிகளை கவனிக்க பெண்களோ அல்லது மருத்துவரோ தவறும்பட்சத்தில், அதற்கு சிகிச்சை பெறுவது தாமதமாகிறது. அறிகுறிகளை உடைய பெண்கள்,ஆண்களை விட மிகவும் தாமதமாகவே மருத்துவமனைக்கு செல்கின்றனர்.

மேலும், இளம் பெண்களுக்கு மாரடைப்பு ஏற்படுவது அதிகரித்து வருகிறது. 1995 முதல் 2014ம் ஆண்டு வரையிலான காலத்தில், 35 முதல் 54 வயதுக்குட்பட்ட பெண்களுக்கு மாரடைப்பு அபாயம் 21 சதவீதத்தில் இருந்து 31 சதவீதமாக அதிகரித்துள்ளது. இதே காலத்தில், ஆண்களுக்கு மாரடைப்பு அபாயம் 30 சதவீதத்தில் இருந்து 33 சதவீதமாக மட்டுமே அதிகரித்துள்ளது.

இது இளம்பெண்கள் மாரடைப்பால் பாதிக்கப்படுவது அதிகரித்து வருவதை காட்டுகிறது.

பெண்களுக்கு மாரடைப்பு ஏற்படுத்துவதற்கு முன்கூட்டிய மாதவிடாய், எண்டோமெட்ரியோசிஸ் மற்றும் கர்ப்பக்காலத்தில் உயர் ரத்த அழுத்தக் கோளாறுகள் ஆகியவை அடங்கும்.

இவ்வாறு அதில் கூறப்பட்டுள்ளது.

ஆண்களை விட மாரடைப்பால் அதிகம் பாதிக்கப்படும் பெண்கள்

ஆண்களை விட மாரடைப்பால் அதிகம் பாதிக்கப்படும் பெண்கள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக