வெற்றியை உணர்த்தும் சகுனங்கள்

**சிவா** · **சிவா** Wed Mar 22, 2023 6:38 pm

நாம் ஒரு விஷயத்தைப் பேசிக்கொண்டிருக்கும்போதோ, ஒரு காரியம் நடத்திக் கொண்டிருக்கும்போதோ, பக்ஷிகள், விலங்குகள், பல்லி போன்ற ஜந்துக்களால் ஏற்படுத்தப்படும் ஒலிகள், சத்தங்கள், மனிதர்கள் உதிர்க்கும் வார்த்தைகள் ஆகியவை நிமித்தங்களாகப் பலனை உணர்த்தும் என்பார்கள்.

சகுனம் என்பதும் இவற்றைப் போலவே இருந்தாலும், சில சமயம் நம்மால் ஏற்படுத்திக்கொள்ள முடியும். மாற்றி அமைத்துக் கொள்ளவும் முடியும். உதாரணமாக நாம் ஒரு நல்ல காரியத்துக்காக வெளியே செல்கிறோம் என்றால், நம் வீட்டைச் சேர்ந்த பெண்களை எதிரில் வரச் செய்து அதன்பிறகு வெளியே கிளம்பிச் செல்கிறோம்.

இப்படிச் செய்வதால், மனரீதியாக நம் மனதில் நேர்மறையான எண்ணங்களை ஏற்பட, அந்த எண்ணங்களின் தாக்கத்தால் நாம் செல்லும் காரியம் வெற்றிகரமாக முடியும் என்பது நம்பிக்கை. இங்ஙனம் வெற்றிகள் தரும் சில சுப சகுனங்களை அறிந்து கொள்வோம்.

சங்கின் ஓலி சுப சகுனமாகும். பண்டைய காலங்களில் போர்க் காலங்களில் ஒலிக்கப்படும் சங்கின் ஒலி வெற்றி சப்தமாகவும் நல்ல சகுனமாகவும் கருதப்பட்டது. வீட்டில் உள்ள விருட்சம் பூத்தால் சுப சகுனமாகும். பேசிக் கொண்டிருக்கும் போது கெளளி எனப்படும் பல்லி இடும் சப்தம், அது எந்த திக்கிலிருந்து வந்தது என்பதைப் பொறுத்து சுப, அசுப பலன்கள் நிச்சயிக்கப்படுகின்றன.

சுப சகுனமாக, வீணை, புல்லாங்குழல், மேளம், சங்கு ஆகியவற்றைப் பார்ப்பதும், அவற்றின் ஒலிகளைக் கேட்பதும் சிறப்பாகும்.

அதேபோல் நாட்டியப் பெண்கள், தயிர், மஞ்சள் கலந்த அரிசி (அட்சதை) கரும்பு, அருகம்புல், நீர் நிரம்பிய குடம், பூக்கள், மாலைகள், கன்னிப் பெண்கள், கருடன், ஆலய மணி ஓசை, விளக்கு, தாமரைப் பூ, நாய் தன் உடலை சிலிர்ப்பது, பசு மாடுகள் ஆகியவற்றைக் காண்பதும் சுப சகுனமாகும்.

எது எப்படியோ... எந்தச் செயலைத் தொடங்கும்போதும் உங்கள் குலதெய்வத்துக்கு தீபம் ஏற்றி வைத்து, பூ சமர்ப்பித்து வழிபட்டு விட்டுத் தொடங்குங்கள், அந்தக் காரியம் நிச்சயம் வெற்றியாகும்!

குறிச்சொற்கள் #சகுனங்கள் #சகுனம்

ஜோதிடர் கார்த்தி

வெற்றியை உணர்த்தும் சகுனங்கள்

வெற்றியை உணர்த்தும் சகுனங்கள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக