குருவே துணை

குருவே துணை

'குரூர் பிரும்மா...குரூர் விஷ்ணு, குரூர் தேவோ மகேஸ்வர....என்று
சொல்லப்பட்டுள்ளது.அதாவது மற்ற தெய்வங்களைவிட குருவுக்கே முதலிடம்
கொடுக்கப்படுகிறது. மாதா,பிதா, குரு தெய்வம் என்பர்.இதில் குருவுக்கு
மூன்றாவது இடம்தான். ஏனென்றால் ஒருவனது பிறவிக்கு மாதா,பிதாக்களே
காரணம்.அதனால் அவர்களுக்கு முதலிடம்.

ஆரம்பத்தில் உள்ள வாக்கியத்தில் குருவுக்கு முதலிடம்
அளிக்கப்படுகிறது.மனிதன் பிறந்தபின்பு அவனது அறிவுக்கண்களைத்
திறந்துவிடுபவன் ஆசான் அல்லது குரு.குருவுக்கு நிறையப் பெருமைகள்
சொல்லப்பட்டுள்ளன.' குருவருள் இருந்தால் திருவருள் கிடைக்கும்'.அதனால் ,
பிறவி எடுத்தவர்கள் ஒரு சற்குருவை அடைந்து,கல்வி, வேதா சாத்திரங்கள்
பயின்று தனது அறிவை வளர்த்துக்கொள்ள வேண்டும்.குரு பக்தி மிகவும்
முக்கியமானது.

ஒரு நல்ல குரு கிடைப்பதற்காகவே தேடியலைய வேண்டும்.யார் கிடைத்தாலும்
அவரைக் குருவாக ஏற்றுக் கொள்ளக் கூடாது.குருவுக்குப் பணிவிடை செய்து அவரை
மகிழ்விக்கவேண்டும். அவமதித்தால் குரு சாபம் ஏற்படும். குரு சாபத்தைப்
போக்க இயலாது.

கீதையை உபதேசிக்க விரும்பினால் கண்ணன்.யாருக்கு உபதேசிப்பது என்று
யோசித்தான்..அந்தத் தகுதி பெற்றவன் அர்ஜுனன்தான் என்று தீர்மானித்தான்.
அர்ஜுனனுக்கு உபதேசித்தான்.கீதை, உயர்ந்த போதனை,தத்துவங்கள்
கொண்டது.அப்படிப்பட்ட உயர்ந்த விஷயத்தை உயர்ந்த இடத்தில்தானே
வைக்கவேண்டும்.ஏன் அர்ஜுனனுக்கு கீதையை உபதேசித்தான் என்பதற்கான காரனங்கள்
கீதையில் சொல்லப்பட்டுள்ளது.


நல்ல பாலை வெள்ளிப் பாத்திரத்தில் வைப்பதுதான் உயர்வு.அதை தமிரப் பாத்திரத்தில் வைப்பின் பாலே கெட்டுவிடும்.

வைரத் தோட்டை நகைப் பெட்டியில் வைத்து, அலமாரியில் வைப்பார்களா?

அல்லது சமையல் அறையில் மளிகை சாமான்களுடன் வைப்பார்களா?


பொருளின் உயர்வுக்குத் தக்கபடி இடமும் கிடைக்கும். அதுபோல்
குருவானவர், நல்ல விஷயங்களை, உயர்வான தத்துவங்களை அதற்குத் தகுதி உள்ள
மாணவனிடம்தான் உபதேசிப்பார்.

மாணவனின் அறிவு, அக்கறை, பணிவு இவைகளைக் கணக்கிட்டு, அதற்குத்
தக்கபடி ஆசீர்வதிப்பார்.. அதனால் அந்த மாணவனும் குருவுக்குப் பெருமை
சேர்ப்பான்.

அதனால் குருவைத் தேடுவதிலும் மாணவனுக்குக் கவனம் வேண்டும். அதே போல் மாணவனைக் கொள்வதிலும் குரு விழிப்புடன் இருக்கவேண்டும்.

இரண்டுமே சரியாக அமைந்துவிட்டால் எல்லையில்லாப் பெருமை இருவருக்குமே கிடைக்கும்.