வந்து விடு கொடி மலரே

coderthiyagarajan1980 · coderthiyagarajan1980 Sun Jul 09, 2023 1:27 pm

மொத்தத்திலே
அவள் தந்த முத்தத்திலே
என் சித்தத்திலே
உண்டான பித்தத்திலே
ஓடும் ரத்தத்திலே
உருவான யுத்தத்திலே
காதல் வந்து என்னில் கூத்தாடுது

எத்திரை போட்டு என்னை நான் மறைப்பேன் - எந்தன்
பத்திரை மாற்று பொன்னே
சித்திரை வரும் வரை காத்திரு என்று - என்
நித்திரையை களவாடி போனவளே
பத்திரை மணி அடித்த பின்னும் கூட - என்
விழி திரை முட மறுக்குதடி
முத்திரையாய் உன் வார்த்தை வரும் என்று
பித்தரை போல் நான் காத்து இருக்க
பெற்றவரை எண்ணி பெரும்கவலை கொள்கின்றாய்
மற்றவரை எண்ணி நீ மன்றாடியது போதும்
கொற்றவரை கொள்ளை கொள்ள வந்து விடு கொடி மலரே!

**T.N.Balasubramanian** · **T.N.Balasubramanian** Sun Jul 09, 2023 1:56 pm

சித்திரை வெப்பம் தணிந்திட்டதே
இத்திரையில் ஆடியில்
புத்துயிரை உண்டாக்க தடையுண்டே.

ஆனியிலேயே
பேணிட துடிக்கும்
காதலனை ஓடிட வைக்கும்
ஊடலும் தேவையா ?
தேவதையே!!

coderthiyagarajan1980 · coderthiyagarajan1980 Sun Jul 09, 2023 3:48 pm

ஆடி காற்றுக்கு அம்மியும் அசைந்து கொடுக்கும் பொம்மி
என் காதல் மட்டும் ஒரு இம்மியும் குறையாது தெரியாதா?
ஆறு கடந்து நீ அன்னை வீடு செல்வாய் என்றால்
எந்தன் நாடியும் ஒடுங்கி விடும் புரியாதா?

coderthiyagarajan1980 · coderthiyagarajan1980 Sun Jul 09, 2023 3:56 pm

மாலையிட்ட நாள் முதலாய் மறுகணம் நான் பிரிந்ததில்லை
சோலைக்கிளி உன்னை அன்றி சொந்தம் என்று எனக்கு ஏதுமில்லை.
காலம் வந்து பிரிப்பது முடியாது இனி
காலன் வந்து நின்றாலும் உன்னை விடமாட்டேன் தனி.

Sponsored content · Sponsored content

வந்து விடு கொடி மலரே

வந்து விடு கொடி மலரே

Re: வந்து விடு கொடி மலரே

Re: வந்து விடு கொடி மலரே

Re: வந்து விடு கொடி மலரே

Re: வந்து விடு கொடி மலரே

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக