இந்த வாரம் (நவம்பர் 25) திரையரங்குகளில் வெளியாகும் 7 படங்கள்

**ayyasamy ram** · **ayyasamy ram** Thu Nov 24, 2022 12:00 pm

-
காரி

நடிகர் சசிகுமார் நடிப்பில் கடைசியாக வெளியான படம், உடன்பிறப்பே. அது ரசிகர்களிடம் சரியான வரவேற்பை பெறவில்லை. இதனையடுத்து ஒரு வருடம் கழித்து அவர் நடித்திருக்கும் படம், காரி. அறிமுக இயக்குநர் ஹேமந்த் இயக்கியுள்ள இதில் பார்வதி அருண், அம்மு அபிராமி, சம்யுக்தா உள்ளிட்டோர் நடித்து உள்ளனர். இப்படம் வரும் வெள்ளிக்கிழமை (நவ.25) திரையரங்குகளில் வெளியாகிறது.

ஏஜண்ட் கண்ணாயிரம்

நடிகர் சந்தானம் நடித்துள்ள ஏஜண்ட் கண்ணாயிரம் நவம்பர் 25ம் தேதி வெளியாகிறது. இதில் ரியா சுமன், ஸ்ருதி ஹரிஹரன், புகழ் உள்ளிட்டோர் நடித்துள்ளனர். முழுக்க முழுக்க நகைச்சுவையை மையமாக வைத்து எடுத்துள்ள இப்படம் நவம்பர் 25 ஆம் தேதி திரையரங்குகளில் வெளியாகிறது.

பட்டத்து அரசன்

லைகா புரொடக்‌ஷன்ஸ் தயாரிப்பில் அதர்வா நடித்துள்ள படம் பட்டத்து இளவரசன். ராஜ்கிரண், ஆஷிகா ரங்கநாத், ராதிகா சரத்குமார், சத்ரு உள்ளிட்டோர் நடித்துள்ள இப்படத்தை சற்குணம் இயக்கியிருக்கிறார்.

கிராமத்துக் கதையை அடிப்படையாக கொண்டு உருவாகியுள்ள இப்படம் வரும் நவம்பர் 25 ஆம் தேதி திரையரங்குகளில் வெளியாகிறது.

பவுடர்

விஜய் ஸ்ரீஜி இயக்கத்தில் நிகில் முருகன், வித்யா பிரதீப், சாந்தினி தேவா, வையாபுரி, மொட்ட ராஜேந்திரன், சிங்கம்புலி, ஆதவன் உள்ளிட்டோர் நடித்துள்ள படம் பவுடர். நகைச்சுவைப் படமாக உருவாகியுள்ள இப்படம் நவம்பர் 25 ஆம் தேதி திரையரங்குகளில் வெளியாகிறது.

இது தவீர ஓநாய், ஓட்டம், Auto Is My Life போன்ற படங்களும் இந்த வாரம் நவம்பர் 25 ஆம் தேதி வெளியாகிறது.

-தமிழ் இந்துஸ்தான் டைம்ஸ்

இந்த வாரம் (நவம்பர் 25) திரையரங்குகளில் வெளியாகும் 7 படங்கள்

இந்த வாரம் (நவம்பர் 25) திரையரங்குகளில் வெளியாகும் 7 படங்கள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக