குர்பானி விளக்கம்

குர்பானி கொடுப்பது உன்னதமான வணக்கமாகும். குர்பானி கொடுக்கும் நாட்களில் அதைவிட அல்லாஹ்விடம் சிறந்த வணக்கம் வேறு இல்லை. குர்பானி கொடுக்கும் பிராணியை அறுக்கும் பொழுது அதன் இரத்தச்சொட்டு பூமியில் விழும் முன்பே அல்லாஹ்விடம் ஒப்புக்கொள்ளப்பட்டதாக ஆகிவிடுகிறது. எனவே மனம் நிறைந்து உள்ளன்புடன் குர்பானி கொடுங்கள் என நபி (ஸல்) அவர்கள் நவின்றுள்ளார்கள். -அல்ஹீஸ்
குர்பானி கொடுக்கும் பிராணியின் ஒவ்வொரு ரோமத்திற்கும் நன்மையுண்டு எனவும் நாயகம் (ஸல்) அவர்கள் கூறியுள்ளார்கள்.

யார்மீது ஜக்காத் கொடுப்பது கடமையோ அவர்கள் குர்பானி கொடுப்பதும் கடமையாகும். இன்னும் புத்தி சுவாதீன முள்ள ஒவ்வொரு முஸ்லீமான வசதியுள்ள அனைவர்களுடைய கடமையாகும்.

குர்பானி குறிப்பாக மூன்று நாட்களில் மட்டும் கொடுக்க வேண்டும். அதாவது துல்ஹஜ; மாதத்தின் 10, 11, 12-வது அஸர் நேரம் வரை (சூரியன் மறைவதற்கு முன்பு) என்றாலும் 10-வது நாளான பெருநாள் தினம் கொடுப்பதே மிகச் சிறந்ததாகும்.

வெள்ளாடு, தும்பையாடு, செம்மறியாடு, காளைமாடு, எருமை மாடு, ஒட்டகம் போன்ற பிராணிகளை குர்பானி கொடுக்கலாம்.

ஆடு வகைகளை தனி நபர் ஒருவருக்காக குர்பானி கொடுக்க வேண்டும். மாடு, ஒட்டகம் இவைகளில் ஏழு நபர்கள் கூட்டு சேர்ந்து குர்பானி கொடுக்கலாம்.

வெள்ளாடு ஒரு வருடம் பூர்த்தியானதாக இருக்கவேண்டும். செம்மறியாடு, தும்பையாடு இவைகள் ஆறுமாத குட்டியாக இருந்தாலும் பார்வைக்கு ஒரு வருடம் பூர்த்தியான தோற்றமிருந்தால் அதையும் குர்பானி கொடுக்கலாம்.

குருடு, ஒற்றைக்கண், நொண்டி, கொம்பு வேருடன் பிடுங்கப்பட்டது, அதிகமான் பற்கள் இல்லாதது, காதோ அதன் வாலோ மூன்றில் ஒரு பாகத்தைவிட அதிகம் வெட்டப்பட்டது, பிறப்பிலே அறவே காது இல்லாதது இவைகளை குர்பானி கொடுப்பது கூடாது. மனம் நிறைந்த அன்புடன் குர்பானி கொடுக்கும்போது நம் ஆன்மா புனிதமடைகின்றது.

சபீர் wrote:குர்பானி பற்றிய விளக்கம் அருமையாக உள்ளது நன்றி தல

இவ்வாறு ஒவ்வொன்றாக தாங்கள் படித்து அதற்கு பின்னூட்டமும் பதிந்து வருவது கண்டு மகிழ்கிறேன்!! அனைத்து உறவுகளும் மீண்டும் படிக்க இது வழிவகுக்கிறது!!!

மகிழ்ச்சியின் உச்சம், மற்றவர்களை மகிழ்ச்சிப் படுத்துவதுதானே சபீர்!

சம்சுதீன் wrote:நன்றி உங்களின் தகவல்கள் அனைத்தும் என்னை மெய்ச்சிலிர்க வைத்தது நன்றி கூறவார்த்தை இல்லை எனக்கு