‘கோஹினூர் வைரத்தை மீட்கும் முயற்சி தொடரும்’

**ayyasamy ram** · **ayyasamy ram** Sun Oct 16, 2022 1:46 am

-
டெல்லி:
இந்தியாவிடம் இருந்து கைநழுவிப்போன விலைமதிப்பற்ற
சொத்தான கோஹினூர் வைரத்தை எப்படியாவது மீட்டுக் கொண்டு
வந்துவிட வேண்டும் என்ற முயற்சியில் மத்திய அரசு "தீவிரமாக"
இறங்கியுள்ளதாக தகவல்கள் வெளியாகியுள்ளன.

அதே சமயத்தில், கோஹினூரை விட்டுத்தர மனமில்லாத பிரிட்டன்,
அதுதொடர்பான எந்த விவாதமும் மீண்டும் எழுந்துவிடக் கூடாது
என்பதில் மிகவும் கவனமாக இருக்கிறது.

வைரத்தின் விலைக்காகவோ அதன் மதிப்புக்காகவோ இந்தியா இந்த
முயற்சியில் இறங்கவில்லை. மாறாக, ஒருகாலத்தில் இந்தியாவின்
அடையாளமாக கருதப்பட்ட கோஹினூர் வைரம், இன்று வேறொரு
நாட்டின் அரச கிரீடத்தை அலங்கரித்து வருகிறது நமது பெருமைக்கு
இழுக்கு எனக் கருதுவதால், இந்த விவகாரத்தில் இந்திய அரசு தீவிர
கவனத்தை செலுத்த முடிவு செய்துள்ளது.

'வெளிச்சத்தின் சிகரம்'

உலகில் உள்ள விலைமதிக்க முடியாத வைரங்களில் முதன்மையாக
விளங்குவது கோஹினூர் வைரம் ஆகும். அதேபோல, மிகப்பெரிய
வைரங்களில் ஒன்றாகவும் இது கருதப்படுகிறது. 108 காரட் எடைக்
கொண்ட தூய வைரமான கோஹினூர், ஒருகாலத்தில் பரந்து விரிந்த
பாரத தேசத்தின் முக்கிய அடையாளமாக கருதப்பட்டு வந்தது.

பல மாமன்னர்களின் கிரீடங்களையும், அவர்களின் அரண்மனைகளையும்
இந்த கோஹினூர் வைரம் அலங்கரித்து வந்துள்ளது. மற்ற வைரங்களை
காட்டிலும் கோஹினூருக்கு இருக்கும் தனிச்சிறப்பு, அதன் கண்ணைப்
பறிக்கும் ஒளிதான்.

ஒரு இருட்டான அறையில் கோஹினூர் வைரத்தை வைத்தால், அந்த
அறையில் ஓரளவுக்கு வெளிச்சம் நிரம்பிவிடும்.

எனவே கோஹினூர் வைரம் 'வெளிச்சத்தின் சிகரம்' (Mountain of Light)
என செல்லமாக அழைக்கப்படுகிறது. 108 கேரட் கொண்டது இந்த வைரம்.

கைமாறிய கோஹினூர்
பல ஆயிரம் ஆண்டுகளாக பாரத தேசத்தில் இருந்து வந்த இந்த கோஹினூர்
வைரத்தை சீக்கிய மன்னர் துலீப் சிங், 1849-ம் ஆண்டு பிரிட்டன் மகாராணியாக
இருந்த விக்டோரியாவுக்கு பரிசளித்தார். அவ்வளவுதான். அதன் பிறகு, அந்த
வைரம் இந்தியாவுக்கு வரவே இல்லை. முதலில், பிரிட்டன் அரசக் கருவூலத்தில்
ஒப்படைக்கப்பட்ட இந்த வைரம், பின்னர் அந்நாட்டு ராஜ கிரீடத்தில்
பொருத்தப்பட்டது.

கடைசியாக, அண்மையில் மறைந்த ராணி இரண்டாம் எலிசபெத் தான், இந்த
கோஹினூர் வைரம் பொருத்தப்பட்ட கிரீடத்தை அணிந்த கடைசி ராணி
ஆவார்.

-தமிழ் ஒன் இந்தியா

**Dr.S.Soundarapandian** · **Dr.S.Soundarapandian** Sun Oct 16, 2022 6:57 am

“கோஹினூர் வைரத்தை சீக்கிய மன்னர் துலீப் சிங், 1849-ம் ஆண்டு பிரிட்டன் மகாராணியாக இருந்த விக்டோரியாவுக்கு பரிசளித்தார். ” --
பரிசு கொடுத்ததைக் கேட்பது ... ........

‘கோஹினூர் வைரத்தை மீட்கும் முயற்சி தொடரும்’

‘கோஹினூர் வைரத்தை மீட்கும் முயற்சி தொடரும்’

Re: ‘கோஹினூர் வைரத்தை மீட்கும் முயற்சி தொடரும்’

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக