ஐ.பி.எல். வீரர்கள் உற்சாக அணி வகுப்பு..!

**Tamilzhan** · **Tamilzhan** Fri Apr 17, 2009 12:08 pm

ஐ.பி.எல். வீரர்கள் உற்சாக அணி வகுப்பு

ஐ.பி.எல். கிரிக்கெட்டை யொட்டி தென்ஆப்பிரிக்காவில் 8 அணிகளின் வீரர்களும் கேப்டவுன் நகரில் உற்சாகமான அணிவகுப்பு நடத்தினார்கள்.

2 வது ஐ.பி.எல். 20 ஓவர் கிரிக்கெட் போட்டி தென்ஆப்பிரிக்காவில் நாளை தொடங்கி மே 24 ந்தேதி வரை நடைபெறுகிறது. ஐ.பி.எல். ஜுரம் இப்போதே ரசிகர்களை தொற்றிக் கொண்டு விட்டது. இந்த கிரிக்கெட் திருவிழா கொண்டாட்டம் தொடங்க இன்னும் ஒரு நாள் மட்டுமே உள்ள நிலையில், போட்டியில் பங்கேற்கும் 8 அணிகளின் வீரர்களும் நேற்று தென்ஆப்பிரிக்காவில் ஊர்வலமாக வந்தனர்.

தொடக்க விழா நடைபெறும் கேப்டவுன் நகரின் வீதியில் ஒவ்வொரு அணிகளின் வீரர்களும் திறந்த பஸ்சில் வண்ணமயமான அணி வகுப்பில் உற்சாகமாக வலம் வந்தனர். ரோட்டின் இரு பக்கமும் நின்று கொண்டிருந்த ரசிகர்களை நோக்கி அவர்கள் கையசைத்தபடி சென்றனர்.

ஐ.பி.எல். கமிஷனர் லலித்மோடி, இந்திய முன்னாள் வீரர் ரவிசாஸ்திரி மற்றும் தென்ஆப்பிரிக்க கிரிக்கெட் வாரிய நிர்வாகிகள் ஒரு வாகனத்தில் வந்தனர். சென்னை சூப்பர் கிங்ஸ் வீரர்களுடன் டிரம்ஸ் மணி, டிரம்ஸ் இசைத்து அசத்தினார். நடன கலைஞர்களும் ஆடிப் பாடி குஷிப்படுத்தினார்கள். வீரர்கள் உணர்ச்சிபூர்வமான சந்தோஷத்தில் காணப்பட்டனர். அணிகளின் உரிமையாளர்களான ஷாரூக்கான் (கொல்கத்தா நைட் ரைடர்ஸ்), பிரீத்தி ஜிந்தா (கிங்ஸ் லெவன் பஞ்சாப்), ஷில்பா ஷெட்டி (ராஜஸ்தான் ராயல்ஸ்) உள்ளிட்ட இந்தி சினிமா நட்சத்திரங்கள் வண்ணமயமான அணிவகுப்பில் ஜொலித்தனர்.

இந்த போட்டி கடந்த 3 வாரத்திற்கு முன்பு தான் இந்தியாவில் இருந்து தென்ஆப்பிரிக்காவுக்கு மாற்றப்பட்டது. குறைந்த காலத்திலேயே சிறப்பான ஏற்பாடுகள் செய்யப்பட்டுள்ளது குறித்து மகிழ்ச்சியும், அதற்காக தென்ஆப்பிரிக்க கிரிக்கெட் வாரியத்திற்கு நன்றியும் ஐ.பி.எல். கமிஷனர் லலித்மோடி தெரிவித்துக் கொண்டார்.

ஐ.பி.எல். வீரர்கள் உற்சாக அணி வகுப்பு..! Ipl

டெல்லி டேர்டெவில்ஸ் அணியின் புதுமுக வீரர் டேவிட் வார்னர் கூறுகையில், இது ஒரு உற்சாகமான நகரம். இங்குள்ள மக்களும் அப்படி தான். அவர்களுக்கு முன்பு விளையாடும் பொன்னான வாய்ப்பு எனக்கு கிடைத்திருப்பது மகிழ்ச்சி அளிக்கிறது. இப்போதே விளையாட வேண்டும் போல் இருக்கிறது' என்றார்.

கொல்கத்தா நைட் ரைடர்ஸ் வீரர் கங்குலி கூறுகையில், நாங்கள் சிறப்பாக விளையாடுவோம். இந்திய மற்றும் தென்ஆப்பிரிக்க ரசிகர்களுக்கு மகிழ்ச்சிகரமான விருந்தளிக்க முயற்சிப்போம்' என்றார்.

டெக்கான் சார்ஜர்ஸ் அணியின் கேப்டன் கில்கிறிஸ்ட் கூறும் போது, கடந்த ஆண்டு நாங்கள் சரியாக ஆடவில்லை. ஆனால் அதில் இருந்து நிறைய பாடம் கற்றுக் கொண்டோம். இந்த முறை சில புதிய இளம் வீரர்கள் அணியில் இடம் பெற்று உள்ளனர். இங்கு தங்களது திறமையை காட்ட அவர்கள் ஆர்வமாக உள்ளனர். தென்ஆப்பிரிக்கா எப்போதுமே போட்டிகள் நடத்துவதற்கு சிறந்த இடம். இப்போது அவர்களுக்கு உலகத்தரம் வாய்ந்த ஒரு போட்டியை நடத்த வாய்ப்பு கிடைத்திருக்கிறது' என்றார்.

ஐ.பி.எல். வீரர்கள் உற்சாக அணி வகுப்பு..!

ஐ.பி.எல். வீரர்கள் உற்சாக அணி வகுப்பு..!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக