இந்திய கால்பந்து அணி - செய்தித் தொகுப்புகள்

சீனாவில் நடைபெற உள்ள ஆசிய விளையாட்டு போட்டிகளில் இந்திய கால்பந்து அணி பங்கேற்பது தற்போது உறுதியாகியுள்ளது.

19-வது ஆசிய விளையாட்டு போட்டி சீனாவில் ஹாங்சோவ் நகரில் செப்டம்பர் 23-ந் தேதி முதல் அக்டோபர் 8-ந் தேதி வரை நடக்கிறது. இதில் ஆக்கி, தடகளம், கபடி, கிரிக்கெட், கால்பந்து உள்பட 40 வகையான போட்டிகள் அரங்கேறுகின்றன.

இந்த நிலையில் சீனாவில் நடைபெற உள்ள ஆசிய விளையாட்டு போட்டிகளில் இந்திய கால்பந்து அணி (ஆண்கள் , பெண்கள் ) பங்கேற்பது தற்போது உறுதியாகியுள்ளது.

ஆசிய தரவரிசையில் டாப் 8 இடத்தில் இருந்தால் மட்டுமே பங்கேற்க முடியும் என்ற விதியால் இந்திய அணி பங்கேற்க முடியாத நிலை ஏற்பட்டது.

ஆனால் தற்போது மத்திய அரசு அந்த விதியை தளர்த்த முடிவு செய்துள்ளதாக விளையாட்டுத்துறை மந்திரி அனுராக் தாகூர் தெரிவித்துள்ளார்.

இது குறித்து அவர் வெளியிட்டுள்ள டுவிட்டர் பதிவில் ,

இந்திய #கால்பந்து ரசிகர்களுக்கு நற்செய்தி. வரவிருக்கும் ஆசிய விளையாட்டுப் போட்டிகளில் நமது தேசிய கால்பந்து அணிகளான ஆண்கள் மற்றும் பெண்கள் அணிகள் பங்கேற்க உள்ளது.

டாப் 8 இடத்தில் இருந்தால் மட்டுமே பங்கேற்க முடியும் என்ற விதியை தளர்த்த மத்திய அரசு முடிவு செய்துள்ளது.

சமீபகாலங்களில் அவர்களின் சிறப்பான செயல்பாடுளை மனதில் கொண்டு, தளர்வு வழங்க மத்திய அரசு முடிவு செய்துள்ளது. ஆசிய விளையாட்டுப் போட்டிகளில் சிறப்பாக விளையாடி நம் நாட்டைப் பெருமைப்படுத்துவார்கள் என்று நம்புகிறேன். என தெரிவித்துள்ளார்.

விளையாட்டுத் துறையில் நம் அரசுகள் அக்கறை கொள்வதில்லை! அதில் எதுவும் அவர்களுக்குத் ‘தேறாது’ போல !

தடைகளை மீறி ஆசியப் போட்டிக்குள் நுழையும் இந்திய கால்பந்து அணி! - சாத்தியமானது எப்படி?

ஆசியப் போட்டிகள் 2023-ல் இந்திய ஆடவர் மற்றும் மகளிர் கால்பந்து அணி இடம் பெறாது என்ற சூழல் நிலவிய நிலையில் இப்போது அந்த ஆசியப் போட்டியில் பங்கேற்க அனுமதிக்கப்பட்டிருக்கின்றன. இது எப்படி சாத்தியமானது?

ஆசியப் போட்டிகள் 2023-யில் இந்திய ஆடவர் மற்றும் மகளிர் கால்பந்து அணி இடம் பெறாது என்ற சூழல் நிலவிய நிலையில் இப்போது அந்த ஆசியப் போட்டியில் பங்கேற்க அனுமதிக்கப்பட்டிருக்கின்றன. இது எப்படி சாத்தியமானது?

இந்திய ஆடவர் கால்பந்து அணி 18-ஆவது இடத்திலும் மகளிர் அணி 11-ஆவது இடத்தில் இருப்பதால், இந்திய அணியால் ஆசியப் போட்டிகளில் விளையாட முடியாமல் போய் விடுமோ என்ற அச்சம் அந்த அணியினர் மட்டும் இல்லை இந்திய கால்பந்து ரசிகர்களிடமும் இருந்தது.

இந்திய ஆடவர் கால்பந்து அணியின் தலைமை பயிற்சியாளர் ஸ்டிமாக், பிரதமர் மோடிக்கு எழுதிய கடித்ததில் அவர் “ஒரு திறமைவாய்ந்த அணி இந்தியா கொடியுடன் விளையாட மறுக்கபடுவது ஏன்?" எனக் குறிப்பிட்டு அணியை ஆசிய போட்டிகளில் ஆட அனுமதிக்க வேண்டும் என கோரிக்கையும் விடுத்திருந்தார்.

இந்திய கால்பந்து அணியின் கேப்டன் சுனில் சேத்ரி அவர் கூறியதாவது “ஆசியப் போட்டிகள் முக்கியமானது, எவ்வளவு சர்வதேச போட்டிகள் விளையாடுகிறோமோ அவ்வளவு முன்னேற்றத்தை இந்திய அணி காணும்”. எனக் கூறியிருந்தார்.

இந்நிலையில் பலதரப்பு கோரிக்கைகளுக்குப் பிறகு, இந்திய ஆடவர் மற்றும் மகளிர் கால்பந்து அணிகள் வருகின்ற ஆசியப் போட்டிகள் 2023-ல் விளையாடும் என்று இளைஞர் விவகாரம் மற்றும் விளையாட்டுத்துறை அமைச்சர் அனுராக் தாகூர் தெரிவித்தார். அவரது அறிக்கையில் “தற்போதுள்ள அளவுகோலின்படி தகுதி பெறாத இரு அணிகளுமே பங்கேற்பதற்கு வசதியாக இந்திய அரசின் இளைஞர் விவகாரம் மற்றும் விளையாட்டுத்துறை அமைச்சகம் முடிவு செய்துள்ளது. சமீபத்திய காலங்களில் அவர்களின் செயல்பாடுகளை மனதில் கொண்டு, தளர்வு வழங்க அமைச்சகம் முடிவு செய்துள்ளது" எனக் குறிபிட்டுள்ளார்.

இந்திய ஆடவர் கால்பந்து அணியின் தலைமை பயிற்சியாளர் ஸ்டிமாக் தனது மகிழ்ச்சியை வெளிபடுத்தியது மட்டும் இல்லாமல், ``இந்த ஆசியப் போட்டிகளில் சீனா மிகவும் கடினமான போட்டியாளர்களாக இருப்பர் என்றும் வங்காளதேசமும் இந்தியாவும் சமமான போட்டியர்கள்தான். உலகக்கோப்பை தகுதிச்சுற்று எங்களுக்கு அதிர்ஷ்டமாக இல்லை ஏன் என்றால் எங்களுடன் போட்டிப்போட ஆசியாவில் சிறந்த அணியான கத்தார் இருக்கிறது மேலும் குவைத் இருக்கிறது, இந்தியா கண்டிப்பாக இரண்டாம் இடம் பிடிக்கும்" என்றும் அவர் நம்பிக்கை தெரிவிதுள்ளார்.

ஆசியப் போட்டிக்கு இந்தியா ஆடவர் மற்றும் மகளிர் கால்பந்து அணி தேர்வாகி இருப்பது இந்தியா கால்பந்து ரசிகர்களை மகிழச்சியில் ஆழ்த்தியுள்ளன.

Dr.S.Soundarapandian wrote:விளையாட்டுத் துறையில் நம் அரசுகள் அக்கறை கொள்வதில்லை! அதில் எதுவும் அவர்களுக்குத் ‘தேறாது’ போல !

மேற்கோள் செய்த பதிவு: undefined

காமன் வெல்த் கேம் --டெல்லி ---அடித்த கோடிகள் --அப்பப்ப .......
சாமர்த்தியம் இருந்தால் நிழலை காட்டியே சம்பாதிக்கும் அரசியல்வாதிகள் உண்டு.

வாழ்த்துவோம் இந்திய அணி முன்னேற்றத்திற்கு

"ஆசிய அணிகளுள் முதல் 10 இடங்களைப் பிடிக்க வேண்டும் என்றால் சுனில் சேத்ரியை விட சிறந்த வீரர்கள் இந்திய அணிக்கு வேண்டும்!" - சுனில் சேத்ரி