ஹீமோபிலியா - அறிகுறிகள், சிகிச்சை முறை

ஹீமோபிலியா :-

ஹீமோபிலியா நோய் என்பது அரிதான நோய் தான் . இது ஒரு மரபுவழி நோய். இந்த நோயினால் பெண்களை விட அதிகம் பாதிப்பது ஆண்கள் தான். X குரோமோசோம்களில் உள்ள மரபணு மாற்றத்தால் ஹீமோபிலியா நோய் ஏற்படுகிறது. இந்த நோய் புற்றுநோய் பாதிப்பு உள்ளவர்களுக்கும், எதிர்ப்பாற்றல் குறைவாக உள்ள நபர்களுக்கும் , கர்ப்பகாலத்தில் ஏற்படும் உறைபொருள் குறைபாடு உள்ள நபர்களுக்கும் ஹீமோபிலியா நோய் தாக்கம் ஏற்பட வாய்ப்பு உள்ளது .

பாதிப்புகள் :-

ஹீமோபிலியா நோயில் ஒரு சில வகைகள் இருந்தாலும் ஹீமோபிலியா ஏ எனப்படும் வகையிலான நோய் முக்கியமான ஒன்றாக பார்க்கப்படுகிறது. உறைதல் காரணி IX-ன் குறைபாட்டால் ஏற்படும் ஹீமோபிலியா B, C நோய் அரிதானவையாக பார்க்கப்படுகிறது . B, C வகையிலான ஹீமோபிலியா நோயினால் மிகவும் குறைவான நபர்கள் மட்டுமே பாதிக்கப்பட வாய்ப்புள்ளது . ஹீமோபிலியாA வகையிலான நோயில் பாதிப்புகள் அதிகமாகவே இருக்கும் . சிறிய காயம் ஏற்பட்டாலும் கூட அதிக அளவில் உள்ள ரத்தப்போக்கு இருக்கும் , சில நேரங்களில் காயம் ஏற்படாமல் இருந்தபோதிலும் கூட ரத்தப்போக்கு ஏற்பட வாய்ப்பு உள்ளது.

அறிகுறிகள் :-

இந்த வகையிலான நோய் பாதிப்பு ஏற்படுவது ஒரு சில அறிகுறிகள் மூலம் தெரிந்து கொள்ளலாம்.

சிறிய அளவிலான காயம் ஏற்பட்டாலும் பெரிய அளவில் ரத்தக் கசிவு இருப்பது , காயம் ஏற்படாமலேயே தோலுக்கு அடியில் ரத்தக் கசிவு ஏற்பட்டு நிறம் மாற்றத்துடன் காணப்படுவது , உடலின் உட்பகுதியில் ரத்த கசிவு ஏற்படுவது, சிறுநீர் மற்றும் மலர் மூலம் ரத்தம் வெளியேறுவது , மூட்டுகளிலும் தசை களிலும் ரத்தக்கசிவு, மூட்டுகளில் ரத்தம் தேங்குவதால் ஏற்படும் வலி , மூளையின் உட்பகுதியில் ஏற்படும் ரத்தக்கசிவு, தலைவலி, வாந்தி, பார்வை பிரச்சினைகள், வலிப்பு, பக்கவாதம், நடவடிக்கைகளில் மாற்றம் போன்ற தொந்தரவுகள் ஏற்பட்டு, நோயாளி மயக்கநிலையை அடைவது போன்ற அறிகுறிகள் இருந்தால் உடனடியாக மருத்துவரை அணுக வேண்டும்.

இந்த நோய் மரபு வழி நோய் என்பதால் நெருங்கிய உறவில் திருமணம் செய்வதைத் தவிர்பது மூலமும், குடும்பத்தில் யாருக்காவது இந்தப் பாதிப்பு இருப்பது தெரிந்தால், தம்பதிகள் ரத்தப் பரிசோதனையை அவசியம் செய்து கொள்வதும் அடிப்படை.

சிகிச்சை முறை :-

இந்த நோய் மரபுகளை நோய் என்பதால் இந்த நோய் தாக்கிய நபர்கள் உடனடியாக தங்கள் குடும்ப நபர்களுக்கு தெரிவிக்க வேண்டும் . இது குறித்து மருத்துவரிடம் தெரிவிக்க வேண்டும். ஹீமோபிலியா நோய் தாக்கம் ஏற்பட்ட நபர்களுக்கு மருத்துவர்களால் மருத்துவ சிகிச்சை மிகவும் கவனிக்கப்பட்டு மிகவும் உன்னிப்பாக சிகிச்சை அளிக்கப்படும்.

ஆய்வக பரிசோதனை செய்யும் பொழுது நோயாளிக்குப் பொதுவான உடல் பரிசோதனைகளுடன், ரத்த அணுக்களின் எண்ணிக்கை கணக்கிடப்படும், ரத்த அணு அமைப்பு, ரத்தக் கசிவு நேரம், ரத்த உறை நேரம், புரோதிராம்பின் நேரம், பார்ஷியல் திராம் போபிளாஸ்டின் நேரம் (APTT நேரம்) ஆகியவை சோதனை செய்யப்படும்.

அதே போல ரத்த உறைபொருளின் அளவு எவ்வளவு குறைந்துள்ளது என்பது கணக்கிடப்பட்டு அதற்கேற்றவாறு சிகிச்சை அளிக்கப்படும் . அடிக்கடி ரத்த இழப்பு ஏற்பட்டால், ரத்தம் செலுத்த வேண்டடியது வரும். ஒரு சிலருக்குப் புதிய பதப்படுத்தப்பட்ட பிளாஸ்மாவைச் செலுத்த வேண்டிய சூழலும் ஏற்படும். ரத்தக் கசிவைத் தடுக்கும் சில மருந்துகளும் இவர்களுக்குப் பயன்படும்.

இந்த நோயினால் பாதிக்கப்பட்ட குழந்தைகளுக்குப் ஊசிகள் தோலுக்கு அடியில் தான் போடப்படும். இதன் மூலம் ரத்த கசிவு ஏற்படுவது தடுக்கப்படும் .

பல் எடுக்கும்போதும் அறுவை சிகிச்சையின்போதும் மிகுந்த முன்னெச்சரிக்கையுடன் மருத்துவர்கள் சிகிச்சை மேற்கொள்வர். வலி குறைப்பான் மருந்துகளை இவர்களுக்குக் கொடுக்கப்பட மாட்டது

குறிச்சொற்கள் #ஹீமோபிலியா #hemophilia

இந்தியாவில் 30 ஆயிரம் குழந்தைகளில் ஒருவருக்கு ஹீமோஃபிலியா எனப்படும் ரத்தம் உறையா நோய் பாதிப்பு ஏற்படுவதாக மருத்துவா்கள் தெரிவித்துள்ளனா். உரிய விழிப்புணா்வுடன் செயல்பட்டால் அதனால் ஏற்படும் பாதிப்புகளில் இருந்து தற்காத்துக் கொள்ளலாம் என்றும் அவா்கள் கூறியுள்ளனா்.

இதுகுறித்து பொது நல மருத்துவ நிபுணா் அ.ப. ஃபரூக் அப்துல்லா கூறியதாவது:

ஹீமோஃபிலியா என்பது மரபணுவில் ஏற்படும் மாற்றத்தால் உருவாகும் ஒரு வகையான நோய். மனித உடலில் ரத்தம் முறையாக உறைவதற்கு அதில் உறைவிப்பான்கள் (இகஞபபஐசஎ ஊஅஇபஞதந) சரியான அளவில் இருத்தல் அவசியம். உடலில் காயம் ஏற்பட்டால் மொத்தம் 13 வகையான உறைவிப்பான்கள் ஒன்றன்பின் ஒன்றாக வினையாற்றி ரத்தம் வெளியேறுவதை சிறிது நேரத்தில் தடுக்கின்றன.

இதில் சில மாற்றங்களும், குறைபாடுகளும் ஏற்படும்போது ஹீமோஃபிலியா பாதிப்பு உருவாகிறது.

இந்தியாவைப் பொருத்தவரை 30,000 குழந்தைகளில் ஒரு குழந்தை இத்தகைய நோய்க்குள்ளாகிறது. முழங்கால் மூட்டுப்பகுதி , முழங்கை மூட்டுப்பகுதி போன்றவற்றில் ரத்தக்கசிவு ஏற்பட்டு வலி, பல் மற்றும் ஈறுகளில் ரத்தக்கசிவு, லேசான காயம் ஏற்பட்டாலும் அதிகமான ரத்தப் போக்கு, ஊசி செலுத்திய இடத்தில் இருந்து அதிக நேரம் ரத்தம் வெளியேறுவது, மூளையில் ரத்தக்கசிவு ஏற்பட்டு வலிப்பு மற்றும் பக்கவாதம் ஏற்படுவது, மூக்கில் இருந்து காரணமின்றி ரத்தம் வருவது, சிறுநீா் மற்றும் மலத்தில் காரணமின்றி ரத்தம் வெளியேறுவது இந்நோயின் அறிகுறிகளாகும்.

இதற்கு பிளாஸ்மா சிகிச்சை, டிஎன்ஏ மறுசீரமைப்பு சிகிச்சை ஆகியவை பலனளிக்கும். டெஸ்மோப்ரசின், எப்சிலான் அமினோ கேப்ரோய்க் அமிலம் , க்ரையோப்ரிசிபிடேட் போன்ற மருந்துகளின் மூலமாகவும் சிகிச்சையளிக்கப்படுகிறது.

ஹீமோஃபிலியா நோய்க்கு வாய்ப்புள்ளவா்கள் கால்பந்து, தடகளம், ஹாக்கி போன்ற விளையாட்டுகளைத் தவிா்க்கலாம். உடற்பயிற்சியை முறையாக செய்து உடல் எடையை குறைத்து சரியாக பராமரிப்பது மூட்டுகளின் நலனைப் பேண உதவும். மருத்துவா் பரிந்துரையின்றி வலி நிவாரணி மாத்திரைகள் , ரத்த உைலை மட்டுப்படுத்தும் மாத்திரைகளை உட்கொள்ளக் கூடாது என்றாா் அவா்.