சதுரங்க திறமை

**T.N.Balasubramanian** · **T.N.Balasubramanian** Sat 22 Jul 2023 - 20:41

சதுரங்க (செஸ் ) விளையாட்டு .

அந்த காலத்து கதை.

ஒரு தேசத்து மன்னன் சதுரங்க விளையாட்டில் மிகவும் தேர்ச்சி பெற்றவன். சதுரங்க வீரர்கள் பலர் அவருடன் விளையாடி தோல்விகளை கண்டுள்ளனர்.
அரசனுக்கும் இதனால் கொஞ்சம் கர்வமும் உண்டு. இப்பிடி இருக்கையில் ஒரு முதியவர் அரசனுடன் சதுரங்கம் விளையாட விருப்பம் தெரிவித்தார். பார்த்தால் பஞ்சத்திற்கு அடிபட்டவர் போல் இருந்தார். அவரை எப்பிடியும் ஜெயித்துவிடமுடியும் என அரசனுக்கு எண்ணம்.

சபை கூடியது .விளையாட ஆரம்பித்தார்கள். முதியவரின் ஆட்டம் திறமை முன் யோஜனை மன்னனை திகைக்கவைத்தது .
கடைசியில் மன்னன் கேவலமாக தோல்வி அடைந்தான்.

எப்போதும் போல் அரசனும் வெற்றிபெற்றவருக்கு பரிசு தர எண்ணி, " அய்யா உங்கள் திறமைக்கு ஈடு கிடையாது.உங்களுக்கு என்ன பரிசு வேண்டுமோ கேளுங்கள். பொன் /நகை/பொருள் எதுவேண்டுமானாலும் கேளுங்கள் என்றார்.. நான் ஏழை ஏதோ கொஞ்சம் நெல் கொடுத்தால் போதும் என்றார். அரசரும் சரி, உங்களுக்கு எவ்வளவு நெல் வேண்டுமென கேட்டார். முதியவரோ ,சதுரங்க விளையாட்டு விளையாடினோம். அது சார்ந்து கேட்கட்டுமா? என்றார். கேளுங்கள் என அரசர் உத்தரவு கொடுக்க,
முதியவர் சதுரங்க பலகையை காண்பித்து,
முதல் சதுரத்தில் ஒரு நெல் மூட்டை
இரண்டாம் சதுரத்தில் இரெண்டு மூட்டை
மூன்றாம் சதுரத்தில் நான்கு மூட்டை என
இரெட்டிப்பாக
64 சதுரங்களிலும் நெல் மூட்டைகள் வைத்து அதை கொடுத்தால் போதும் என்றார்.

மன்னரோ, இவ்வளவு சாமர்த்தியமாக விளையாடி பரிசு கேட்கையில் ஏமாந்துவிட்டாரே என எண்ணி,
மந்திரியிடம் அவர் கேட்ட நெல்மூட்டைகளை கொடுத்து அனுப்பக்கூறினார் .

அரைமணி கழித்து அரசரிடம் வந்து, அரசே அவர் கேட்கின்ற அளவிற்கு நெல் மூட்டைகள் நம்மிடம்/
நம் நாட்டில் கிடையாது கூறி எவ்வளவு நெல் மூட்டைகள் வேண்டுமென கணக்கை காண்பித்தார் .
அரசருக்கு மயக்கமே வந்துவிட்டது. முதியவரை மட்டமாக நினைத்ததற்கு மன்னிப்புக்கேட்டுக்கொண்டார்.

சரி எவ்வளவு நெல்மூட்டைகள் வேண்டுமென தெரியுமா?

நீங்களும் சிறிது கணக்கு போட்டுப்பார்க்கவும் . அதிசயப்படுவீர்கள்,

(அவர் கேட்டது என்னவோ நெல்மணிகள்தான். நாந்தான் மூட்டை என மாற்றினேன்.)