ஜனாதிபதி தேர்தல்.

**T.N.Balasubramanian** · **T.N.Balasubramanian** Thu Jun 09, 2022 4:52 pm

[ltr]புதுடில்லி: ஜூலை 18ம் தேதி ஜனாதிபதி தேர்தல் நடைபெறும் என இந்திய தலைமை தேர்தல் கமிஷனர் ராஜிவ் குமார் அறிவித்துள்ளார். ஓட்டு எண்ணிக்கை ஜூலை 21ல் நடக்கிறது.[/ltr]

நாட்டின் 14வது ஜனாதிபதியாக உள்ள ராம்நாத் கோவிந்தின் பதவிக்காலம், ஜூலை மாதத்துடன் முடிகிறது. இதையடுத்து, புதிய ஜனாதிபதி தேர்தலை நடத்துவதற்கான ஏற்பாடுகளில் தேர்தல் கமிஷன் தீவிரமாக ஈடுபட்டது. இதற்காக, தலைமை தேர்தல் கமிஷனர் ராஜிவ் குமார், தேர்தல் கமிஷனர் அனுாப் சந்திர பாண்டே ஆகியோர், மத்திய உள்துறை மற்றும் சட்டத்துறை அமைச்சகங்களுடன் சமீபத்தில் ஆலோசனை நடத்தினர்.

ஜனாதிபதி தேர்தல். Gallerye_160045913_3049327

ஜனாதிபதி தேர்தல். Gallerye_160045913_3049327

இந்த நிலையில், இன்று (ஜூன் 9) செய்தியாளர்களை சந்தித்த தலைமை தேர்தல் கமிஷனர் ராஜிவ் குமார், ‛ஜனாதிபதி தேர்தலில் மொத்தம் 776 எம்.பி.,க்கள், 4,033 எம்எல்ஏ.,க்கள் ஓட்டளிக்க உள்ளனர். மொத்த ஓட்டுகளின் மதிப்பு 10,86,431. ராஜ்யசபா தலைமை செயலர் பிரமோத் சந்திர மோடி தேர்தல் அதிகாரியாக செயல்படுவார். வேட்புமனு ஏற்கப்பட்ட 50 எம்.பி.,க்கள் அல்லது எம்எல்ஏ.,க்கள் வேட்பாளரை முன்மொழிய வேண்டும். பார்லிமென்ட் மற்றும் மாநிலங்களின் சட்டசபையில் ஓட்டுப்பதிவு நடைபெறும். தற்போது ஜனாதிபதியாக இருக்கும் ராம்நாத் கோவிந்தின் பதவிக்காலம் ஜூலை 24ம் தேதியுடன் முடிவடைகிறது. புதிய ஜனாதிபதிக்கான ஓட்டுப்பதிவு ஜூலை 18ம் தேதி நடைபெறுகிறது. புதிய ஜனாதிபதி ஜூலை 25ம் தேதி பதவியேற்பார். ஓட்டுப்பதிவு ஜூலை 18ம் தேதி நடைபெறுகிறது' என்றார்.

முக்கிய தேதிகள்:

வேட்புமனு தாக்கல் துவக்கம்: ஜூன் 15
வேட்புமனு தாக்கல் செய்ய கடைசி நாள்: ஜூன் 29
வேட்புமனு பரிசீலனை: ஜூன் 30
வேட்புமனு வாபஸ் பெற கடைசி நாள்: ஜூலை 02
ஓட்டுப்பதிவு: ஜூலை 18
ஓட்டு எண்ணிக்கை: ஜூலை 21

நன்றி தினமலர்.

**T.N.Balasubramanian** · **T.N.Balasubramanian** Thu Jun 09, 2022 4:55 pm

தமிழகத்தில் இருந்து நிச்சயமாக ஒருவர் போட்டி இடுவார்.

ஜனாதிபதி தேர்தல்.

ஜனாதிபதி தேர்தல்.

Re: ஜனாதிபதி தேர்தல்.

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக