திருநெல்வேலி மாவட்டம் ஆயன்குளம் அதிசய கிணறு

**T.N.Balasubramanian** · **T.N.Balasubramanian** Tue Jul 26, 2022 11:58 am

மிதக்கும் ட்ரோன் கேமரா மூலம் நான்காம் கட்ட ஆய்வு செய்தனர்.

திருநெல்வேலி மாவட்டம் ஆயன்குளம் அதிசய கிணறு Samayam-tamil

திருநெல்வேலி மாவட்டம் திசையன்விளை அருகே ஆயங்குளம் படுகை அருகில் சுமார் 50 அடி ஆழமுள்ள கிணறு உள்ளது. மழைக்காலத்தில் படுகையில் இருந்து வினாடிக்கு 2,000 லிட்டருக்கு மேல் பல மாதங்களாக கிணற்றுக்குள் தண்ணீர் சென்றது. ஆனால் கிணறு நிரம்ப வில்லை இந்த கிணற்றில் உள்வாங்கும் தண்ணீரின் மூலம் சுமார் 15 கிலோமீட்டர் சுற்றளவில் உள்ள கிணறுகளில் நீர்மட்டம் உயர்ந்தது. இதுகுறித்து ஆய்வு செய்ய நெல்லை மாவட்ட நிர்வாகம் கேட்டுக் கொண்டதின் பேரில் சென்னை ஐஐடி பேராசிரியர் வெங்கட்ரமண சீனிவாசன் தலைமையிலான குழுவினர் அதிசயக் கிணற்றையும் அருகில் உள்ள கிணறுகளையும் பார்வையிட்டு மூன்று முறை ஆய்வுகள் செய்து அறிக்கையை மாவட்ட ஆட்சியரிடம் கொடுத்தனர்.

அதன் அடிப்படையில் அதிவேகம் மறுவூட்டல் தொழில்நுட்பம் ஒன்றை செயல்படுத்தலாம் என்று பரிந்துரை செய்து மாவட்ட நிர்வாகத்திற்கு ஐஐடி குழுவினர் ஆய்வறிக்கை அனுப்பி இருந்தனர். மேலும், அந்தப் பகுதியில் பல வளங்களை உருவாக்க முடியும் என்றும் அதில் தெரிவித்திருந்தனர். வெள்ளம் மற்றும் வறட்சியின் தீவிரத்தை குறைக்க முடியும் தண்ணீர் ஆவியாதல் பாதிப்பு இன்றி நீரை பூமிக்கு அடியில் கீழ் நில அணையை உருவாக்கி சேகரிக்க முடியும். இந்த பகுதி முழுவதும் சமமாகவும் தானியங்கி அடிப்படையிலும் நீரை விநியோகிக்கலாம். முறைப்படி பராமரிக்கும் பட்சத்தில் வடிகட்டப்பட்ட தூய்மையான நீர் உள் செலுத்தலாம். கடலோரப் பகுதியில் கடல் நீர் உட்புகுவதை தடுத்து பின்னோக்கி செலுத்த வைக்க முடியும் என்று தெரிவித்திருந்தனர்.

இந்நிலையில், நான்காவது முறையாக சென்னை ஐஐடி குழுவினர் தொடர்ந்து இரண்டு நாட்களாக அதிசய கிணறு மற்றும் சுற்றியுள்ள கிணறுகளை கிணறுகள் அமைந்துள்ள தோட்டத்தின் விவசாயிகளின் ஒத்துழைப்புடன் ஆய்வு செய்தனர்.தற்போது நடைபெற்ற ஆய்வில் தீயணைப்புதுறை வீரர்களை கயிறுகள் மூலம் கிணற்றுக்குள் இறக்கி நீண்ட குச்சியின் முனையில் நுண்துளை கேமரா மற்றும் பல்புகள் பொருத்தி கிணற்றுக்குள் உள்ள துளைகளை ஆய்வு செய்தனர்.

நன்றி சமயம்

மேலும், நீர் இறைக்கும் வாளி மூலம் நீரில் மிதக்கும் டிரோன் கேமராக்களை கிணற்றுக்குள் இறக்கி நீரில் சுழல விட்டு கிணற்றின் உட்புறம் உள்ள தீயணைப்பு துறை வீரரின் உதவியுடன் கிணற்றின் உட்பகுதியில் எந்தெந்த பகுதியில் துளைகள் உள்ளது என்பதை கேட்டறிந்து கிணற்றின் வெளியே நின்ற ஐஐடி பேராசிரியர் வெங்கட்ரமண சீனிவாசன் வைஃபை இணைப்பு மூலம் கையடக்க கணினி உதவியுடன் நீரில் மிதக்கும் ட்ரோன் கேமராவை இயக்கி நீரை உள்வாங்கும் துளைகளை ஆய்வு செய்தார். ஆயன்குளத்தில் இருந்து பத்து கிலோமீட்டர் தொலைவில் உள்ள பல்வேறு கிணறுகளில் நான்காம் கட்ட ஆய்வு நடைபெற்றது.

விரைவில் பருவ மழை காலம் வரும் சூழ்நிலையில் ஐஐடி குழுவினரின் நீரை உள்வாங்கும் அதிசய கிணறு குறித்த ஆய்வு விவசாயிகள் மத்தியில் பெரும் மகிழ்ச்சியை ஏற்படுத்தி உள்ளது

**T.N.Balasubramanian** · **T.N.Balasubramanian** Tue Jul 26, 2022 12:03 pm

நம்முடைய மூதாதையர்கள் சிறநத நீர்ப்பாசன வல்லுனர்களாக இருந்திருப்பார்கள் என
நினைக்க தோன்றுகிறது.

திருநெல்வேலி மாவட்டம் ஆயன்குளம் அதிசய கிணறு

திருநெல்வேலி மாவட்டம் ஆயன்குளம் அதிசய கிணறு

மிதக்கும் ட்ரோன் கேமரா மூலம் நான்காம் கட்ட ஆய்வு செய்தனர்.

Re: திருநெல்வேலி மாவட்டம் ஆயன்குளம் அதிசய கிணறு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக