சந்திராஷ்டமம் என்றால் என்ன.?

ஜோதிடத்தில் ராசிபலன் பார்க்கும் போது பலரும் கவனிக்கும் அம்சங்களில் ஒன்று சந்திராஷ்டமம் ஆகும்..

சந்திராஷ்டமம் என்றால் அன்றைக்கு எதிலும் எச்சரிக்கையாக இருக்க வேண்டும்.. புதிய முயற்சிகளில் கவனம் தேவை..

ஒருவருடைய மனதுக்குஅதிபதி சந்திரன் அவர் ஒரு ராசிக்கு எட்டாவது வீட்டில் மறைவு பெற்றிருக்கும் போது மனதில் தேவையற்ற சஞ்சலங்கள் ஏற்படக்கூடும்.. மனம் அமைதியின்றி தவிக்கவும் நேரிடும்.. தெளிவான முடிவுகளை எடுக்க முடியாமல் போகும்..  

சந்திராஷ்டமம் என்பது ஒரு ராசியில் இருந்து எட்டாவது ராசியில் சந்திரன் சஞ்சரிக்கக்கூடிய காலமாகும்.. இதை மிக சரியாக குறிப்பிட்டு சொல்வதென்றால் ஒரு நட்சத்திரத்துக்கு பதினேழாவது நட்சத்திரத்தின் பாதத்தில் சந்திரன் சஞ்சரிக்கும் போது அந்த நட்சத்திரத்துக்கு சந்திராஷ்டமம் ஆகும்..

எனவே தான்  சந்திராஷ்டமம் தினங்களில் எந்த ஒரு புது முயற்சியிலும் ஈடுபடாமல் வழக்கமான பணிகளில் மட்டுமே கவனம் செலுத்த வேண்டும்..

#சந்திராஷ்டமம் என்றாலே இன்றைக்கு எல்லோர் மனதிலும் ஒருவித அச்ச உணர்வு ஏற்படுகிறது. ஆனால் அப்படி பயப்பட தேவையில்லை.. சந்திராஷ்டமம் எல்லாம் நட்சத்திரங்களுக்கும் தொல்லை தராது..

மேலும் ரிஷபம் மற்றும் கடகம் ராசியில் பிறந்தவர்களுக்கு சந்திராஷ்டமம் நல்லது மட்டுமே செய்யும்..

ஏனெனில் ரிஷபத்தில் சந்திரன் உச்சம் பெறுவது. கடகத்தில் சந்திரன் ஆட்சி வீடு என்பதால் நல்ல பலன் எதிர்பார்க்கலாம்..

அதேபோல் தன்னுடைய நட்சத்திரங்களான ரோகிணி அஸ்தம் திருவோணம் நட்சத்திரங்களில் பிறந்தவர்களுக்கு நல்லது நடக்கும்.

வளர்பிறையில் பிறந்தவர்களுக்கு சந்திராஷ்டம தினங்களில் நன்மைகள் நடக்கும்..

பரிகாரம்

.

சந்திராஷ்டம நாளில் எந்த ஒரு செயலையும் ஆரம்பிக்கும் முன் குலதெய்வத்தையும் முன்னோர்களையும் இஷ்ட தெய்வத்தையும் வணங்கி விட்டு ஆரம்பிப்பது நன்மை தரும்...

பயத்தை நீக்கிய பதிவு.