ஜனவரி 2- நாளை வைகுண்ட ஏகாதசி.

**ayyasamy ram** · **ayyasamy ram** Mon Jan 02, 2023 5:03 am

-
மார்கழி என்றாலே முதலில் நினைவுக்கு வருவது,
திருப்பாவையும், திருவெம்பாவையும்.அதிலும்,"
மாதங்களில் நான் மார்கழி" என்று கீதையில் கண்ணன்
கூறுகிறார்.

திருமாலின் சிறப்பைப் போற்றும் வகையில் அமைந்ததே
மார்கழியில் வரும் வைகுண்ட ஏகாதசியும், சொர்க்கவாசல்
திறப்பும். நமக்கு மோட்சம் அளிக்கும் உன்னதமான விழாவாகும்.

ஏகாதசி விரதத்தை மேற்கொண்டால் மகிழ்ச்சியான
வாழ்க்கை அமையும் என்று வேதவியாசர் கூறியுள்ளார்.

தர்மர் ஒரு முறை வியாசரைச் சந்தித்து ,"துன்பங்களை
அகற்ற சுலபமான வழியை கூறுங்கள்" என்று கேட்க,
அதற்கு அவர் ,"அனைத்து துன்பங்களும் தீர ஏகாதசி
உபவாசத்தை தவிர வேறு வழி ஏதுமில்லை. சகல
சாஸ்திரங்களும் கூறுவது இதுவே ",என்றார்.
-
ஜனவரி 2- நாளை வைகுண்ட ஏகாதசி. Main-qimg-dc790ab915a29734fd81a1f98b4a9af2-lq

ஜனவரி 2- நாளை வைகுண்ட ஏகாதசி. Main-qimg-dc790ab915a29734fd81a1f98b4a9af2-lq

-

**ayyasamy ram** · **ayyasamy ram** Mon Jan 02, 2023 5:05 am

ஏகாதசியும் வைகுண்டப் பதவியும்

ஏகாதசியின் பிறப்பு.
-
ஜனவரி 2- நாளை வைகுண்ட ஏகாதசி. Main-qimg-e19695e3ce68601ae64c50885c553f74-lq

-
கிருத யுகத்தில் தேவர்களுக்கும் முனிவர்களுக்கும் தொல்லை
கொடுத்து வந்தான் முரன் என்னும் அசுரன். இதனால்
சிரமப்பட்டவர்கள் சிவபெருமானிடம் முறையிட்டனர்.

அவரோ பெருமாளிடம் சரண்புகுமாறு அறிவுறுத்தினார்.
தேவர்களும், முனிவர்களும் திருமாலிடம் சரணடையவே,
அவர் அசுரனுடன் போரிடத் தொடங்கினார்.

இறுதியில் அசுரனது படைக்கலன்களை எல்லாம் அழித்த பின்
,அவன் திருந்துவதற்கு ஒரு வாய்ப்பு கொடுக்கலாம் என்று
எண்ணினார் .

அதன்படி போர்க்களத்தில் இருந்து வெளியேறி பத்ரிகாஸ்மரத்தில்
குகையில் போய் ஓய்வெடுத்தார்.

அப்போதும் அவன் திருந்தவில்லை. மனம் வருந்தவில்லை.
பகவானை கொல்ல குகைக்கே வந்து விட்டான் .
மாயங்கள் செய்வதில் வல்லவரான திருமால், உறங்குவதாக
நினைத்து வாளை ஓங்கினான்.

அப்போது திருமாலின் சக்தி ஒரு பெண் வடிவில் வெளிப்பட்டது.
இந்த சக்தியை சாதாரணமாக நினைத்த அசுரன் ,"உன்னைக்
கொல்ல ஒரு அம்பே போதும்" என்று, அம்பை எடுத்தான்.

அப்போது அந்த பெண் எழுப்பிய ஒலியால் அசுரன்
சாம்பலாகினான். அதே நேரத்தில் ஏதுமறியாதவர் போல்
கண்விழித்த பகவான் அந்த சக்தியை பாராட்டினார்

.அதோடு அவளுக்கு "ஏகாதசி "என்ற பெயரை சூட்டி
,"நீ தோன்றிய இந்நாளில் விரதம் இருந்து என்னை
வழிபடுபவர்களுக்கு வைகுண்ட பதவியையும் கொடுப்பேன்",
என்று அருளினார்.

பெருமாளின் பாதத்தை அடைய பல விதமான வழிமுறைகள்
இருக்கின்றன. அதில் ஒன்றுதான் ஏகாதசி விரதம்.