ஆவடி வேல்டெக் ரங்கா சங்கு கலைக்கல்லூரியில் ”முதலாமாண்டு மாணவர்கள் வரவேற்பு விழா”

”
ஆவடி வேல்டெக் ரங்கா சங்கு கலைக்கல்லூரியில் ”முதலாமாண்டு மாணவர்கள் வரவேற்பு விழா” நடைபெற்றது. கல்லூரியின் 25 ஆம் ஆண்டு தொடக்க விழாவாகவும் இவ்விழா சிறப்பாகக் கொண்டாடப்பட்டது.

நிகழ்வில் திட்டமேலாண்மை முதன்மை அதிகாரி ப.அன்னபூரணி அனைவரையும் வரவேற்கும் முகமாக வரவேற்புரை கூறினார். கல்லூரி முதல்வர் முனைவர் த.ஜெயசந்திரன் தலைமையுரை ஆற்றும்பொழுது, “மாணவர்கள் சோம்பேறித்தனத்தைக் கைவிட்டுத் தன்னம்பிக்கையுடன் செயல்படும்பொழுது வாழ்வில் அனைத்தையும் சாதித்து விடலாம். எழுச்சியுடன் எதிர்காலத்தைத் திட்டமிட்டுச் செயல்பட வேண்டும்” என்றார்.

சிறப்பு விருந்தினராக ஜோஹோ நிறுவனத்தின் மனிதவளத்துறையின் முதன்மை அதிகாரி திரு.சார்லஸ் காட்வின் கலந்து கொண்டு சிறப்புரையாற்றினார். அவர் கூறும்பொழுது” மாணவர்கள் பிறரைத் தனக்கு ஈடாக ஒப்புமைப்படுத்திக் கொண்டு வாழ முயற்சிக்கக் கூடாது. தனக்கான பாதையைத் தேர்ந்தெடுத்து அதில் முழு மனதோடு செயலாற்றினால் உயர்ந்த இடத்தை அடைய முடியும். நம் முன்னே வாழ்ந்த பெரியோர்கள் உயர்ந்த இட்த்திற்குச் சென்ற வரலாற்றைத் தேடிப்படிக்கவும் பார்க்கவும் செய்ய வேண்டும்.” என்றார்.

வேல்டெக் கல்விக்குழுமத்தின் தலைவர் மற்றும் நிர்வாக அறங்காவலர் திருமதி ரங்கராஜன் மகாலட்சுமி கிஷோர் கலந்து கொண்டு வாழ்த்துரை வழங்கினார். அவர் பேசும்பொழுது,” வேலைவாய்ப்பை நோக்கிப் படியுங்கள். தொலைபேசியிலிருந்து வெளியே வாருங்கள். அறிவைப் பெருக்குங்கள்.” என்றர்.

துறைத்தலைவர்கள், வேலைவாய்ப்புப் பிரிவு செயல்அலுவலர்கள், தேர்வுக்கட்டுப்பாட்டுத்துறை அலுவலர் ஆகியோர்கள் உரையாற்றினர். முன்னாள் மாணவர்கள் கல்லூரியின் தரம் குறித்துப் பேசினர். மாணவர்களின் கலைநிகழ்ச்சிகள் நடைபெற்றன. நிறைவாக பேராசிரியர் முனைவர் சசிகலா நன்றியுரை கூறினார். விழாவில் பெற்றோர்கள் பெருமளவு கலந்து கொண்டனர்.