சிறுகதைத் திறனாய்வு : புதுமைப்பித்தனின் ‘புரட்சி மனப்பான்மை’

சிறுகதைத் திறனாய்வு : புதுமைப்பித்தனின் ‘புரட்சி மனப்பான்மை’

1 . இந்திய விடுதலைப் போராட்டத்தின் போது இருந்த நம் மக்களில் மூன்று பிரிவார் இருந்தனர்!

முதல்வகையார்-
மிகத் தீவிரமாகப் பங்குபெற்றோர் ! கதைசொல்லும் நம் ஆசிரியர் , அவரின் நண்பருடைய பத்திரிகை அலுவலகத்தில் சந்திப்பவர் இப்படிப்பட்டோர் சிறைக்கு அஞ்சாதோர்! போராட்டத்தைக் கடமையாகக் கருதியோர்! அதனை ஓர் இனிய வாழ்க்கையாக எடுத்துக்கொண்டோர்!

இரண்டாம் வகையார் –
கதை சொல்லும் ஆசிரியர்; இவரைப் போன்றோர்க்கு ,விடுதலைப் போராட்டத்தில் ஆர்வம் இருக்கும்; ஆனால் எந்தப் போராட்டத்திலும் கலந்துகொள்ள மாட்டார்கள்!

மூன்றாம் வகையார்-
எதையும் கண்டுகொள்ளாதோர்! அவர்கள் குடும்பமே அவர்களுக்குக் கதி! எடுத்துக்காட்டு - கடற்கரையில் நம் ஆசிரியரைச் சந்திப்பவர்; பெயர், பாலு.

இந்த மூன்று வகையாரையும் சித்திரித்து, நமக்கு விடுதலைக்கு முந்தைய தமிழகத்தைப் படம் போட்டுக் காட்டுகிறது கதை!
இது தேவையானது! இளைய தலைமுறைக்கு இதில் எதுவுமே தெரியாது! இளைய தலைமுறை உள் நோக்கத்துடன் , ஒருதரப்பாக ஒளிபரப்பப்படும் தொலைக்காட்சிகளையே நம்பியுள்ளனர்!

2 . ‘ஸ்ரீமான் புரட்சியார்’ கதையில் அறிமுகம் ஆகும்போதே கம்பீரமாக வருகிறார்!


தீவிர விடுதலை வீரர்கள் , வெள்ளையரை எதிர்த்து எதிர்த்து, அவர்களுக்குள் ஒரு குணம் படிந்துவிட்ட நுட்பத்தைப் புதுமைப்பித்தன் காட்டுவதைக் காண்க! என்ன குணம்? யாரையும் எடுத்தெறிந்து பேசுவது! ‘வெள்ளைக்காரரைச் சுடத்தெரியுமா?’ என்று கேட்பதிலேயே அந்தப் பாத்திரத்தைச் செம்மையாக ஆசிரியர் படைத்துள்ள நிறைவு நமக்குக் கிடைத்துவிடுகிறது!

3 . ஆசிரியரின் நண்பரும் உணர்ச்சிமிகு விடுதலை வீரராகவே காட்டப்படுகிறார்:


4 .ஆனால், கதை சொல்லிவரும் ஆசிரியருக்குப் புரட்சி பற்றி மேலே தெரிந்து கொள்ள ஆசையெதுவும் மில்லை! அதனால், வாயை இறுக மூடிக்கொள்கிறார்! வாயை இறுக மூடிக்கொள்ள அவர் ஓர் உபாயம் வைத்திருக்கிறார்! :


வாயில் வெற்றிலை பாக்கைப் போட்டுக் குதப்பிக்கொள்வது , எதுவும் பேசாமல் ‘கம்’மென்று இருக்கவே!

ஒரு பாகவதர் இருந்தார்! அவரிடம், ‘பைரவி ராகத்தின் சாயையைப் பிடித்துக் காட்டுங்களேன்’ என்று கேட்டான்! பாகவதர், ‘வெற்றிலையைத் துப்பிவிட்டு வருகிறேன்’ என்று கைச் சாடையிலேயே சொல்லிவிட்டுப் போனவர்தான்! பிறகு வரவே இல்லை! அன்றுதான் நான் தெரிந்துகொண்டேன் பாகவதர்கள் வெற்றிலை போட்டுக் குதப்புவதில் இப்படி ஒரு தந்திரம் இருக்கிறது என்று! அதற்குப் பிறகு இப்போதுதாn அதே பொருள் பற்றிப் புதுமைப் பித்தன் எழுதுவதைப் படிக்கிறேன்!

5 . ‘ஸ்ரீமான் புரட்சியாள’ரும் , ஆசிரியரின் நண்பரும் எவ்வளவு ‘குஷாலாக’ விடுதலைப் புரட்சியைப் பற்றிப்பேசிக்கொள்கிறார்கள் பாருங்கள்!:


சாதி, மொழி முதலிய எல்லா வேறுபாடுகளையும் கடந்து நின்றுதான் நடந்தது அன்றைய விடுதலைப் போராட்டம் நடந்தது! ஆனால் விடுதலை இந்தியாவில்? எல்லாமே சாதி, மொழி முதலிய குறுகிய மனப்பான்மையில்தான் !

6 . கடற்கரையில் இப்போது ஆசிரியர்!
பாலு என்பவரைச் சந்திக்கிறார்! அவர், நம் ஆசிரியர் எழுதிய கதையையும், மூர் மார்க்கெட்டில் வாங்கிய பழைய புத்தகங்களையும், ஆத்துக்காரி, சாமான்களைப் போட்டுக் கண்ணாடிச் சாமான் வாங்கியதையும், தலைக்கு எண்ணெய் தேய்த்துக் குளிப்பதையும் பற்றி அவிழ்த்துவிட்டார்!
அப்போது, ‘ஸ்ரீமான் புரட்சிக்காரர்’ பற்றி , இலேசாக , இலேசாகத்தான், ஆரம்பித்தார் பாலுவிடம்! அந்தக் காட்சி! :


நான் தொடக்கத்தில் குறிப்பிட்டது போல , நாட்டு விடுதலை பற்றியோ, தீவிரப் புரட்சியாளர்கள் பற்றியோ எந்தச் சிந்தனையும் இல்லாமல் பாலு இருப்பதைக் காட்டியுள்ளார் புதுமைப்பித்தன்!
அன்றும் பாலுக்கள்தான் அதிகம்! இன்றும் பாலுக்கள்தான் அதிகம்!

7 . புரட்சி மனப்பான்மை எல்லோருக்கும் வந்துவிடாது! நம்மைப் போன்ற சுயநலவாதிகளுக்கு அது விளங்காது! நம் நாட்டு விடுதலைப் போரில் புரட்சியாளர்களின் பங்கு அளப்பரியது! ‘புரட்சி மனப்பான்மை’ என்றால் என்ன என்றாவது அடுத்த தலைமுறைக்கு நாம் சொல்லித்தர வேண்டாமா?இதைத்தான் செய்துள்ளார் புதுமைப்பித்தன்!
***