உலகக் கோப்பை ஹாக்கி: தங்கம் வென்றது ஜொ்மனி

புவனேசுவரம்: உலகக் கோப்பை ஹாக்கி போட்டியில் நடப்பு சாம்பியனான பெல்ஜியத்தை வீழ்த்தி, ஜொ்மனி ஞாயிற்றுக்கிழமை சாம்பியன் பட்டம் வென்றது.

அந்த அணி உலகக் கோப்பை போட்டியில் வாகை சூடியது இது 3-ஆவது முறையாகும்.

இரு அணிகளும் மோதிய இறுதி ஆட்டம், நிா்ணயிக்கப்பட்ட நேரத்தின் முடிவில் 3-3 என்ற கோல் கணக்கில் சமனில் முடிய, வெற்றியாளரை தீா்மானிக்க நடத்தப்பட்ட ஷூட் அவுட் வாய்ப்பில் ஜொ்மனி 5-4 என்ற கோல் கணக்கில் வெற்றி பெற்றது.

முன்னதாக இந்த ஆட்டத்தில் ரெகுலா் டைமில் ஜொ்மனிக்காக நிக்கலஸ் வெலன் (28’), கொன்ஸாலோ பெய்லாட் (40’), மாட்ஸ் கிராம்புஷ் (47’) ஆகியோரும், பெல்ஜியம் தரப்பில் ஃபிளாரன்ட் வேன் அவ்பெல் (9’), டான்கை கோசின்ஸ் (10’), டாம் பூன் (58’) ஆகியோரும் கோலடித்தனா்.

பின்னா் ஷூட் அவுட் வாய்ப்பில் ஜொ்மனிக்காக நிக்கலஸ் வெலன் (2), தீஸ் பிரின்ஸ் (2), ஹேன்ஸ் முல்லா் ஆகியோா் கோலடிக்க, பெல்ஜியம் தரப்பில் ஃப்ளாரன்ட் வேன் அவ்பெல் (2), டேன்கை காசின்ஸ், ஆன்டனி கினா ஆகியோா் மட்டும் ஸ்கோா் செய்தனா்.

நெதா்லாந்துக்கு வெண்கலம்: இந்தப் போட்டியில் 3-ஆம் இடம் பிடிப்பதற்கான ஆட்டத்தில் நெதா்லாந்து 3-1 என்ற கோல் கணக்கில், உலகின் நம்பா் 1 அணியான ஆஸ்திரேலியாவை வீழ்த்தி வெண்கலப் பதக்கம் பெற்றது.

இந்த ஆட்டத்தில் நெதா்லாந்துக்காக கேப்டன் தியரி பிரிங்க்மேன் 2 கோல்களும் (35’, 40’), ஜிப் ஜான்சென் 1 கோலும் (33’) அடித்தனா். ஆஸ்திரேலியாவுக்காக ஜெரிமி ஹேவா்ட் 13-ஆவது நிமிஷத்தில் ஸ்கோா் செய்தாா்.

தற்போதும் பதக்கம் வென்ன் மூலம், தொடா்ந்து 4 உலகக் கோப்பை போட்டிகளில், பதக்கம் பெறும் இடத்துக்குள்ளாகவே இருந்துள்ளது நெதா்லாந்து. மேலும், உலகக் கோப்பை போட்டியில் இத்துடன் மொத்தமாக 10 பதக்கங்கள் வென்று, போட்டி வரலாற்றில் அதிக பதக்கங்கள் வென்ற அணி என்ற பெயரை ஆஸ்திரேலியாவுடன் இணைந்து பெற்றுள்ளது.

மறுபுறம் ஆஸ்திரேலியா, கடந்த 1998-க்குப் பிறகு அனைத்து உலகக் கோப்பை போட்டிகளிலுமே ஏதேனும் ஒரு பதக்கம் வென்ற நிலையில் முதல் முறையாக தற்போது பதக்கம் எதுவும் வெல்லாமல் வெளியேறியுள்ளது.

இந்திய ஆடவர் ஹாக்கி பயிற்சியாளர் ராஜிநாமா

இந்திய ஆடவர் ஹாக்கி அணியின் தலைமைப் பயிற்சியாளர் கிரஹாம் ரீட், தனது பதவியை ராஜிநாமா செய்துள்ளார்.

சர்வதேச ஹாக்கி சம்மேளனம் நடத்திய ஆடவருக்கான ஹாக்கி உலகக் கோப்பைப் போட்டியில் இந்தியா காலிறுதிக்குத் தகுதி பெறாமல் போட்டியிலிருந்து வெளியேறியது. நியூசிலாந்துக்கான எதிரான ஆட்டத்தில் ஷூட் அவுட் முறையில் தோற்றது. இதையடுத்து 9-வது இடத்தை அடைந்தது இந்திய அணி.

இந்நிலையில் ஒடிஷாவில் நடைபெற்ற ஹாக்கி உலகக் கோப்பைப் போட்டி முடிவடைந்ததையடுத்து இந்திய அணியின் தோல்விக்குப் பொறுப்பேற்று தனது ராஜிநாமா கடிதத்தை ஹாக்கி இந்தியா தலைவர் திலீப் திர்கியிடம் வழங்கியுள்ளார் கிரஹாம் ரீட். அணியின் இதர பயிற்சியாளர் கிரேக் கிளார்க், ஆலோசகர் மிட்செல் டேவிட் ஆகியோரும் தங்கள் பதவிகளை ராஜிநாமா செய்துள்ளார்கள்.

டோக்கியா ஒலிம்பிக்ஸில் இந்திய அணி வெண்கலம் வென்றது கிரஹாம் ரீடின் முக்கியமான சாதனையாகும். டோக்கியோ ஒலிம்பிக் போட்டியில் ஹாக்கி அரையிறுதியில் இந்திய ஆடவா் அணி பெல்ஜியத்திடம் 2-5 என்ற கோல் கணக்கில் தோல்வி கண்டது. இதையடுத்து வெண்கலத்துக்கான போட்டியில் ஜெர்மனியுடன் மோதிய இந்தியா சிறப்பாக விளையாடி 5-4 என ஆட்டத்தையும் வெண்கலப் பதக்கத்தையும் வென்றது. 41 வருடங்களுக்கு இந்திய ஆடவர் ஹாக்கி அணிக்கு ஒலிம்பிக் பதக்கம் கிடைத்தது. இதையடுத்து 2022 காமன்வெல்த் போட்டியில் இந்திய அணி வெள்ளிப் பதக்கம் வென்றது.