எடையைக் குறைக்க உதவுமா பார்லி?

**சிவா** · **சிவா** Sat Mar 04, 2023 6:59 am

பார்லியில் உள்ள கரையாத நார்ச்சத்தில் புரோபியானிக் அமிலம், கொலஸ்ட்ராரை குறைக்கும் தன்மை கொண்டது. அதனால்தான் இதயநோயாளிகளுக்கு அரிசி உணவுகளுக்குப் பதில் பார்லி உணவுகள் பரிந்துரைக்கப்படுகின்றன.

என்னுடைய தோழி எடைக்குறைப்பு முயற்சியில் இருக்கிறாள். அவள் வாரத்துக்கு இரண்டு முறை பார்லியை உணவில் சேர்த்துக்கொள்கிறாள். பார்லி என்பது எல்லோருக்குமான உணவா? அதை எப்படி எடுத்துக்கொள்ள வேண்டும்? எடையைக் குறைக்க உதவுமா?

எடையைக் குறைக்க உதவுமா பார்லி? Vikatan%2F2020-12%2F53332eed-5334-418f-9e91-a4d5cc5e156b%2Fspike_2015211_1920.jpg?rect=0%2C69%2C1920%2C1080&auto=format%2Ccompress&format=webp&dpr=1

நிறைய மருத்துவப் பலன்களைக் கொண்டது பார்லி. இதில் மாவுச்சத்து குறைவு. உடல்நலமில்லாதபோது நார்ச்சத்து குறைவான, செரிமானத்துக்கு சிரமமில்லாத பார்லி கஞ்சியை மருத்துவர்கள் பரிந்துரைப்பதுண்டு.

சளி சவ்வுப் படலத்தில் புண்கள் இருந்தால் அவற்றை ஆற்றக்கூடியது பார்லி. அதனால்தான் காய்ச்சலில் படுத்தவர்களுக்கு பார்லி கஞ்சி கொடுக்கும் பழக்கம் இன்றும் தொடர்கிறது.

பார்லியில் உள்ள கரையாத நார்ச்சத்தில் புரோபியானிக் அமிலம், கொலஸ்ட்ராலைக் குறைக்கும் தன்மை கொண்டது. அதனால்தான் இதயநோயாளிகளுக்கு அரிசி உணவுகளுக்கு பதில் பார்லி உணவுகள் பரிந்துரைக்கப்படுகின்றன.

உடலிலுள்ள தேவையற்ற கெட்ட நீரை வெளியேற்றும் தன்மை கொண்டது பார்லி. அதனால்தான் எடைக்குறைப்பு முயற்சியில் உள்ளவர்களுக்கும் பார்லி பரிந்துரைக்கப்படுகிறது. பார்லியில் உள்ள நியாசின் எனும் வைட்டமின் பி சத்தானது மெனோபாஸ் பருவத்திலுள்ள பெண்களுக்குப் பெரிய அளவில் உதவக்கூடியது. அந்த வயதில் அதிகரிக்கும் உடல் எடையைக் குறைக்க உதவக்கூடியது.

கர்ப்பிணிகளுக்கு ஏற்படும் எக்ளாம்சியா எனும் பாதிப்புக்கும் பார்லி கஞ்சி பரிந்துரைக்கப்படும். அவர்களுக்கு ரத்தத்தில் புரதச்சத்து அதிகரித்து, கை, கால்கள் வீங்கும். அதைக் குணமாக்க பார்லி தண்ணீர் குடிக்க அறிவுறுத்தப்படுவார்கள்.

பார்லியை வேகவைத்து அந்தத் தண்ணீரை மட்டும் குடிக்கலாம். காலை தொடங்கி மதியம் வரை குடிக்கலாம். அது சிறுநீரைப் பெருக்கி வெளியேற்றும். அடிக்கடி சிறுநீர் தொற்றால் பாதிக்கப்படுவோருக்கும் இது சிறந்த சிகிச்சை. எடையைக் குறைக்க விரும்புவோருக்கும் நிச்சயம் உதவும்.

ஊட்டச்சத்து ஆலோசகர் அம்பிகா சேகர்.

**சிவா** · **சிவா** Mon Mar 06, 2023 8:52 pm

எடை இழப்புக்கான சிறந்த உணவு சேர்க்கை எவை?

1. மிளகு சேர்த்த உருளைக்கிழங்கு

உருளைக்கிழங்கு பொதுவாக கொழுப்பை அதிகரிப்பதற்காக கூறப்படுகிறது. ஆனால் சில ஆய்வுகள் உருளைக்கிழங்கு எடை இழப்புக்கு உதவும் என்று கூறுகின்றன. உருளைக்கிழங்கில் நார்ச்சத்து நிறைந்துள்ளது. மிளகுடன் உருளைக்கிழங்கை சேர்த்தால் எடை நன்றாக குறையும். கருப்பு மிளகில் உள்ள பைபரின் புதிய கொழுப்பு செல்கள் உருவாவதை தடுக்கிறது.

2. இலவங்கப்பட்டையுடன் காபி

இலவங்கப்பட்டை சேர்த்து காபி குடிப்பது விரைவான எடை இழப்புக்கு உதவுகிறது. காபியில் உள்ள காஃபின் பசியை அடக்குவதாக அறியப்படுகிறது. மேலும் உடலில் கொழுப்பு படிவதைத் தடுக்கும் சில சக்திவாய்ந்த ஆக்ஸிஜனேற்றங்களை இலவங்கப்பட்டை வழங்குகிறது. இந்த இரண்டு பொருள்களின் கலவையானது எடை இழப்புக்கு மிகவும் உதவி செய்கிறது.

3. பட்டாணியுடன் அரிசி

அரிசியில் லைசின் அமினோ அமிலம் குறைவாக உள்ளது, அதனால்தான் இது முழுமையற்ற புரதமாக கருதப்படுகிறது. பட்டாணி போன்ற லைசின் நிறைந்த உணவுகளைச் சேர்ப்பது அதன் புரத அளவை அதிகரிக்கிறது. எடையை குறைக்க விரும்புவோர் வெள்ளை அரிசிக்குப் பதிலாக பழுப்பு அரிசியைப் பயன்படுத்தலாம்.

4. ஆரோக்கியமான கொழுப்புகளுடன் பழங்கள் மற்றும் காய்கறிகள்

பழங்கள் மற்றும் காய்கறிகள் உடன் ஆரோக்கியமான கொழுப்புகளான ஆலிவ் எண்ணெய், நெய், பருப்புகள் மற்றும் விதைகளை சேர்ப்பது உடல் எடையை குறைக்க உதவுவதாக கூறப்படுகிறது.

எடை இழப்புக்கான சேர்க்கை உணவுகளை மருத்துவரின் ஆலோசனையை மேற்கொண்டு உண்பது நல்லதாகும்.

எடையைக் குறைக்க உதவுமா பார்லி?

எடையைக் குறைக்க உதவுமா பார்லி?

Re: எடையைக் குறைக்க உதவுமா பார்லி?

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக