ராணுவ வீரரை அடித்தே கொன்ற திமுக கவுன்சிலர்!

First topic message reminder :



கிருஷ்ணகிரி மாவட்டம் போச்சம்பள்ளி வட்டம் வேலம்பட்டி எம்ஜிஆர் நகரை சேர்ந்தவர்கள் பிரபாகரன் (31), பிரபு (28). சகோதரர்களான இவர்கள் இருவரும் ராணுவ வீரர்கள் ஆவர். இதில் பிரபாகரன் தற்போது ஊரில் தான் இருந்துள்ளார்.

இந்நிலையில், கடந்த 8ம் தேதி பிரபாகரன் அங்குள்ள பொது குடிநீர் தொட்டி அருகே துணி துவைத்துக் கொண்டிருந்தார். அப்போது அங்கு வந்த நாகரசம்பட்டி பேரூராட்சி 1-வது வார்டு திமுக கவுன்சிலர் சின்னசாமி, குடிநீர் தொட்டி அருகே துணி துவைக்கக் கூடாது என பிரபாகரனை கண்டித்துள்ளார். இதனால் அவர்களுக்கு இடையே வாக்குவாதம் ஏற்பட்டுள்ளது.

பின்னர் மாலையில் சின்னசாமி மற்றும் அவரது மகன்கள், உறவினர்களுடன் சென்று பிரபாகரனிடம் தகராறு செய்துள்ளார். இதில், இருதரப்பினரிடையே மோதல் ஏற்பட்டது. ஆத்திரமடைந்த சின்னசாமி தரப்பினர், கத்தி உள்ளிட்ட ஆயுதங்களால் பிரபாகரன், அவரது தம்பி பிரபு, தந்தை மாதையன் ஆகியோரை தாக்கியுள்ளனர்.

இதில் மூன்று பேருக்கும் காயம் ஏற்பட்டது. இதனை கண்ட அக்கம்பக்கத்தினர் 3 பேரையும் மீட்டு சிகிச்சைக்காக, ஓசூர் தனியார் மருத்துவமனையில் சேர்த்தனர். இதுதொடர்பாக இருதரப்பினரும் நாகரசம்பட்டி காவல் நிலையத்தில் புகார் செய்தனர். போலீசார், சின்னசாமி உள்ளிட்ட 9 பேர் மற்றும் பிரபாகரன் உள்ளிட்ட 10 பேர் மீது தனித்தனியாக வழக்குப் பதிவு செய்து விசாரித்தனர்.

இந்நிலையில் சின்னசாமி தரப்பில் அவரது மகன்கள் குரு சூர்யமூர்த்தி (27), குணாநிதி (19), ராஜபாண்டி (30) மற்றும் மணிகண்டன், மாதையன், வேடியப்பன் உள்ளிட்ட 6 பேரைக் கைது செய்தனர். இதில், குரு சூர்யமூர்த்தி சென்னை மாநகர ஆயுதப்படையில் காவலராக பணிபுரிந்து வருகிறார்.

இதனிடையே, மருத்துவமனையில் சிகிச்சை பெற்று வந்த பிரபு, நேற்று முன்தினம் இரவு உயிரிழந்தார். இதையடுத்து, இவ்வழக்கைக் கொலை வழக்காக மாற்றிய போலீஸார் தலைமறைவாக இருந்த கவுன்சிலர் சின்னசாமி, புலிபாண்டி, காளியப்பன் ஆகியோரை நேற்று கைது செய்தனர்.

தமிழகத்தில் எந்த ஊடகமும் இந்த செய்தியை வெளியிடவில்லை, ஆனால் வட இந்திய ஊடகங்கள் அனைத்துமே இந்த செய்திக்கு முக்கியத்துவம் அளித்தார்கள்.

ராணுவ வீரரை கொலை செய்த திமுகவினரை தூக்கிலிட வேண்டும்: முன்னாள் ராணுவ அதிகாரி ஆவேசம்..!

ராணுவ வீரரை கொலை செய்த திமுகவினரை தூக்கிலிட வேண்டும் என முன்னாள் ராணுவ வீரர் ஒருவர் ஆவேசமாக பேசி உள்ளார்.

கிருஷ்ணகிரியில் ராணுவ வீரர் பிரபு என்பவர் திமுக கவுன்சிலரால் கொலை செய்யப்பட்டதை கண்டித்து இன்று தமிழ்நாடு பாஜக தலைவர் அண்ணாமலை தலைமையில் உண்ணாவிரத போராட்டம் நடைபெற்று வருகிறது.

இந்த போராட்டத்தில் ஒரு சில முன்னாள் ராணுவ வீரர்கள் பங்கேற்ற நிலையில் முன்னாள் ராணுவ அதிகாரியான பாண்டியன் என்பவர் ராணுவ வீரர் பிரபுவை கொலை செய்த திமுகவினரை தூக்கிலிட வேண்டும் என்று தெரிவித்தார்.

ராணுவ வீரர்கள் மீதான தாக்குதல் தொடர்ந்தால் துப்பாக்கி சூடு நடத்தவும் தயங்க மாட்டோம் என்று அவர் ஆவேசமாக பேசியது பரபரப்பை ஏற்படுத்தி உள்ளது.

ராணுவ வீரர் கொலை செய்யப்பட்ட சம்பவம் தொடர்பாக தமிழ்நாடு ஆளுநர் ஆர்.என்.ரவியை சந்தித்தார் அண்ணாமலை

கிண்டி ஆளுநர் மாளிகையில் தமிழ்நாடு ஆளுநர் ஆர்.என்.ரவியை சந்தித்து, கிருஷ்ணகிரியில் ராணுவ வீரர் பிரபு கொலை செய்யப்பட்ட சம்பவம் தொடர்பாகவும், தமிழ்நாடு சட்டம் ஒழுங்கு தொடர்பாகவும் ஓய்வு பெற்ற ராணுவ வீரர்களுடன் பாஜக மாநில தலைவர் அண்ணாமலை புகார் அளித்தார்.