கோடை வெப்பத்தை சமாளிப்பதற்கு செய்ய வேண்டியவை

* அதிகமாக தண்ணீர் குடிக்க வேண்டும். தாகம் எடுக்காவிட்டாலும் அடிக்கடி தண்ணீர் குடிக்க வேண்டும்.

* வீட்டிலேயே தயாரிக்கப்படும் எலுமிச்சை சாறு போன்ற பழச்சாறுகளை அருந்தலாம்.

* தளர்வான உடைகளை அணிவது நல்லது. கதராடைகளை அணிவதன் வாயிலாக வெப்பத்திலிருந்து பாதுகாத்துக் கொள்ள முடியும்.

* பகல் நேரத்தில் வெளியில் செல்ல வேண்டிய அவசியம் ஏற்பட்டால் குடை எடுத்துச் செல்லலாம். தொப்பி அணிந்து செல்வது நல்லது.

* நாம் இருக்கும் இடத்தை காற்றோட்டமாக வைத்திருக்க வேண்டும். சூரிய வெளிச்சம் நேரடியாக படும் திசையில் ஜன்னல் அமைந்திருந்தால், அதை பகல் நேரத்தில் மூடி, இரவு நேரத்தில் மட்டும் திறந்து வைக்கலாம்.

* புரதச்சத்து அதிகம் உள்ள உணவுகளை சாப்பிடுவதை தவிர்க்க வேண்டும்.

* டீ, காபி, மதுபானம் ஆகியவற்றை அடிக்கடி அருந்துவதை தவிர்க்க வேண்டும். சர்க்கரை அதிகம் கலந்த பானங்களையும் தவிர்க்க வேண்டும்.

* வெப்பம் அதிகமாக இருக்கும் பகல், 12:00 - 3:00 மணி வரை வெளியில் செல்வதை தவிர்க்க வேண்டும்.

* சமையல் அறையை காற்றோட்டமாக வைத்திருப்பது கட்டாயம். வெப்ப நேரத்தில் சமையல் செய்வதை தவிர்க்க வேண்டும்.

* குழந்தைகள், மூத்த குடிமக்கள், கர்ப்பிணியர், மாற்றுத்திறனாளிகள் ஆகியோரை கவனமாக பார்த்துக் கொள்வதுடன், அவர்களை வெயில் நேரத்தில் வெளியில் அழைத்துச் செல்வதை முற்றிலும் தவிர்க்க வேண்டும்.

* வெயில் நேரத்தில் வாகனங்கள் நிறுத்தி வைக்கப்பட்டுள்ள இடத்துக்கு அருகில் குழந்தைகள், செல்லப் பிராணிகள் செல்லாமல் பார்த்துக் கொள்ள வேண்டும். வாகனத்தின் இன்ஜின் பகுதியில் உள்ள அதிகப்படியான வெப்பம், சில நேரங்களில் ஆபத்தை ஏற்படுத்தும்.

* தலைச்சுற்றல், மயக்கம், குமட்டல், தலைவலி, வழக்ககத்துக்கு மாறாக அடர் மஞ்சள் நிறத்தில் சிறுநீர் கழித்தல், சுவாச பிரச்னை ஆகியவை இருந்தால், மருத்துவர்களை அணுக வேண்டும்.

* வெப்ப காலத்தில் ஏற்படும் நோய்களை சமாளிக்கவும், அவற்றுக்கு சிகிச்சை அளிக்கவும் மருத்துவமனைகளில் போதிய ஏற்பாடுகளை செய்ய வேண்டும்.

இந்த ஆண்டு கோடை முன்கூட்டியே தொடங்கும் என்று வானிலை ஆய்வு மையம் தெரிவித்துள்ள நிலையில் கோடை காலத்தில் வீசும் அனல் காற்றில் இருந்து எப்படி தப்பிப்பது என்பது குறித்து தற்போது பார்ப்போம். அனல் காற்றின் தாக்கத்திலிருந்து தப்பிக்க முதலில் உணவு பழக்க வழக்கத்தை மாற்றிக் கொள்ள வேண்டும். புரதச்சத்து உணவுகளை அதிகம் உண்பதையும் உச்சி வேலையில் சமைப்பதையும் தவிர்க்க வேண்டும் மதியம் 12 மணி முதல் மூன்று மணி வரை வெயில் நேரடியாக படாத வகையில் பாதுகாப்பாக இருக்க வேண்டும். தண்ணீர் அதிகமாக குடிக்க வேண்டும், தாகம் எடுத்தாலும் எடுத்துவிட்டாலும் தண்ணீர் குடிப்பதை நிறுத்தக்கூடாது. எலுமிச்சை சாறு, மோர், உப்பு சேர்க்கப்பட்ட பழச்சாறுகள் ஆகியவற்றைப் பருக வேண்டும். நல்ல காற்றோட்ட வசதி உள்ள இடங்களில் இருக்க வேண்டும்

தர்பூசணி வெள்ளரி ஆரஞ்சு எலுமிச்சை போன்றவற்றை உட்கொள்ள வேண்டும். வெயில் நேரத்தில் தலை கிறுகிற தலைவலி வாந்தி ஆகியவை வந்தால் உடனடியாக மருத்துவரை பார்க்க வேண்டும்

நிறுத்தப்பட்ட கார் போன்ற வாகனங்களுக்குள் நீண்ட நேரம் இருக்கக் கூடாது வெயிலின் தாக்கம் அதிகம் இல்லாத காலை மற்றும் மாலை நேரலை மட்டும் வெளியில் செல்ல வேண்டும்.