பிரீமியம் கட்டண சேவையில் குதித்த 'டெலிகிராம்'

நடப்பாண்டில் உலகளவில் அதிக எண்ணிக்கையில் தரவிறக்கம்
செய்யப்பட்ட செயலிகளில் டாப் 5 செயலிகளில் ஒன்றாக டெலிகிராம்
மாறியுள்ளது. உலகம் முழுவதும் சுமார் 70 கோடி பேர் இச்செயலியை
பயன்படுத்தி வருகின்றனர்.

டெலிகிராமின் புதிய பீரிமியம் சேவையை பெற, மாதம் ஒன்றிற்கு
4.99 அமெரிக்க டாலர், அதாவது இந்திய மதிப்பில் ரூ.390 கட்டணமாக
நிர்ணயிக்கப்பட்டுள்ளது.

பீரிமியம் சேவையில் இணையும் சந்தாதாரர்கள், வழக்கமான
சேவையை விட இருமடங்கு அதிகமான சேவையை பெற முடியும்.
4 ஜி.பி., வரை பதிவேற்றம் செய்து கொள்ளலாம். எக்ஸ்குளூசிவ்
ஸ்டிக்கர்ஸ், விரைவான தரவிறக்க வசதி உள்பட பல வசதிகளை
பயன்படுத்தி கொள்ளலாம்.

மேலும், பிரீமியம் சந்தாதாரர்களின் பங்களிப்புகள் பல பத்தாண்டுகள்
பயன்பாட்டை மேம்படுத்தவும் விரிவுபடுத்தவும் உதவும். அதே நேரம்,
டெலிகிராமின் இலவச பதிப்பு, சுதந்திரம் மற்றும் பயனர்களின்
முதன்மை மதிப்புகளை நிலைநிறுத்தி, ஒரு தொழில்நுட்ப நிறுவனம்
எவ்வாறு செயல்பட வேண்டும் என்பதை மறுவரையறை செய்யும்
வகையில் தொடருமென டெலிகிராம் தனது தளத்தில் தெரிவித்துள்ளது.

பிரீமியம் சந்தாதாரர்கள், நீண்ட பயோ-டேட்டா உடன் இணைப்பில்,
வழக்கமான 3 கணக்குகளுக்கு பதிலாக 4 கணக்குகளை இணைத்து
கொள்ளலாம். மேலும் 4 ஜி.பி., வரையிலான வீடியோ அல்லது
கோப்புகளை அனுப்ப இயலும். இலவச பதிப்பில், 2 ஜி.பி., அளவுள்ள
ஆவணங்களை மட்டுமே அனுப்ப இயலும்.

இலவச பதிப்பை விட, பிரீமியம் சந்தாதாரர்களுக்கு, நெட்வோர்க்
இணைய வேகத்திற்கு ஏற்ப, அதிவிரைவில் டவுன்லோடு செய்து
கொள்ளும் வசதியும் கிடைக்கும்.

மேலும் டெலிகிராம் கணக்கில் 1,000 சேனல்களை பின் தொடரலாம்.
20 சாட் கோப்புகள் வரை உருவாக்கி கொள்ளலாம். 200 அல்லது
அதற்கு மேற்பட்டோருடன் சாட் (Chat) செய்யலாம். டெலிகிராம்
சேவையை மேம்படுத்தும் விதமாக , குரல் மூலம் செய்தி உருவாக்கம்
(voice-to-text messages ) செய்யும் வசதியை பயன்படுத்தி கொள்ளலாம்.

தினமலர்