புகார் வழக்கில் எப்.ஐ.ஆர்., கேட்பது முட்டாள்தனம்: ப.சிதம்பரத்திற்கு சுப்பிரமணியன் சுவாமி பதிலடி

புதுடில்லி: நேஷனல் ஹெரால்டு ஊழல் வழக்கு குறித்த எப்.ஐ.ஆர் நகல் குறித்து கேள்வி எழுப்பிய காங்கிரஸ் எம்.பி., ப.சிதம்பரத்திற்கு பா.ஜ., மூத்த தலைவர் சுப்பிரமணியன் சுவாமி, ‛இது ஒரு புகார் வழக்கு, இதில் எப்.ஐ.ஆர் கேட்பது முட்டாள்தனமானது' எனவும், ‛ப.சிதம்பரத்தின் சட்டம் தொடர்பான டிகிரியை ரத்து செய்ய வேண்டும்' எனவும் கூறியுள்ளார்.



நேஷனல் ஹெரால்டு ஊழல் குற்றச்சாட்டு தொடர்பாக, காங்கிரஸ் எம்.பி., ராகுலிடம் அமலாக்கத்துறை இன்று (ஜூன் 15) தொடர்ந்து 3வது நாளாக விசாரணை நடத்தி வருகிறது. இதனை எதிர்த்து நாடு முழுவதும் காங்கிரஸ் கட்சியினர் போராட்டத்தில் ஈடுபட்டு வருகின்றனர். விசாரணை நடைபெறுவது குறித்து காங்கிரஸ் மூத்த தலைவரும் எம்.பி.,யுமான ப.சிதம்பரம் கூறுகையில், ‛அமலாக்கத்துறை சட்டத்தை மதிப்பது கிடையாது. என்ன குற்றம் நடந்தது என நாங்கள் கேட்கிறோம். அதற்கு எந்த பதிலும் இல்லை. எந்த போலீஸ் அமைப்பு எப்.ஐ.ஆர் பதிவு செய்துள்ளது? அதற்கு பதில் இல்லை. எப்.ஐ.ஆர் நகலை கொடுங்கள். இதற்கும் பதில் இல்லை' என்றார்.





இதற்கு பதிலளிக்கும் விதமாக பா.ஜ., மூத்த தலைவரும், நேஷனல் ஹெரால்டு ஊழல் குறித்த வழக்கினை தொடர்ந்தவருமான சுப்பிரமணியன் சுவாமி கூறியுள்ளதாவது: எப்.ஐ.ஆர் கேட்பது எவ்வளவு முட்டாள்தனமானது. இது ஒரு புகார் வழக்கு. ப.சிதம்பரத்தின் சட்டம் தொடர்பான டிகிரியை ரத்து செய்ய வேண்டும். குற்றவியல் நடைமுறைச் சட்டத்தின் 12 மற்றும் 15வது அத்தியாயம் ஆகியவற்றுக்கு இடையேயான வித்தியாசம் ப.சிதம்பரத்திற்கு தெரியாது. அவர் உண்மையில் சட்டம் தொடர்பான டிகிரி பெற்றுள்ளாரா?. இவ்வாறு அவர் கேள்வி எழுப்பியுள்ளார்.

நன்றி தினமலர்.

இவர் , .’......க்கு நிதி தொடர்பாக எதுவுமே தெரியாது’, ‘குஜராத் டீம் வென்றது பற்றி விசாரிக்க வேண்டும்’ என்றும் பலவாறாக மைய அரசுக்கு எதிராகக் கூறியதை எடுத்துக்கொளவதா இதை எடுத்துக்கொளவதா?