3வது முறையாக ஒற்றை இலக்க ரன்னில் ஆட்டமிழந்த கே.எல்.ராகுல்..ரசிகர்கள் ஏமாற்றம்..!

**ayyasamy ram** · **ayyasamy ram** Mon Oct 31, 2022 12:17 pm

இந்திய அணியின் தொடக்க வீரர் என்று சொல்லிக் கொண்டு தொடர்ந்து 3வது முறையாக ஒற்றை இலக்க ரன்னில் கே.எல்.ராகுல் ஆட்டமிழந்தது ரசிகர்களிடையே ஏமாற்றத்தையும், அதிருப்தியை ஏற்படுத்தியுள்ளது.

டி20 உலகக் கோப்பை கிரிக்கெட் தொடர் ஆஸ்திரேலியாவில் நடந்து வருகிறது. இதில் சூப்பர்12 சுற்றில் ரோகித் சர்மா தலைமையிலான இந்திய அணி தொடக்க ஆட்டத்தில் பாகிஸ்தானையும், 2-வது ஆட்டத்தில் நெதர்லாந்தையும் வீழ்த்தியது.

இந்த நிலையில் நேற்று தென் ஆப்ரிக்காவுக்கு எதிரான போட்டியில் 5 விக்கெட் வித்தியாசத்தில் போராடி தோல்வியடைந்தது. இது ரசிகர்களிடையே ஏமாற்றத்தை ஏற்படுத்தியுள்ளது.

இந்த ஆட்டத்தில் இந்திய அணி இன்னும் 15 முதல் 20 ரன்களைக் கூடுதலாக எடுத்திருந்தால் தென்னாப்பிரிக்கா அணி இலக்கை விரட்ட திண்டாடும் நிலை ஏற்பட்டிருக்கும்.

இந்திய அணி சார்பாக பேட்டிங்கில் சூரியகுமார் யாதவ் மட்டும் சிறப்பான ஆட்டத்தை வெளிப்படுத்தி 68 ரன்கள் குவித்தார்.

குறிப்பாக சமீபகாலமாக சிறப்பாக செயல்படாத கே.எல்.ராகுல் 9 ரன்களில் ஆட்டமிழந்து வெளியேறி ரசிகர்களை வெறுப்பேற்றினார்.

பாகிஸ்தானுக்கு எதிரான பேட்டிங்கில் 4 ரன்கள், நெதர்லாந்துக்கு எதிராக 9 ரன்கள் என ஆட்டமிழந்த ராகுல், நேற்றைய ஆட்டத்திலும் 14 பந்துகளை எதிர்கொண்டு 9 ரன்கள் மட்டுமே எடுத்து வெளியேறினார்.

இந்திய அணியின் தொடக்க வீரர் என்று சொல்லிக் கொண்டு தொடர்ந்து 3வது முறையாக ஒற்றை இலக்க ரன்னில் கே.எல். ராகுல் ஆட்டமிழந்தது ரசிகர்களிடையே ஏமாற்றத்தையும், அதிருப்தியையும் ஏற்படுத்தியுள்ளது.

இதனால் இந்திய அணி அடுத்து மோதும் வங்காளதேசத்துக்கு எதிரான போட்டியில் கே.எல்.ராகுலை நீக்கிவிட்டு, அவருக்குப் பதிலாக ரிஷப் பண்ட்டை சேர்க்க வேண்டும் என்று கோரிக்கை எழுந்துள்ளது.

-குமுதம்

**Dr.S.Soundarapandian** · **Dr.S.Soundarapandian** Mon Oct 31, 2022 12:41 pm

"கே.எல்.ராகுலை நீக்கிவிட்டு, அவருக்குப் பதிலாக ரிஷப் பண்ட்டை சேர்க்க வேண்டும் என்று கோரிக்கை எழுந்துள்ளது." -
சரிதானே?

3வது முறையாக ஒற்றை இலக்க ரன்னில் ஆட்டமிழந்த கே.எல்.ராகுல்..ரசிகர்கள் ஏமாற்றம்..!

3வது முறையாக ஒற்றை இலக்க ரன்னில் ஆட்டமிழந்த கே.எல்.ராகுல்..ரசிகர்கள் ஏமாற்றம்..!

Re: 3வது முறையாக ஒற்றை இலக்க ரன்னில் ஆட்டமிழந்த கே.எல்.ராகுல்..ரசிகர்கள் ஏமாற்றம்..!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக