கஜினி முகமது….

**ayyasamy ram** · **ayyasamy ram** Wed Jun 01, 2022 2:45 pm

நாடு பிடிக்கும் ஆசையில், போர் வெறி பிடித்து, வலிய
சண்டைக்குப் போகும், கஜினி முகமதுவின் பெயரைக்
கேட்டாலே, மற்ற நாட்டு அரசர்கள் பயந்து, அலறினர்.

அந்தக் காலகட்டத்தில், பாரசீகத்தின் ஒரு பகுதியாக, ஈராக்
நாடு இருந்தது. அதன் மன்னர், திடீரென காலமாகி விட,
உடனே, அவரது மனைவி, அந்நாட்டின் அரசியாக அரியணையில்
அமர்ந்தாள்.

அதை அறிந்த கஜினி முகமது, ‘கப்பம் கட்டுகிறாயா அல்லது
படையெடுத்து வரட்டுமா…’ என்று, கடிதம் எழுதி அனுப்பினார்.

அதைப் படித்த அரசி, பயப்படவில்லை. அவளும் உடனே, கஜினி
முகமதுக்கு கடிதம் எழுதினாள்.

‘பேரரசரான தாங்கள், ஒரு பெண்ணின் மீது படையெடுத்து வரும்
அளவுக்குத் தாழ்ந்து போய் விடவில்லை என எண்ணுகிறேன்.
போரில் நான் வென்றால் தங்களுக்கு அவமானம். நான் தோற்றால்,
ஒரு பெண்ணை வெற்றி கொண்டதில் என்ன வீரம் வெளிப்
பட்டிருக்கிறது என்று எண்ணும்போது, அதுவும் தங்களுக்கு
அவமானம் தான்.

ஆகவே, என் விஷயத்தில், தாங்கள் புத்திசாலித்தனமாக நடந்து
கொள்வீர்கள் என, நினைக்கிறேன்…’ என்று எழுதியிருந்தாள்.

அதைப் படித்து, அதிலிருந்த உண்மையை உணர்ந்த கஜினி
முகமது, ஈராக்கை அந்தப் பெண் ஆட்சி செய்யும் வரை, அவளுடன்
போர் செய்வதில்லை என்று தீர்மானம் செய்து கொண்டார்.
–
நடுத்தெரு நாராயணன்
திண்ணை-வாரமலர்

**Dr.S.Soundarapandian** · **Dr.S.Soundarapandian** Wed Jun 01, 2022 9:31 pm

கஜினி முகமது….

கஜினி முகமது….

Re: கஜினி முகமது….

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக