சிறுகதைத் திறனாய்வு : புதுமைப்பித்தனின் ‘குப்பனின் கனவு’

சிறுகதைத் திறனாய்வு : புதுமைப்பித்தனின் ‘குப்பனின் கனவு’

1 . குப்பன் எனும் சென்னை ரிக்ஷாக்காரன் கண்ட கனவுதான் கதை; அவனது கடும் உழைப்பு, குடி, மனைவியின் நடத்தை, மன நிலை இவைதான் களம்!

2 . அன்று ‘சத்தம்’ (வாடகை) எதுவும் கிடைக்கவில்லை ! மழை வேறு! திண்டாட்டம்! இவ்வாறு இந் நிலை காட்டப்படுகிறது!:


மனம் வெறுத்துப்போன நிலையில், ஈர வேட்டியைக் கூடப் பிழிந்து கட்டத் தோன்றாது! இந்த நுட்பத்தக் கூறத் தவறவில்லை ஆசிரியர் என்பதைக் கவனியுங்கள்!

அடுத்ததாகப் பிச்சைக்காரனோடு ஒப்பீடு!
பிச்சைக்காரன் நமக்கெல்லாம் ஓர் உறைகல்லாக இருக்கிறான்! ‘இது என்ன? பிச்சைக்காரன் போடற சட்டை மாதிரில்ல இருக்கு!’ , ‘இந்தப் பொழப்புக்குப் பிச்சை எடுக்கலாம்!’- இப்படிப் பல வகைகளில் பிச்சைக்காரன் நமக்கு ‘ஆதார சுருதி’யாக இருக்கிறான்! குப்பன் கூற்றை இந்த அடிப்படையில் படிக்கவேண்டும்!

3 . டிராம் ஏறப்போகிறவர் அருகே ரிக்ஷாவைக் கொண்டுபோக, அவர் வேண்டாம் என்று சொல்லவும் குப்பனுக்குக் கடுங் கோபம் வருகிறது!:


தடுமாற்ற நிலையில் உள்ள குப்பன், யார் மீதாவது தன் சினத்தை வடியவிட வேண்டும்! டிராமில் போகிறவரிடம் ஊற்றிவிட்டார் , பார்வையாலேயே!

4 . அந்தச் சோர்வு நிலையில், ‘அடடா! தண்ணி போட்டா எப்படி இருக்கும்!’ என நினைக்கிறான்! குடிகாரனின் மனம் இப்படித்தான் இருக்கும்! :


எவ்வளவு நோஞ்சானாக இருந்தாலும் சாராயம் உள்ளே போனால் , நெஞ்சை நிமிர்த்துக்கொள்கிறான்; தனக்கு வலிமை வந்துவிட்டதாக நினைக்கிறான்! வலி இல்லாமல் அவனால் வேலை பார்க்க முடிகிறது; இது உண்மைதான்; இதனால்தான் உடல் உழைப்பு ஆட்கள் சாராயத்தை நாடுகிறார்கள்; ஆனால், இப் பழக்கம் தொடர்வதால், உடல் முற்றிலுமாக நாசமாவதை அவர்கள் உணர்வதில்லை!

5 . குப்பனின் பெண்டாட்டியை இப்படி அறிமுகப்படுத்துகிறார் ஆசிரியர்:


கணவன் ஒழுங்கீனமானவனாக இருந்தால், மனைவி ஒழுக்கமாக இருப்பாள் என்பதற்கு உத்தரவாத மில்லை!அதிலும் மோசமான வீட்டுச் சுற்றுப்புறம் இருந்தால், கேட்கவே வேண்டாம்!
குப்பனின் கனவுக் காட்சி வீட்டுக்குள் நடப்பது என்பதால்,அவன் மனைவி பற்றிக் கூறவேண்டியது ஆசிரியருக்குத் தேவையானதாகிறது.

6 . குப்பன் ‘சென்ட்ரல்’ ரயில் நிலையத்துக்குப் போனான்; அங்கே எப்படியும் ‘கிராக்கி’ கிடைக்கும்; இதனால் மனதில் ஒரு நிம்மதி; அதன் காரணமாக, அவன் வண்டியில் உட்கார்ந்திருக்கும்போது கனவு வந்தது! அந்தக் கனவு:




நம்முடைய நிறைவேறாத ஆசைகள் கனவில் நிறைவேறும் என்பது ஓர் உளவியல் உண்மை! ’இது கனவிலும் நடக்காது’ என்று சொல்வது இதனால்தான்! ஆசிரியர் இதனைத்தான் பயன்படுத்தியுள்ளார் குப்பன் கனவில்!
சிகரெட்டுப் பிடிக்கவேண்டும், உயர்ந்த மது வகைகளைக் குடிக்கவேண்டும், ‘சத்தம்’ கொடுப்பதில் கஞ்சத்தனம் கூடாது, தன்னை ஏமாற்றியவனைத் திட்டவேண்டும் என்றெல்லாம் அவனை அறியாமலேயே அவனின் அடி மனதில் உறைந்திருந்தவை எல்லாம் இப்போ எப்படி வெளியாகிறது பாருங்கள்!
கனவுக் களமாகிய அவ்வீடு வசதியான வீடு என்பதையும் , ‘இது குப்பாயி வீடு’ என்று கர்வமாகக் குப்பன் கூறுவதையும் நோக்குவீர்! குப்பனின் மனைவி , நல்லவளாக , நல்ல நடத்தை உள்ளவளாக , இருக்கவேண்டும் என்பதும் குப்பனின் ஆழ்மனதில் உள்ளதுதான் என்பது ஆசிரியர் கூறவந்த செய்தி!

7 . ‘கிராக்கி’ ஒருவர் போட்ட சத்தத்தில் குப்பன் கனவு கலைகிறது!


வந்தவர் , பிராட்வே போகக் கூலி நாலணா தருவதாகச் சொன்னதும் குப்பனுக்குப் பரம திருப்தி! கனவிலே கிடைத்த நாலணா இப்போ உண்மையிலேயே கிடைக்கப் போகிறதல்லவா?
அந்த நாலணாவைஅவன் என்ன செய்வான் என்பது உங்களுக்கே தெரியும்!
(அது சரி! நாலணா , ஒரு பெரிய தொகையா? இப்போது கேட்பது பொருத்தம்தான் ; ஆனால் குப்பன் காலம் 1934! )
இக் கதையில், மனிதனின் உள் ஆசை வேறு, வெளி விருப்பம் வேறு, செயலில் நடப்பது வேறு என்ற மூன்று நிலைகளை நமக்குக் காட்டியுள்ளார் புதுமைப்பித்தான்!
***