இறந்தவர்களுடன் புதைக்கப்படும் பொருட்கள்

இறந்தவர்களுக்குப் பிடித்த பொருட்களை அவர்கள் மரணிக்கும்போது அவர்களது சவப்பெட்டியில் வைத்து அடக்கம் செய்வதை காலாகாலமாக ஐரோப்பிய மற்றும் ஆஃப்ரிக்க நாடுகளில் வழக்கமாகக் கொண்டிருக்கின்றனர்.

இறந்தவர்களுடன் என்னென்ன பொருட்கள் அடக்கம் செய்யப்படும் எனப் பார்ப்போமா?

பண்டைய எகிப்து நாகரிகத்தில் வீரர்கள் மரணிக்கும்போது அவர்கள் பயன்படுத்திய வாள், கேடயம், அணிந்த ஆபரணங்கள் உள்ளிட்டவை அவர்களுடன் சேர்த்து அடக்கம் செய்யப்பட்டன. இறந்த பின்னரும் அவர்களுடைய ஆன்மா இந்த பொருட்கள்மீது தீராக் காதல் கொண்டிருப்பதாக எகிப்தியர்கள் நம்பினர். இதனால் இந்த பொருட்கள் அவர்களது உடலோடு சேர்த்து புதைக்கப்பட்டன.

கிறிஸ்தவர்கள் சிலர் பைபிள், சிலுவை உள்ளிட்ட மத பொருட்களை இறந்தவர்களுடன் சேர்த்துப் புதைத்தனர். இறந்தவர்கள் நாட்குறிப்புகளை எழுதிவைக்கும் டைரிக்கள் உள்ளிட்ட பல புத்தகங்களும் அவர்களுடன் புதைக்கப்படுவது வழக்கமாகக் கொள்ளப்பட்டது.

இறந்தவர்களின் குடும்ப ஓவியம், புகைப்படங்களும் அவர்களுடன் புதைக்கப்படும் வழக்கம் மேலை நாடுகளில் இருந்தது. இதனால் அவர்களது குடும்பத்தினர் குறித்த நினைவுகள் அவர்களுக்கு இருக்கும் என நம்பப்பட்டது.

குழந்தைகள் சிலர் அகால மரணம் அடைந்தால் அவர்களைப் புதைக்கும்போது அவர்களது பொம்மைகள், போர்வை, துணிகள் உடன் புதைக்கப்படும் வழக்கமும் பரவலாக நடைமுறையில் இருந்தது.

எரியூட்டப்பட்ட எலும்பு உள்ளிட்ட பொருட்கள் சில இறந்தவர்களுடன் புதைக்கப்படும் வழக்கம் இருந்தது. உதாரணமாக கணவர் புதைக்கப்படும்போது அவருக்கு முன்னர் மரணம் அடைந்த அவரது மனைவியின் எரிக்கப்பட்ட உடலில் இருந்து எடுக்கப்பட்ட எலும்பு, கணவருடன் சேர்த்து புதைக்கப்பட்டது. மனைவியின் நினைவாக அவர் அந்த எலும்பை எடுத்துச் செல்வதாக மரபு.

மரணம் அடைந்தவர்களின் சவப்பெட்டியில் அவர்களுடன் புதைக்கப்படும் முக்கிய பொருள் என்றால் அது மலர்கள்தான். இவ்வாறு புதைப்பதற்காகவே சில மலர்கள் பிரத்யேகமாக தோட்டங்களில் வளர்க்கப்படுவதுண்டு. மலர்கள் உடன் உடல் புதைக்கப்படும்போது இறந்தவர்களுக்கு அஞ்சலி செலுத்தப்படுகிறது.

நாம் அனைவருமே நம் வாழ்வாதாரத்துக்குத் தொடர்பற்ற ஏதாவதொரு தனி கலையை விருப்பத்துடன் கற்றுக்கொள்ள முற்பட்டிருப்போம். மரணம் அடைந்தவர் தனது வாழ்நாளில் தனது பணிநேரம் போக மீதமுள்ள நேரத்தில் ஆர்வத்துடன் ஏதாவதொன்றை கற்றுக்கொண்டிருப்பார். உதாரணமாக மூதாட்டி ஒருவர் கிதார் இசைக்கக் கற்றுக்கொண்டார் என வைத்துக்கொள்வோம். அவர் தனது ஆர்வத்தின்பேரில் கற்றுக்கொண்ட அந்த இசைக் கருவியும் அவரது மரணத்துக்குப் பின்னர் அவருடன் புதைக்கப்படும்.

இறந்தவர்கள் மனம் சாந்தி அடையும் என்ற நினைப்பில் 
இறந்தவர்களின் உறவினர் நினைத்திருக்கலாம்.