'யு- டியூபர்' கைது விவகாரம்; அரசுக்கு எதிராக களம் இறங்குகிறார் சாமி!

**T.N.Balasubramanian** · **T.N.Balasubramanian** Tue May 31, 2022 12:00 pm

'ஆன்மிகத்துக்கு ஆதரவாக யாரெல்லாம் செயல்படுகின்றனரோ, அவர்களை பொய் வழக்கு போட்டு, அசிங்கப்படுத்துவதில், தமிழக அரசு தீவிரமாக செயல்படுகிறது. ''அதற்கு சட்ட ரீதியாக தக்க பாடம் புகட்டப்படும்,'' என, பா.ஜ., மூத்த தலைவர் சுப்பிரமணிய சாமி கூறினார்.

'யு- டியூபர்' கைது விவகாரம்; அரசுக்கு எதிராக களம் இறங்குகிறார் சாமி! Tamil_News_large_3041794

'யு- டியூபர்' கைது விவகாரம்; அரசுக்கு எதிராக களம் இறங்குகிறார் சாமி! Tamil_News_large_3041794

நம் நாளிதழுக்கு அவர் அளித்த பேட்டி:'இளைய பாரதம்' என்னும் 'யு டியூப் சேனல்' நடத்தும் கார்த்திக் கோபிநாத், ஆன்மிக சிந்தனைஉள்ள இளைஞர். பெரம்பலுார் அருகில் இருக்கும் சிறுவாச்சூர் மதுர காளியம்மன் கோவில் மற்றும் அதன் அருகில் இருக்கும் பெரியசாமி கோவில் சிலைகளை, ஹிந்து விரோத அயோக்கியர்கள் உடைத்துள்ளனர்.

அதை புனரமைக்க வேண்டும் என்பதற்காக, ஆன்மிக பக்தர்கள் எடுக்கும் முயற்சிக்கு உதவ, கார்த்திக் கோபிநாத் முன்வந்தார். 'மிலாத்' என்ற செயலி வழியாக, கோவில்களை புனரமைக்க பணம் வசூல் செய்தார். அந்த பணம், அவரிடம் பத்திரமாக உள்ளது. இதற்கிடையில், பெரியசாமி கோவிலுக்கு சொந்தமான மாடப்புரம் கிராமத்து மக்கள், கோவில் திருப்பணிகளை செய்யும்படி, கார்த்திக் கோபிநாத்தை வலியுறுத்தி உள்ளனர். அதற்கான வேலைகளில் இறங்கியுள்ளார்.

இந்நிலையில், அவர் பணம் வசூலித்து ஏமாற்றி விட்டதாக, சேலத்தை சேர்ந்த ஒருவர், கார்த்திக் கோபிநாத் வசிக்கும் ஆவடிக்கு வந்து, புகார் கொடுத்துள்ளார். ஏற்கனவே கோபத்தில் இருக்கும் ஆட்சியாளர்கள், உடனே நடவடிக்கை எடுத்துள்ளனர். தமிழக போலீஸ் நடவடிக்கைகள் தவறான பாதையில் செல்வதால், நானே இந்த விஷயத்தில் நேரடியாக களம் இறங்க போகிறேன். இவ்வாறு அவர் கூறினார்.