திருநீறு உணர்த்தும் அறநெறிகள்

**சிவா** · **சிவா** Thu Mar 16, 2023 2:39 am

திருநீறு உணர்த்தும் அறநெறிகள்

#திருவெண்ணீறு அணிதல் நலம் தரும்..

"திருநீறு இல்லாத நெற்றி பாழ்" என்ற ஒரு பழமொழியும் உண்டு...

திருநீறுக்கு இன்னொரு பெயர் "ஐஸ்வர்யம்" என்ற பொருள்...

திருநீற்றை நெற்றி நிறைய வைப்பதால் நமக்கு ஐஸ்வர்யம் உண்டாகும், மேலும் #திருநீறு அணிபவரிடத்தில் எந்த விதமான தீய சக்திகளும் நெருங்காது...

திருநீறை ஒவ்வொரு முறையும் நாம் அணியும் போதும் பெருமானின் திருநாமத்தைச் (சிவாயநம) சொல்லி அணிதல் வேண்டும் என்கிறார் திருநாவுக்கரசு சுவாமிகள்...

"திருவாய் பொலியச் சிவாயநம வென்று நீறணிந்தேன், தருவாய் சிவகதி நீ பாதிரி புலியூர் அரனே."...
- திருநாவுக்கரசர் -

திருவெண்ணீறு அணிவதால் நோய்த்தொற்றுகள் உண்டாக்கும் கிருமிகள் அழியும்...

“நீறுகொண்டார் இடர்களையாய் நெடுங்கள மேயவனே"
-திருஞானசம்பந்தர்-
திருநெடுங்கள பதிகம்...

திருநீறு "வெண்மை" நிறம்...
புண்ணியத்தின் அடையாளம் "வெண்மை."...
கயிலை மலையின் நிறம் "வெண்மை"...
சிவபெருமானின் வாகனம் காளை "வெண்மை" நிறம்...

"பூசும் நீறுபோல் உள்ளும் புனிதர்கள்"...
- சேக்கிழார் சுவாமிகள்-
- தமிழ்வேதம் - 12...

திருநீறு பூசும் பொழுதே நம்முடைய மனம் தூய்மையாக்கி விடவேண்டும்...

முற்காலத்தில் வீட்டைத் தூய்மைப் படுத்த சாணத்தைப் பயன் படுத்தினார்கள். சாணம் கிருமிகளைக் கொல்லும்...

தங்கத்தை விட உயர்ந்தது தங்கப்பொடி (பஸ்பம்). அதைப் போல சாணத்தைவிட உயர்ந்தது சாணத்தை எரிப்பதால் கிடைக்கும் திருநீறு...

அவரைச் செடியில் பூச்சிகள் விழுந்தால் சாம்பலைத் தான் தூவுவார்கள்...

எனவே உடலில் நோய் தொற்று ஏற்படுத்தும் கிருமிகளை அழித்து உடலுக்கு அழகையும் தருவது திருவெண்ணீறு...

இதனை அன்புடன் அணிபவர்களின் துன்பங்கள் விரைந்து அழியும் என்கிறார் திருஞானசம்பந்த சுவாமிகள்...

திருச்சிற்றம்பலம்.

திருநீறு உணர்த்தும் அறநெறிகள்

திருநீறு உணர்த்தும் அறநெறிகள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக