'ஐபிஎல் ஏலத்திற்கு முந்தைய நாள் சரியாக தூங்கவே இல்லை' - ரூ. 18.50 கோடிக்கு ஏலம் போன சாம் கரன் பேச்சு

**ayyasamy ram** · **ayyasamy ram** Sat Dec 24, 2022 7:11 am

கொச்சி,
16-வது ஐ.பி.எல். 20 ஓவர் கிரிக்கெட் போட்டி அடுத்த ஆண்டு
ஏப்ரல்- மே மாதங்களில் நடக்கிறது.

இதையொட்டி 10 அணிகளும் ஏற்கனவே பெரும்பாலான
வீரர்களை தக்க வைத்துக்கொண்டன. ஆனாலும்,
விடுவிக்கப்பட்ட வீரர்களின் இடங்களை நிரப்புவதற்கான
மினி ஏலம் நேற்று கேரளாவின் கொச்சியில் நடைபெற்றது.

இந்த மினி ஏலத்தில் 29 வெளிநாட்டு வீரர்கள் உள்பட 80 வீரர்கள்
ஏலம் எடுக்கப்பட்டனர். அதில், இங்கிலாந்தை சேர்ந்த சாம் கரனை
பஞ்பாப் அணி 18.50 கோடி ரூபாய்க்கு ஏலம் எடுத்தது.

ஐபிஎல் வரலாற்றில் அதிக விலைக்கு ஏலம் எடுக்கப்பட்ட வீரராக
சாம் கரன் மாறியுள்ளார். இந்நிலையில், அதிக விலைக்கு ஏலம்
எடுக்கப்பட்டது குறித்து சாம் கரன் கருத்து தெரிவித்துள்ளார்.

இது தொடர்பாக அவர் கூறுகையில்,
ஏலத்திற்கு முந்தைய நாள் நான் சரியாக தூங்கவில்லை. ஏலம்
எப்படி செல்லும் என்பதில் சற்று ஆர்வமுடனும், பதற்றமாகவும்
இருந்தேன். நான் செய்ததற்கு எனக்கு கிடைத்ததற்கு (ஏலத்தொகை)
மிகவும் மகிழ்ச்சியுடனும், தாழ்மையுடனும் ஏற்றுக்கொள்கிறேன்.
இவ்வளவு ஏலம் செல்வேன் என்று எதிர்பார்க்கவில்லை.

எனது ஐ.பி.எல். கிரிக்கெட் அறிமுக அணியான பஞ்சாப் அணிக்கே
நான் செல்கிறேன். ஐபிஎல்-இல் நான் 4 ஆண்டுகளுக்கு முன்
அறிமுகமானேன். ஆகையால், பஞ்சாப் அணிக்கு திரும்பி செல்வது
மகிழ்ச்சியாக உள்ளது. சில இங்கிலாந்து வீரர்களும் பஞ்சாப் அணியில்
இணைவார்கள் என நம்புகிறேன்' என்றார்.

-தினத்தந்தி

'ஐபிஎல் ஏலத்திற்கு முந்தைய நாள் சரியாக தூங்கவே இல்லை' - ரூ. 18.50 கோடிக்கு ஏலம் போன சாம் கரன் பேச்சு

'ஐபிஎல் ஏலத்திற்கு முந்தைய நாள் சரியாக தூங்கவே இல்லை' - ரூ. 18.50 கோடிக்கு ஏலம் போன சாம் கரன் பேச்சு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக