800 கோடியை எட்டும் உலக மக்கள் தொகை

இனி, 800 கோடியில் ஒருவர் நாம்.
நாளை உலக மக்கள்தொகை 800 கோடி ஆகப்போகிறது.

நியூயார்க் :
நாம் வசிக்கும் இந்த மாபெரும் பூமியின் மக்கள்தொகை
எகிறிக்கொண்டே செல்கிறது. நாளை (செவ்வாய்க்கிழமை)
உலக மக்கள்தொகை 800 கோடி ஆகப்போகிறது.

ஐ.நா.வின் புதிய மக்கள்தொகை மதிப்பீட்டில் இந்த தகவல்
தெரிவிக்கப்பட்டுள்ளது. ஆக இனி, 800 கோடியில் ஒருவர்
நாம்! பூமியில் மனிதர்களின் எண்ணிக்கை 800 கோடி
ஆகப்போகும் தகவல், கடந்த ஜூலை 11-ந் தேதி, ஐ.நா.வால்
வெளியிடப்பட்டது.

உலக மக்கள்தொகை தினமான அன்றைய நாளில் வெளியான
ஐ.நா. உலக மக்கள்தொகை வாய்ப்பு 2022 அறிக்கையில் அந்த
தகவல் தெரிவிக்கப்பட்டிருந்தது.
அந்த இலக்கை இன்னும் 2 நாட்களில் எட்டப் போகிறோம்
-

பூமிப்பந்து, மக்கள்தொகையால் பிதுங்கி வழிவது கொஞ்சம்
பீதி ஏற்படுத்தினாலும், ஐ.நா. பொதுச் செயலாளர்
அன்டோனியோ குட்டரஸ் நம்பிக்கையோடு பேசுகிறார்...

'நமது பன்முகத்தன்மையை கொண்டாடுவதற்கான, பொது
மனிதநேயத்தை அங்கீகரிப்பதற்கான, வாழ்நாளை நீட்டித்து,
மகப்பேறுகால மற்றும் குழந்தை இறப்பு விகிதத்தை வெகுவாக
குறைத்துள்ள மருத்துவத்துறையின் மகத்துவத்தை
போற்றுவதற்கான நேரம் இது' என்கிறார்.

அதேநேரம் ஐ.நா. பொதுச் செயலாளர் கூறும் முக்கியமான
எச்சரிக்கை இது... 'உலக மக்கள்தொகை 800 கோடியை
எட்டுவது, நமது பூமியைக் காக்கும் நம்முடைய கூட்டுப்
பொறுப்பை நினைவூட்டும் விஷயமும் ஆகும்.

நமது பொறுப்புகளில் எங்கே பின்தங்கியிருக்கிறோம் என்று
சிந்திப்பதற்கான நேரமும் இது' என்கிறார்.

2050-ம் ஆண்டளவில், உலக மக்கள்தொகையில் பாதிக்கு மேல்,
இந்தியா, பாகிஸ்தான், காங்கோ, எகிப்து, எத்தியோப்பியா,
நைஜீரியா, பிலிப்பைன்ஸ், தான்சானியா ஆகிய
8 நாடுகளிலேயே அடங்கியிருக்கும் என்றும் ஐ.நா. அறிக்கையில்
தெரிவிக்கப்பட்டுள்ளது.

உலக மக்கள்தொகை 700 கோடியில் இருந்து 800 கோடி ஆவதற்கு
12 ஆண்டுகள் ஆகியுள்ள நிலையில், இதிலிருந்து 900 கோடி
தொடுவதற்கு 15 ஆண்டுகள் ஆகுமாம். ஆக 2037-ல்தான் அந்த
'மைல்கல்'லை எட்டுவோம்.

ஒட்டுமொத்த உலக மக்கள்தொகை வளர்ச்சி விகிதம் குறைந்து
வருவதை இது காட்டுகிறது என்கிறார்கள் நிபுணர்கள்.
-
நன்றி: மாலைமலர்

இந்தச் சுமையை பூமி மாதா எப்படித்தான் தாங்குகிறாளோ?????? ... ...

இந்த 800 கோடியில் நம்முடைய பாரதம் 130 கோடி  கிட்ட தட்ட 1/7  பாகம்

T.N.Balasubramanian wrote:இந்த 800 கோடியில் நம்முடைய பாரதம் 130 கோடி  கிட்ட தட்ட 1/7  பாகம்

மேற்கோள் செய்த பதிவு: 1368699

ஆமாம்...சீனாவை மிஞ்சிவிட்டோம் போல் இருக்கிறதே.....

வடக்கு நாடுகள் முக்கியமாக வெள்ளை இனத்தவர்கள் குழந்தை வேண்டாம் என்று சொல்பவர்களுக்கு வரி விதிக்க வேண்டும்(tax the childless) என வாதிடுகிறது..உதாரணமாக பிரிட்டனில்.அதேசமயம் தெற்கே உள்ள நாடுகள் ஆசிய,ஆபிரிக்க,லத்தீன் அமெரிக்க நாடுகள், கருத்தடை பற்றி ஆலோசிக்கின்றன.

முன்னெப்போதும் இல்லாத பேரழிவைத் தவிர்த்து, மக்கள் தொகை தொடர்ந்து அதிகரிக்கும். COVID-19 இறப்பு கூட உலக மக்கள்தொகையின் அளவில் மிகச் சிறிய தாக்கத்தையே ஏற்படுத்தியது. 2020 மற்றும் 2021 ஆம் ஆண்டுகளில் 14.9 மில்லியன் அதிகமான இறப்புகள் கோவிட் நோயுடன் தொடர்புடையதாக உலக சுகாதார நிறுவனம் மதிப்பிட்டுள்ளது. இது மிகப் பெரிய முழுமையான எண்ணிக்கையாகும். ஆனால் அதே காலகட்டத்தில் 269 மில்லியன் பிறப்புகள் பதிவாயின.(UN-WHO)

1970களில் இந்தியாவில் கட்டாய கருத்தடை முகாம்கள் அமைக்கப்பட்டன. இன்றும் கருத்தடை இலக்குகள் தொடர்கின்றன. கருத்தடை செய்யப்பட்ட பெண்களில் மூன்றில் ஒரு பகுதியினர் இந்த செயல்முறைக்கு சம்மதிக்கவில்லை என்று மதிப்பிடப்பட்டுள்ளது.

குறிப்பாக மனித உரிமைகளை மீறாமல், மக்கள்தொகை எதிர்காலத்தை கையாளுவது எளிதானது அல்ல. மாறாக, நமது மக்கள்தொகை யதார்த்தத்தை நாம் திட்டமிட வேண்டும். 8 பில்லியன் மக்கள் மிகக் குறைவானவர்கள் அல்லது அதிகமானவர்கள் அல்ல - இது வெறுமனே பூமிக் கிரகத்தில் உள்ள மக்களின் எண்ணிக்கை. மக்களின் எண்ணிக்கையை அதிகரிக்கவோ குறைக்கவோ முயற்சிப்பதை விட, ஒவ்வொருவரும் தங்கள் வாழ்க்கையை சுதந்திரமாகவும், நிலையானதாகவும், கண்ணியமாகவும் வாழக்கூடிய ஒரு கிரகத்தை உருவாக்க வேண்டும்...என்கிறது ஐ.நா.

(ஜாஸ்மின் ஃப்ளெடர்ஜோஹான் லான்காஸ்டர் பல்கலைக்கழகத்தில் சமூகவியலில் மூத்த விரிவுரையாளரின் கருத்தில் இருந்து)